سلسلة المسيح يحب الخطاة

[sama smsma]

التدرج مبدأ مهم فى التدرج والاستمرار سواء على المستوى الجسدى او الروحى

روووعة حبيبتى مورا

ربنا يفرح قلبك

[بنت معلم الاجيال]

لا صلى ان الرب يغيره للاحسن فأحسن طريقة للتخلص من العدو هو ان تحوله الى صديق صلى ان الرب يعطيك حكمة فى التعامل معه وان ينجيك وينجيه من الشر لان الانسان غلبان لكن الشيطان

[حنان بنت المسيح]

موضوع جميل جدا

ومجهود رائع منك حبيبتى
ربنا يبارك خدمتك وتكون سبب بركه لكثيرين

[walaa farouk]

مشاركة جميلة جدا
ربنا يفرح قلبك

[souad jaalouk]

يسوع يرافقك ويكون معك دايما عمل رائع للغاية ومثمر

[مورا مرمر]

ميرسى جدا على مروركم الرائع

[مورا مرمر]

قلت : كيف ؟

قال :قل له مثل هذه الكلمات كل يوم " هل فعلا بتحبنى يارب وانا خاطى ونجس ؟يمكن الناس مش عارفة عنى كل حاجة لكن عارف يارب كل خطاياى اللى اصبحت زى الادمان هل تقبلنى وانا لسه مش عارف ابطلها كلها انا عاوز ابطل كل خطية لكنى ضعيف كل ما احاول اسقط ساعدنى وقوينى مش انت ابويا انا وحشتنى يارب هو انا موحشتش يارب ولا ايه ؟تعالى يارب وعرفنى حبك عرفنى انك بتحبنى اكتر من ابويا وامى واصحابى تعالى وكن انت ابويا وامى وصاحبى عرفنىعن نفسك ياربى كفايا الافكار اللى خوفتنى منك وخلتنى تحت عبودية ابليس والخطية وطلع انك بتحبنى ومش زعلان منى دا انت زعلان علي على ابنك البعيد اللى فى ذل وعبودية فعلا البعد عنك يارب ذل وخوف ورعب رحعنى ليك .لا انت رجعتنى خلاص عاوزك تحافظ علي فى حضنك يارب ومتخلنيش ارجع للخطية وان ضعفت خلينى ارجع ليك علشان تشفينى مش اخاف وايأس واحس ان مفيش فايدة خلى عندى رجاء انى اكون معاك حتى لو هاموت وانا بتحارب بالخطية احسن ما ايأس واستسلم خلينى اعرف ازاى ارد على ابليس واستخدم سيف الروح اللى هو كلمتك دا انا جاهل وما اعرفش حاجة عرفنى انت يارب انت المسؤل عنى من هنا ورايح انا مش مسؤل عن نفسى واثق انك هتكون معايا هنا على الارض كل ايام حياتى وهتاخدنى معاك فى الابدية السعيدة بعد مماتى يا ابوى وحبيبى وكل حياتى ".ابدأ الان وقول كل اللى جواك زى ما هو .

قلت : الان بصراحة مش باعرف اصلى اصلا ما اتعودش على كدا ولوة صليت ممكن اقول كلام محفوظ لكن كلام زى كدا صعب !!

قال : ابدأ وهتتعلم وبصراحة ان لم تتكلم كلامك انت بحالتك انت مش كلام محفوظ ماتنتظرش استجابة

قلت : ممكن اغلط وربنا يزعل منى اكتر ما هو زعلان .

قال : اولا زى ما قولنا فى الاول هو مش زعلان منك هو زعلان من ابليس اللى بيتعبك وثانيا اى كلام هتقوله ربنا هيفرح بيه زى صلاة القديسين .

قلت : سامحنى يا ابى كلام كله جديد وغريب صلاتىانا الى مش باعرف اتكلم اللى كلى خطية وشر هايفرح بيها زى صلاة القديسين .

قال : اب عنده اولاد كتير ولد صغير لسه بيتعلم الكلام هايفرح بمين ويسمع مين حتى لو قال اى كلام !!

قلت : غلبتنى يا ابى عندك امثلة واجوبة لكل حاجة .

قال : الله اب محب امثر من اى اب دا ممكن يكون الاب صعب وقاسى على ابنه لذلك قال الله فى حبه مثل حب الام بل واكثر وليس هذا فقط بل حتى لو ابى وامى تركانى الرب يضمنى دا كمان فى قربه مثل صديق الصق من الاخ يعنى ممكن تعامل الله كأب لو الاب قاسى وصعب يبقى تعامله كأم ولو الام صعبة ومش بتهتم هى كمان تعامله كصديق .

قلت : فعلا كدا يا ابى

قال : فعلا يا ابنى فمكتوب "حملك الرب الهك كما يحمل الانسان ابنه فى كل الطرق التى سلكتموها ".نث (1 :31 )
وايضا" كأنسان تعزية امة هكذا اعزيكم انا (يقول الرب )"اش (66 : 13 )وايضا "لكنى اقول لكم (الرب يسوع ) يا احبائى (فى الترجمة القبطية يا اصدقائى ) لاتخافوا .لو (12 :4 ).

قلت : هو فين الكلام دا يا ابى ليه مش بنسمعه فى العظات ليه ماحدش من الخدام يقوله لينا فى فترة المراهقة واحنا حاسين بالنجاسة والرفض من الله والناس حتى من انفسنا .

قال : الله يرسل فعلة طيبين على صورته ومثاله يا ابنى يالاه اتكلم مع الله .

قلت : طالما مصمم هاتكلم "يارب انا خاطى ومش باعرف اصلى انا عاوز اقولك انى فرحان بالكلام بتاع انهارده ان انت بتحبنى وحتى وانا خاطى وان انت يارب اللى هاتغيرنى وتشفينى انا مش هاعرف اعمل حاجة بس هاجيلك واطلب غفرانك وانا خايف لاسقط تانى لكن زى ماقال ابى ان سقطت هاقوم وارجع تانى ومش هايأس عاوزك يارب تعلمنى ازاى اصليلك دايما وابقى معاك على طول وتحمنى من الشيطان ومن شهواتى وتحررنى من عاداتى اللى اصبحت مثل الادمان ماليش غيرك يارب "..امين .

قال : هو دا التدريب التانى اللى تعمله كل يوم لحد ما تنقابل الاسبوع القادم كل يوم تكلم الله مثل هذا الكلام فى الصبح وبالليل فالصلاة هى الحاجة اللى هاتغيرك وتخليك تتوب بيقول مار اسحق "من يظن ان يوجد باب اخر للتوبة غير الصلاة فهو مخدوع من الشياطين ".

التدريب الثالث هو انك تكلم ربنا فى كل وقت وانت ماشى وانت فى الشغل فى الغيط فى المدرسة وانت فى المواصلات اللى فى قلبك قوله خليه صديق قريب منك هو دا اللى يخلى ابليس يخاف منك لما ربنا يبقى معاك على طول وبتكلمه باستمرار علشان كدا القديسين كانوا يصلوا فى كل حين بلا انقطاع يرددوا اسم يسوع حتى فى كل وقت حتى فى وقت النوم فالشياطين كانت تخاف منهم .

قلت : صراحة يا ابى استريحت جدا بعدما صليت بأذن الله هاصلى على طول مادام هى دى الصلاة دى حاجة بسيطة وحلوة خالص وهاحاول اصلى فى فى الشغل وفى الطريق وفى كل وقت هو حد يطول يكلم ربنا على طول كدا ومايكلموش يبقى مش وش نعمة .

قال :نلخص الكلام اللى قولناه

*اول دليل ان المسيح يحب الخطاة هو كلام الكتاب المقدس .

*سر التحول لقبول محبة الله والتحرر من عبودية ابليس هى الاية رو (8 :5 )ونحن بعد خطاة بين الله محبته لنا (قبول محبة الله لنا قبل ان نرجع ).

* التدريبات
1- ايه كل يوم لكل واسبوع والاسبوع التانى ايتين والثالث فقرة والرابع نصف اصحاح لمدة سنة

2 -الصلاة كل يوم دقيقة لمدة اسبوع ثم دقيقتين لمدة اسبوعين وثبت خمس دقائق لمدة ثلاثة شهور ايضا لا تزود ولا تنقص وتطلب من الله يعلمك الطريق ويعطيك ثقة القبول والغفران .

3- تكلم ربنا فى كل وقت فى الشغل فى الشارع وانت نايم وانت صاحى .

سلام يا ابنى نكمل الاسبوع القادم باقى الادلة على حب المسيح للخطاة فابدأ فى تنفيذ الخطوات العملية فكل اسبوع نتقابل ونأخذ خطوة جديدة (او تقرأ الجزء التالى )فالبداية مش كفاية لكن المهم الاستمرار والمثابرة .

تم الجزء الاول من السلسلة
عاوزة اخد اقترحاتكم تحبوا تكملوا ولا لاه
وشوفوا تحبوا تبدأوا امتى ؟؟؟
ياريت تقولوا ارائكم ...

[Mary Naeem]

اكد يا مرمر
انا متابعة معاكي يا قمر

[sama smsma]

متابعة معاكى يا قمر
طبعا كملى

ربنا يفرح قلبك رووووعة

[بنت معلم الاجيال]

الله اب محب امثر من اى اب دا ممكن يكون الاب صعب وقاسى على ابنه لذلك قال الله فى حبه مثل حب الام بل واكثر وليس هذا فقط بل حتى لو ابى وامى تركانى الرب يضمنى دا كمان فى قربه مثل صديق الصق من الاخ يعنى ممكن تعامل الله كأب لو الاب قاسى وصعب يبقى تعامله كأم ولو الام صعبة ومش بتهتم هى كمان تعامله كصديق .


كلمات جميلة قووووي و فارقة جدا ربنا يعوضك