|
 |
 |
 |
|
رقم المشاركة : ( 1 )
26 - 06 - 2018, 04:03 AM
|
|||||||||||
|
|||||||||||
 عزيزي الله.. تحيه طيبه وبعد.. .. نفسي حزينه حتي الموت... الحقيقه باكتبلك علشان اقولك اني مش فاهمه انت بتعمل ايه!! حقيقي دماغي حاولت تجيبها يمين وشمال مش راكبه.. الوضع بقي مزري.. انت مسيطر صح؟! التلطيش والتخبيط دا ليه هدف؟! بيقولولي دا لخيري ولتشكيلي وتغيير وكدا.. ايه رايك ؟! ولو دا صح انت واثق انه مافيش طريقه تانيه تعرف تعمل بيها دا؟! عقلي معاك لكن قلبي بيقولك كفايه تكدير.. عارفه اني في يوم قولتلك انا متاحه ليك واعمل اللي انت عايزه في حياتي.. لكن اشمعني دي اللي اخدتها بجد اوي كدا؟! عارف.. اوقات بفكر الغي الاتفاق معاك وانت في حالك وانا في حالي وشكرا اوي علي اللي وصلتله.. كفايها شخصيه علي دعوه علي معني.. بس.. مابعرفش! مابعرفش اقعد كتير مع نفسي دي.. مابعرفش اشيلك من المشهد.. مابعرفش ادفن سؤال انا هنا ليه؟.. انت مختلف اوي.. مختلف بطريقه مستفزه! اللي هو علي قد ما اختلافك بيئلمني وبيتحداني علي قد ما انا ممتنه ليه.. ممتنه لانك مش تقليدي.. لانك فريد.. ممتنه لانك انت! عزيزي الله.. الطريق صعب وطويل.. التشكيل مؤلم حد التكدير.. الصنفره بتعور... لكن فيه فتيله رجاءها فيك.. فتيله بتومض شرارات في روحي.. فتيله بتقاوح وتعافر انه بالرغم من الواقع انه فيه حاجه بتحصل في حته انا مش شايفاها.. احب اقولك في الاخر.. اني قررت اني مش هاتنازل عن اللي ليا عندك. . مش هاتنازل عن قلبك.. مش هاتنازل عن محضرك والقعده معاك... مش هاتنازل عن كل خناقه ونقاش.. مش هاتنازل عن كل تاثير وإدراك مهما كان التمن.. مش هساومك او اتفاوض عليك بأي نوع مسكنات... عارف ليه مقدرش اسيبك لأنك الوحيد اللي قبلني بقرفي.. الوحيد اللي بتتعامل معايا بمنتهي الإنسانية.. الوحيد اللي بتستحمل اسألتي البجحه أحيانا .. "نفسي تنتظره.. وتضع رجاءها فيه... لانه فيه كانت الحياه" 
|
|
26 - 06 - 2018, 10:48 AM
|
رقم المشاركة : ( 2 ) | ||||
|
† Admin Woman †
|
رد: عزيزي الله تحيه طيبه وبعد
"نفسي تنتظره.. وتضع رجاءها فيه... لانه فيه كانت الحياه"
ربنا يبارك حياتك |
||||
|
|
|
26 - 06 - 2018, 09:22 PM
|
رقم المشاركة : ( 3 ) | ||||
|
..::| الإدارة العامة |::..
|
رد: عزيزي الله تحيه طيبه وبعد
ميرسى على مرورك الغالى |
||||
|
|
 |
|
العرض العادي
