فكره الموت

walaa farouk · رقم المشاركة : ( 1 ) 31 - 08 - 2018, 10:10 PM

ـ اللى خايف من الموت يستسمح ربنا مش يستسمح الناس .
ـ اللى شايف اننا فى زمن الاختطاف " مع ان مش فاهم زمن الاختطاف اللى يقصدوه ده

غير المقصود فالكتاب ولا هو
دلوقتى بس ولا هو مربوط بصغار السن اللى بيروحوا السما او ليه بيتقال عليه كدا "

ولكن للمعتقدين بكدا عليهم يقربوا من ربنا مش يحذروا منه ؟ التحذير مش هايمنع !!
ـ اللى قلقان من موت الغفله يعتبر ان كل يوم هو اخر يوم له على الارض
مش طول الوقت قلقان ووقت ما يبدأ يطمن ؟؟ يحصل اللى على غفله ..
ـ الموت مابيخوفش لكنه مرعب لانه الحقيقة اللى كلنا مصدقينها ولانه بالاكتر بنعتبره حرمان من الدنيا " حرمان من حاجه طول الايام بنشتكى منها " الحاجه وعكسها طبعاً ...
ـ لكل الناس منهم انا بنفتكر الموت الموسمى يعنى لما بيكون لقريب او لحاله بتاخد مشاعرنا وبتنتشر وبننسى الاهم " ليس موتاً لعبيدك بل انتقال .
ـ لكل الناس قبل منهم انا الخوف من الموت او للاغلبيه اللى بتخاف الموت بيكون خوفها من الكلمه .حرفيا من الكلمه اما مايترتب بعده فاللى بيموت بيكون بعيد كل البعد عنه ..

زى الفقدان والحرمان او الخساره او ما الى ذلك ..
نوعين الموت ؟؟
الموت الجسدى اللى كلنا بنصوت فيه
وده عارفينه كلنا والكل داق التجربه ..
والموت اللى ناس كتير عايشه وبتموت
عايشين بس عيشة بطعم موت !! وده الاهم ..
ناس بتموت حرمان باشكاله وبصوره المتعدده ايأ كانت ..

بتموت قسوه او اهمال بتموت احتياج بتموت قهر او تعنت او اذلال . او بتموت فقر !!!!!
ناس كتير بتعيش الموت فى اقصى معانيه و صوره اللى كلنا بنشوفها وبندارى نفسنا

. لو بصينا حوالينا هانشوف ده جدا جدا وقريبين وفى كل مكان ..

لو حاولنا بقدر المستطاع نهون على الناس دى يبقى ساعتها احنا نفسنا مش هنخاف من الموت الحرفى ..
ـ عطاءك ( بمال ولو قليل بأبتسامه بتشجيع . بانك تسمع المحتاج تسمع بس .

ده عطاء كبير .. انك تسمع الموجوع دى بتشيل من عليك كتييير )
ـ خدمتك جوه كنيسه جامع بيت شارع منطقه ( خدمه يعنى مساعده مش يعنى خدمة كنيسه وبس

مساعده لاى حد وفى اى مكان وباقل الامكانيات مادام بتساعد يبقى خدمه مش مهم مين وايه .

. الاهم من قلبك ولربنا . الاهم تبان قدام ربنا بتخدم .. وماتبنش قدام الناس انك بتقدم اصل فايدتها ايه )
ـ صلاتك ( صلى لغيرك صلى للكل حتى اللى تعبوك ايوه اللى تاعبوك ..

انك تنسى الاساءه وتصليلهم دى لازم لكن خد وقتك وانسى على مهلك مرارة الاساءه

غفرانك للغير هايحميك من الموت او بالبلدى كده هايشيل من عليك وقت حسابك اصل بعدها ابدى ..

اعمل يدوب دول من قلبك مش مهم حجم العطاء ايه

. او المحتوى ايه الاهم انك بتعطى حتى ولو جنيهين ماهو قبل الفلسين

هو مش محتاج الكم انما محتاج القلب اللى بيعطى
مش مهم صلاتك مرتبه ومنظمه الاهم شعورك بالمحتاجين صلاه وللكل .
خدمتك مهما كانت بسيطه فى نظرك " لو بتعدى حد من الشارع

"مادام بتهون على حد يبقى اتقبلت واتحسبت خدمه

اصل ربنا بيتلكيك علشان يحسبلنا حاجات كويسه تنفعنا ..

بعد كل ده مش هنخاف الموت علشان هانبقى واثقين اننا مع اللى غلب المووووت

Mary Naeem · 01 - 09 - 2018, 11:17 AM

مادام بتهون على حد يبقى اتقبلت واتحسبت خدمه

اصل ربنا بيتلكيك علشان يحسبلنا حاجات كويسه تنفعنا ..

بعد كل ده مش هنخاف الموت علشان هانبقى واثقين اننا مع اللى غلب المووووت

صح يا قمر
ربنا يباركك حببتي

walaa farouk · 01 - 09 - 2018, 06:09 PM

ميرسي على مرورك الغالى فكره الموت