زي ما سلم موسي شريعته للشعب بحب وتدقيق
سلمتنا وصايا الانجيل صارت لينا سبيل وطريق
زي ما نور وجهه بقوه يعكس نور رب القوات
انت يا أنبا بيشوى صوره حلوه ليسوعنا رب السماوات
زي ما عاش صموئيل في الهيكل يسمع صوت رب الأكوان
صار المذبح حجر الزاويه أصل مسيحنا فوق الزمان
ترفع عنده طلبة شعبك واثق في الهنا الحنان
أصل يسوع اظهرلك دمه وجسده برؤية العيان
زي ما صور نوح الفلك وكان وسيله لكل حياه
علمتنا ان الكنيسه ام حنونه وفلك نجاة
أخلصت في خدمتها يا ابويا جوه تاريخها صنعت بهاء
كتبت اسمك حامى الايمان زهره في بستان الاباء
زي ما أنقذ يوسف الشعب بحكمه ووفر ليهم القوت
بحياتك وإرشاداتك رديت الضال للملكوت
ييجى الخاطي ويصبح تايب يعترف بكل وضوح
تكشفله محبة الهنا وبابه الي علطول مفتوح
زي أبوة ماربولس جابت للملكوت ملايين
صارت صلواتك وعظاتك منارة لكل المؤمنين
مهما أتألم كان بيسلم أصل الحب دا ماله حدود
وانت يا ابويا في السجن بتشهد انك ابن اله موجود
علمتنا ان الكنيسه ام حنونه وفلك نجاه
أخلصت في خدمتها يا ابويا وجوه تاريخها صنعت بهاء
كتبت اسمك أنبا بيشوى زهره في بستان الاباء
لما ربحت بالوزنات سمعت من رب القوات
يكفيك تعبآ كل ما فات ادخل الي مجد السماوات
وانت يا ابويا دلوقتي في حضنه حياه أيديه تعيشها معاه
اذكرنا امام عرش النعمة علشان نوصل للسما .
