| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#71
16 - 06 - 2018, 07:48 PM
|
|||
|
|||
|
رجعت سنابل الخير من عند رب السّما تناغم مع النّسمات وردات الهنا وتعزف أجمل الألحان ع سطوح مشتاقة لسكب الحب من إيد ما بتعرف إلا الزّرع وعلينا نحنا الجنى من إيد غامرة الكون بإلفة ودفا الخير من عندو ومش من عندك او عندي أنا ومهما قلنا واحترنا بعيون الدّمع غالبنا لغير اللي قال لهالمسكوني كوني ما بيوم منعرف الأسرار المخزوني غير ما القلب يسكن فيه سلااام ومحبّة وصدق ووفا سعاد جعلوك 
|
|
#72
16 - 06 - 2018, 07:51 PM
|
|||
|
|||
|
رسمتك صورة ملوّنة على جسر كلّو آهات وذكريات وحلم مسروق من عجقة خيالات رسمتك صورة ملوّنة ع المي سرقت معها أجمل اللّحظات اكتبتك حلم من دون أيّا حروف لحتّى غيرك ما يعرف تفاصيلو يشوف بس الواقع بعباية الغدر ملفوف غلّف مجاري الدّمع وخنق النّهدات
|
|
#73
16 - 06 - 2018, 07:54 PM
|
|||
|
|||
|
كتاب حياتي ... كتابي بإيدي سطرتو وبالريشة حرف وحرف رسمتو بين النقط مجاهل غريبي صوّرتو أشواق .. وحنين ... وفراق .. ودموع ... ولهفة قلب حمّلتو ... كتاب حياتي انا إلفتو ... صفحات غنيي ...بصور كتار ... كتار لوّنتو ... حلم عيون مشتاقة ... هيك عالهدى حلمتو قلوب ولهانة للدفا بخيطان الحلا غزلتو ... وغيمات بيض وسود ... خيّمت ع مفرق مطلّو بنص الدرب تركت الريشة تخط اللّون وتكتب وللدهر تقلّو هودي صفحات عمر ... هالقد انا بعروق مشبوكة قهر ع السكت غربلتو ...
|
|
#74
16 - 06 - 2018, 07:58 PM
|
|||
|
|||
|
عرابة المعاني ... يحادثني ... يصف لي الأشياء ... يلونها ... بألوان الدنيا يزخرفها ... سعاد جعلوك وتقريباً إلى حدود الشّمس يوصلها ... يزرع من البحر أهداب العشق ... ويكحّلها ... ومن الشّواطئ اللّازورديّة يخطّ حلماً ويصنفها ... محطاتٌ ... لا بل مساحات من الورد ويعطرها ... كلماتٌ تحاكي الصّلاة في معابدها ... رسمها ... غلّفها بأبهى حللٍٍ وبعد هذا عاد وبعثرها .... حروفاً ضائعة تبحث عن كاتبها ... عن مؤلفها ... يحادثني ... ظنّا منه أنّ الكلمات الّتي بحبّ ينطقها ... ستفعل بي فعل السّحر ... ونسيَ أنّي في عالم الكلمات والمعاني ... أختها وأمّها لا بل أكثر من ذلك ... عرّابتها ...
|
|
#75
16 - 06 - 2018, 08:01 PM
|
|||
|
|||
|
هيدي الدّني غرقاني ببحر البكي وسفينة بلا ربّان تايهة بمتاهات ملبّكي تفتّش ع مينا أمين تحطط مرساتها وترتاح من هموم العمر المسودني وهيدي هيي الدّني غربال ما بينقى منو الحكي أوجاع مخباية بعيون ما بتشتكي صرخات مكبوتة بقلب مشتاق لأيّام بيضا مليانة أشواق ما بتعرف الّا العيش الهني مش هيك هيي الدّني الدّني دني بس نحنا كتاب سطورو مسودني ومنقول هيدي هيي الدّني سعاد جعلوك
|
|
#76
16 - 06 - 2018, 08:03 PM
|
|||
|
|||
|
مَنْ أنت ؟؟ من أنت ؟ لست أدري ! بل خلتُ نفسي أدري لزمن قصيرٍ مضى ، كنت أسميك طيفاً ... كنت أسميك زائراً دائما يحضرُ ليقولَ لي أنا هنا ... ما زلْتُ هنا ... كنتَ ضيفي في أضغاثِ أحلامي .. أهبّ مذعورةً لأرتشقَ ماء اللّوعة والإختناق .. أمّا اليوم وغداً وإلى الأبد فأصبحت ضيفاً ملازماً أقحمت نفسك في دنياي بعد أن غادرتها كما أتيت من أنت ؟باللّه عليك أنبئني الخبر واكشف أوراقك كلّها وإلّا عد كما كنتَ طيفاً يزورني كما تعودت عليه بعد لأي وعذابات السّنين _كلمات مبعثرة _ سعاد جعلوك
|
|
#77
16 - 06 - 2018, 08:08 PM
|
|||
|
|||
|
بالعكس أمورك كلها بالعكس بقلّك شتي بتقلي شمس حلّك تعرف عقلاتي وتراعي فيي جنوني وخواتي وما تتحيّر بين بكرة وأمس بالعكس أمورك كلها بالعكس المطلوب منك تتحمّل وبس ومنّي إشكي همّي ع الهمس وما تسمع لأن أمورك كلها بالعكس - سعاد -
|
|
#78
16 - 06 - 2018, 08:11 PM
|
|||
|
|||
|
وعينا ع صوت العصافير وعينا وكل الألم والخوف نسينا وتطلعنا لرب السّما بعيون مترجمة بخطوط زرقا تحكي عن أمانينا souad
|
|
#79
16 - 06 - 2018, 08:17 PM
|
|||
|
|||
|
كلمات ليست كالكلمات ------------------ ~~~~~~~~~~ تعلّمت من الصمت ان اتكلّم ... تعلّمت من الهدوء .. كم هو جميل في بعض الأحيان جنون الضجيج ... وتعلّمت من الإرتحال ... حنين العودة الى مساكن مستقرّة ... لا تعرف الا الأرض موطئا لأقدامنا ... وتعلّمت من اللّيل ومهابته ... ان استرسل وآخذ وقتي في السهر تحت نور القمر ... وأقطف من خيالات شعاعه خيوطا انسجها على الورق ... نبضات لا تعرف الا الوجد والإنعتاق من عالم الواقع الى عالم هو الحلم الأزرق الجميل ... - سعاد -
|
|
#80
16 - 06 - 2018, 08:20 PM
|
|||
|
|||
|
ياااااا رب وقّف واسمعني شو بدك منّي بعد يعني دوّبت روحي واعطيت أكتر ما عندي يا رب وقّف هالقد بيكفّي ياااا رب انا ومن صغر سنّي أحمل هموم وصبّر العنّي تمرجحت ع بحور ما لها شطآن وحملت تقل بتعجز عنو عوالم الأنس والجنّي ياااااااا رب وقّف شوي وخفّف الحملي بنتك أنا ومحفور بقلبك إسمي يااااا ريت كرمال قلبك المجروح وإيديك الملاني جروح بتمسح ع جبيني وتاخود بكفّي ياااا رب مشتاقة لعندك روح وتاخدني بين ايديك وعندك تخلص الرّحلي يااااااا رب من صوت مخنوق ومدبووووح بنده لقلبك : وقّف شوي واسمعني - سعاد -
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| عيد ميلاد الجميلة souad jaalouk | walaa farouk | التهانى والمناسبات السعيدة | 3 | 19 - 01 - 2024 05:39 AM |
| أحلى عيد ميلاد ل souad jaalouk | walaa farouk | التهانى والمناسبات السعيدة | 3 | 31 - 01 - 2023 05:06 AM |
| عيد ميلاد سعيد souad jaalouk | walaa farouk | التهانى والمناسبات السعيدة | 3 | 26 - 01 - 2021 05:09 AM |
| happy birthday Souad Jaalouk | walaa farouk | التهانى والمناسبات السعيدة | 10 | 12 - 02 - 2019 07:59 PM |
| كل سنة وانتى طيبة Souad Jaalouk | walaa farouk | التهانى والمناسبات السعيدة | 13 | 21 - 01 - 2018 06:32 AM |
العرض العادي
