سلسلة المسيح يحب الخطاة

[نرمين واصف]

امين ربنا يباركك......متابعة

[حنان بنت المسيح]

"حملك الرب الهك كما يحمل الانسان ابنه فى كل الطرق التى سلكتموها ".نث (1 :31 )
جميل جدا
كملى حبيبتى متابعه معاكى

[مورا مرمر]

شكرا على المرور والمتابعة
ربنا يبارك فيكم

[مورا مرمر]

تقديم الجزء الثانى من سلسلة المسيح يحب الخطاة

المسيح يحب الخطاة والدليل الاول من خلال كلامة من خلال الكتاب المقدس والدليل التانى من خلال تعاملاته مع الخطاة والرب يسوع كان يقبل الخطاة ويرحب بيهم مش بيحتقرهم او يقرف منهم وايضا كان يحميهم ويدافع عنهم .وليس ذلك فقط بل كان يغفر ويصفح غفران كامل ويهب رداء البر وثياب الخلاص لكل من يقبل اليه .

وهذه الاجزاء تعتبر مقدمة وتمهيد للطريق فنركز فيها على معرفة الطريق ونظرته لنا لاننا خطاة سنركز على نظرته لنا نحن الخطاة وكيفية تعاملاته معنا ان اردت ان تتعرف على محبة الرب يسوع وقبوله وغفرانه .نرجوك ان تكمل معنا هذه السلسلة .هذه السلسلة عبارة عن منهج مبسط وخطوات عملية فى الحياة الروحية .

الرب يعطينا تجديد الذهن وقبول لمحبته بشفاعة امنا العذراء مريم وصلوات ابينا الطوباوى قداسة البابا تواضروس الثانى ولالهنا المجد فى كنيسته الان والى الابد امين ..

سرت فى الطريق الى ابى وكنت هذه المرة وحدى فقد عرفت الطريق وفرحت بالكلام عن محبة المسيح للخطاة وعن ان الله ينظر الى كمريض يحتاج العلاج وليس كمجرم يستحق العقاب وبدأت فى الصلوات البسيطة كما علمنى ابى لكن مش كل حاجة اتغيرت فيه حاجات كتير لسة ضعيف قدامها قابلت ابى واخبرته عن كل حاجة قالى الطريق طويل واحنا هنمشى خطوة خطوة اصبر معى يا ابنى ومع الوقت هايكون فى تغيير وتحرير لكن واحدة واحدة تكلمنا عن اول دليل لمحبة المسيح للخطاة هو كلام الكتاب المقدس تانى دليل لمحبة المسبح للخطاة هو

تعاملات الرب يسوع مع الخطاة

ففى كل تعاملات المسيح مع الخطاة تجد المحبة والقبول فمكتوب عن انه "محب للعشارين والخطاة "مت (11 :19 ) وسنأخذ مثال المرأة التى ذخبت الى بيت سمعان الفريسى وغسلت قدمي الرب يسوع بالدموع ودهنتها بالطيب وصراحة هذه المرأة امرها غريب ما الذى دفعها ان تذهب الى بيت شخص فريسى متعصب بهذا الشكل وما الذى جعلها ترضى ان تزل نفسها وتسجد الى الارض وتقبل قدمى شخص غريب لا تعرفه امام الناس لم تجعل لكلام الناس اى اعتبار لم تخجل لم تخاف وتوجد ثلاثة دوافع هامة جعلتها تذهب للرب يسوع .

قلت : وايه هى الثلاثة دوافع

قال :اول دافع هو الثقة فى القبول وعدم الرفض
.
قلت : كيف يا ابى ؟

قال : كثير من الشباب يقولون (ربنا زهق منى )(دا ربنا هيودينى جهنم حدف ) فطالما ان الانسان شاعر ان الله زهق منه مش ممكن يجى ليه ابدا وان جاء يجى مثل العبد اللى بيأدى الامور والاوامر لسيده لكن (مايصدق انه يخلص ويجرى ).زى الطالب اللى يروح للمدرس ليقدم له الواجب ولان المدرس طبعه صعب ومعاملاته الشديدة فبفارغ الصبر يبقى عايز يصحح الواجب وياخذ الكشكول ويجرى فلو على الطالب مش هايروح للمدرس لانه مش شاعر بقبول المدرس ليه (بل على العكس شاعر بالقرف )لان لكل فعل رد فعل فالمدرس (قرفان )من الطالب وبالتالى الطالب هيبقى قرفان من المدرس والصلة الوحيدة بينهم هى الواجب ولولا الدرجات والرسوب ما كان ذهب اليه ولا حتى عاوز يشوفه .

زى كدا فى ناس علاقتها بالله هى الواجب الفرض وفقط علشان الخوف من العقاب ومن جهنم بيصلوا لكن ما يصدقوا ان الصلاة تخلص يشعروا انه هم وانزاح ففى قصة الطالب والمدرس ما يصدق ان الترم يخلص ويتمنى فى الكثير من الاوقات ان المدرس يموت وايضا هؤلاء الذين لا يشعرون بقبول الله لهم وترحيبه بهم ففى داخلهم يريدوا ان "الله يموت "
او يكون مش موجود .
"فالشعور بعدم القبول بداية الى طريق الالحاد ".

قلت (بأستغراب ):ياه دا كده احنا داخين على مرحلة صعبة وخطر دا كتير من اصحابى عندهم شعور بالرفض من الله والصراحة انا كمان يا ابى كان عندى شوية من الشعور دا !!!لكن مش الخطية تخلى ربنا فعلا يقرف منى او يزهق منى او حتى لو قبلنى يبقى "بالعافية ".

قال : دا اللى وصل لينا بسبب التربية ان بعض الاباء فى البيت او بعض الخدام فى الكنيسة بيوصلوا الصورة الصعبة دى عن الله يمكن علشان هما ما يعرفوش او لانهم اتربوا التربية الصعبة دى .

شاب جامعى يحكى ويقول " عشت طفولة تعيسة مع اب صعب وشديد كل يوم لازم يضربنى سواء غلطة كبيرة او صغيرة وفيه ايام كنت اتضرب علشان حاجات مش عارف انها غلط اصلا لو مفيش ضرب يبقى كلام زى السهام المسمومة "انت فاشل "،"مش هاتنفع ""لو ربيت خروف كنت كسبت فيه ".وكنت اعيش مع نفسى فى احلامى اليقظة واتخيل اليوم اللى هايموت فيه ابويا واشعر انه هايكون عيد هاعتبره عيد ميلادى حتى لما كبرت كنت اقضى اغلب الايام بره البيت علشان مااسمعش كلمات التوبيخ والتأنيب وبالفعل جاء اليوم اللى مات فيه ابويا وكان اسعد ايام حياتى وكنت اشعر بالراحة وكنت كل ما اشوف خروف كنت افتكر كلماته "لو كنت ربيت خروف كنت كسبت فيه "وكنت اقول فى نفسى خروف اهم منى فعلا ماكنش اب !!"

غدا ان شاء الله وعشنا
سوف نكمل معا
صلوا لاجلى ..

[sama smsma]

فى ناس علاقتها بالله هى الواجب الفرض وفقط علشان الخوف من العقاب ومن جهنم بيصلوا

اكيد دى علاقة مش حلوة بين الانسان و ابوه السماوى

[بنت معلم الاجيال]

بعض الخدام فى الكنيسة بيوصلوا الصورة الصعبة دى عن الله يمكن علشان هما ما يعرفوش او لانهم اتربوا التربية الصعبة دى

جميل اوي يا حبيبتي ربنا يباركك

[Haia]

خدمة رائعة
ربنا يبارك حياتك

[مورا مرمر]

ميرسى لمروركم

[مورا مرمر]

لكن المسيح مش كدا يا ابنى

محتاجين نعرف الصورة الحقيقية عن الله
من الانجيل مش من الناس .

فالاباء بهم ضعفات والخدام مش كاملين ولكن المسيح يرحب ويفرح بك دائما بل مشتاق لك دايما مهما تكن حالتك خاطى نجس قذر مكتوب كلام جميل فى منتهى الروعة عنه وفى مثل الابن الضال لو (15 )انه "عندما رجع قبله ابوه فرحا"لم يقبله فقط بل فرحا وتكررت كلمة الفرح "فنأكل ونفرح _فبدأوا يفرحون _ينبغى ان نفرح ونسر "فرحان بمين !بأبن رائحته قذرة !بأبن عاق ورث ابوه وهو حى !تخيل حد من الصعيد راح لابوه وقال اعطينى الميراث تخيل هايعمل معاه ايه ؟

قلت : ممكن يقتله ويقوله هاتورثنى وانا حى يا قليل الادب ؟؟

قال : الابن لما رجع ابوه فرح بيه لم يقرف برائحة الخنازير بل ركض (جرى )ووقع على عنقه وقبله فمهما تكن حالتك ارجع يا ابنى وربنا هايعمل معاك زى كدا "هايفرح بيك مش هايقرف منك "والحقيقة يا ابنى كلنا خطاة فمكتوب "الجميع زاغوا وفسدوا "رو (3 :12 )يعنى كلنا نظر الى ابى لاكمل

فقلت : فاسدين

فأكمل وقال :ولاننا فاسدين ونسقط فى خطايا كل يوم نحتاج ان نذهب كل يوم لنتطهر بدم المسيح .1يو (1: 7 )ونأخذ رداء البر وثياب الخلاص .

قلت : بس انا كل يوم بأقع فى خطايا ربنا مش هايزهق ابدا !!

قال : مش ممكن ابدا لانه عارف طالما اننا فى العالم هانتحارب من ابليس علشان كده علشان كده فى حاجة اسمها التوبة والكتاب بيقول الصديق يسقط سبع مرات ويقوم .يسقط سبع مرات والكتاب يقول عليه صديق مش ذنديق او خاطى بطرس الرسول بيقول للرب يسوع كم مرة يخطئ الى اخى وانا اغفر له سبع مرات فى اليوم ؟؟فقال له الرب يسوع مش سبع مرات سبع مرات سبعين مرة طيب بيقول لبطرس اغفر كده طيب هو يغفر اد ايه اطمن فالرب يسوع مش ممكن يقرف منك ابدا !

زى ما يكون ولد عايش فى منطقة اشرار كل ما يمشى فى الشارع يرموا عليه مياه مجارى فيرجع لابوه فينضفة ويطبطب عليه ويقوله معلهش اصبر لحد ماننتقل لمنطقة تانية اجمل وارقى ولما حد يجى يقرب منك نادى على بسرعة وانا هاجى لك بسرعة زى كده الرب يسوع يقولك "فى العالم ده هايكون فى تعب في ضيق فى الم لكن اتحمل لحد ما اجى اخدك فى مكان جميل مكان كله فرح وسلام وحب ولما حد يتعبك فى العالم دا نادى على بسرعة وانا اجيلك وانجيك "
لكن لو الولد كل ما يرجع للبيت ابوه يضربه او يكون قرفان منه ويقوله "كل شوية تنضرب ويعملوا معاك كده يا قذر يا معفن "تفتك الولد هايرجع للبيت تانى ؟!

قلت : ممكن يرجع مرة اتنين لكن مع الوقت يزهق ويقول "هالقيها منين ولا منين خلينى فى الشارع "

قال : ان لم نثق ان الله يقبلنا وبيرحب بينا ويجرى علينا ويقع فى اعناقنا (يحتضنا بقوة )ويقبلنا .هانفضل فى الشارع (الخطية والنجاسة )فثقة القبول والترحيب وان الله معانا مش ضدنا بيحبنا مش بيقرف مننا دا اول دافع للرجوع للتوبة ومن غير كدا محدش هايرجع لربنا ابدا .

ها اقولك اية فى غاية الروعة عن حب ربنا الشديد والعجيب لنا مهما يكون ضعفنا قالها الله فى سفر ارميا وكان الناس وقتها فى قمة الانحلال والفساد .وكان ارميا بيدعيهم للتوبة والرجوع بيقول الكتاب " كما تلتصق المنطقة بحقوى الانسان هكذا الصقت بنفسى بيت اسرائيل وكل بيت يهوذا يقول الرب ليكونوا لى شعبا واسما وفخرا ومجدا لكنهم لم يسمعوا "ار (13 : 11 ).

قلت : يعنى اية المنطقة والحقوين يا ابى ؟

قال :المنطقة هى زى حزام كبير بيشد بيه الانسان وسطه (الحقوين )لما يكون بيشتغل فى الغيط او الجندى اللى بيحارب وبتكون ملتصقة بشدة بوسط الانسان .فالله بيقول بحبكم جدا ومن حبى باحتضنكم بشدة زى كده زى ما يكون ليك صديق هاجر امريكا ومشفتهوش من 20 سنة فلما تشوفة تأخده بالاحضان بشدة كدا ربنا بيحبنا وعاوز اى طريقة يعبر بيها عن حبه لينا والكلام دا لشعب بعيد وعايش فى الخطية !!

والصراحة من غير ما تتغير فكرة ان الله قرفان منى لما باخطئ وزهقان من كثرة سقوطى ونجاساتى ومن غير قبول حب المسيح والثقة فى ترحيبة واحضانه بالطريقة دى هايفضل الواحد جوعان للحب ويبحث عنه فى كل مكان حتى لو عند الشيطان !!فى الخطية بأنواعها الزنا ، الاباحية ، الالحاد ،الشذوذ ، المخدرات ،...الخ

فكل الخطايا
سببها نقص وجوع للحب
والتوبة هى الرجوع للمسيح والشبع بحب المسيح

غدا ان شاء الله وعشنا
سوف نكمل معا
صلوا لاجلى ...

[sama smsma]

فكل الخطايا
سببها نقص وجوع للحب
والتوبة هى الرجوع للمسيح والشبع بحب المسيح

صح ياحبيبتى
ربنا يفرح قلبك