ليه 'البنت' بتعيط ؟

[Rena Jesus]

- ليه 'البنت' بتعيط ؟
بص قبل ما اشرحلك ليه المرأة بتعيط عايزك تعرف ان المرأه بتقدر تنتقل بين الانفعالات والمشاعر اضعاف قدره الرجل .
يعنى البنت تقدر
( تفرح ، وتزعل وتستغرب وتغير وتكره وتعشق وتعيش حاله نوستاليجا لايام طفولتها )
وكل دا فى مده 10 دقائق فقط
انما احنا الرجاله ،
بنتضايق وناخد وقت طويل علشان نقدر ننتقل لحاله تانيه زى الراحه او الحب ،.
ليه بقى 'البنات' بتعيط ؟

- علشان خليط مشاعر معقده اتفاعلت معاها مره واحده ، او التنقل الكتير المستمر بين حالات متضاده ومتناقضه فى نفس الوقت
مثلا حبيبها قالها
' انا بحبك وبعشقك وبموت فيكى بس انتى اكتر شخصيه بكرها فى حياتى ومش هقدر اكمل معاكى لكن هعافر علشان انجح علاقتنا '
هنا هتعيط ، مش علشان الرجل فارق معاها ، ابدا
علشان ببساطه مخها مبقاش عارف هو المفروض يفرز هرمونات ايه بالظبط ،
يفرح ولا يزعل ولا يكتئب ، يحس بالامان ولا بالخطر .

مثال تانى على التنقل بين شعورين متضادين بسرعه ،
بنت صديقتها 'غدرت بيها' وطعنتها قامت سابتها ومشيت
جت بنت تانيه قالتلها
' توتا سيبك منها انتى جميله اوى ونقيه من جواكى وانا بحبك ومعاكى وهساندك علشان انتى توتا حبيبتى وتحضنها '
هنا البنت هتعيط للشعور -بالامتنان- والتنقل السريع بين شعورين متضادين .

-الشعور بالاحتياج :
وعدم القدره على التعبير عن الشعور دا ، لان الاحساس بالاحتياج عن المرأه اقوى بكتير من الرجل فى التعبير عنه .
مثال : حبيبها او جوزها واحشها ،
او حتى ابنها وعارفه انها مينفعش تقوله كدا فهتبداء تعيط لوحدها لافتقادها الشخص دا واحبانا افتقادها الاحساس 'بالامان' الى كانت بتحسه مع الشخص دا .

-الشعور بالضعف ،
ودا اقسى احساس ممكن تحسه البنت ويخليها تعيط بانهيار وقلبها يوجعها جدا ،
لان الشعور بالضعف واحساسها بانها عاجزه او قليله الحيله دا بيفقدها جزء كبير من التفكير المنطقى الى يخليها تقدر تاخد قرارات بالمستقبل ،
وفى الغالب الاحساس بالضعف والعجز مش معناه ضعف او عجز مادى او جسدى بل تضارب بين المنطق والعاطفه
زى الزوجه الى بتكره زوجها وبيهينها وبيأذيهها بس بتحبه ،
وكذلك البنت الى بتبقى عارفه ان حبييبها بيستغلها وبيوجعها ،
لكن فكره انها تبقى لوحدها وتسيبه فكره مؤلمه عاطفيا جدا ليها لان مخها مسجل معاه ذكريات قويه جدا وكتيره ،
فيبداء مخها يحس بتضارب المفروض اسيبه ؟ ولا اكمل معاه وعادى استحمل ؟ وهنا تبداء تعيط كنوع من الحيل الدفاعيه .

-القلق والتوتر المزمن ، او الخوف ،
ودا بيحصل لما بتخاف اابنت تفقد شخص عزيز ليها ، او تتوه مثلا فى الشارع
او موبايلها يضيع ، او اى حاجه تسببلها توتر ،
او حتى كون انها متعرفش المفروض هيحصل ايه فى مستقبل علاقتها العاطفيه مع الشخص دا بيحطها فى حاله توتر وتبداء تعيط .

-الاحساس بالوحده ،
ودا اقصى شعور ممكن تحسه الانثى ويوجعها ، هو انها تحس انها وحيده فى مواجه العالم
تحس ان ملهاش حد يساندها وقت ضعفها ، وتحس ان عنصر الامان بقى مش موجود خارجيا ابدا
هنا بتتظاهر بالقوه احيانا لكن ولان دا مش طبيعى ومش صحى بتضعف وبتتوجع لكن كبريائها بيمنعها تظهر ضعفها دا ،
وما بين احتياجها للامان وللسند وللحضن وكبريائها بتبداء تعيط .

لكن اخطر نوع من العياط ، هو العياط بدون '-سبب-' زى انها تعيط وهى نايمه
ودا بيعبر عن 'غضب داخلى' العقل الباطن دافنه ومش قادر يتعامل معاه

[walaa farouk]

ميرسي على مشاركتك الجميلة

[Rena Jesus]

ميرسى لمرورك الغالى