|
 |
 |
 |
|
رقم المشاركة : ( 1 )
20 - 04 - 2018, 09:20 AM
|
|||||||||||
|
|||||||||||
|
اول ما عينك تقع على عنوان الموضوع طبعا هتستغرب و تقول فى نفسك عنوان الموضوع ده صح وله غلط؟ ممممم . لا العنوان صح و انت قريته صح�� كل واحد فينا سواء كان ولد او بنت ، جواه الانوثة و الذكورة فا البنت فيها الحاجتين دول و الولد نفس الموضوع و طبعا ناس كتير بتظن ان اغلب المشاكل بين الخطيبين او الاحباء او المتزوجين هى ان افكارهم غير بعض و مش مناسبين لبعض لكن ,, ستوووووب استنى بقى هنا ! احب اقولك ان مش كل المخطوبين او المتجوزين مشاكلهم بتكون بسبب عدم التفاهم. نوووو . تؤ . Never ابداااا لا يمكن ���� ادينى قلتهالكم بكذا لغة اهو يمكن نفهم الكلام الخطير الجاي ده فتح و فتحى مخك معايا شوية فى الكام سطر دول علشان نفهم الموضوع وكمان علشان فيه ناس هنا كتير هتقوم تشيل الشنب الى لابساه ده ( ما احترامي ليهم طبعا ) المشكلة هنا هى ان البنت و الولد ومش قادرين يديروا ذكورتهم و انوثتهم فى وقت واحد. طيب يعنى ايه الكلام ده؟ يعنى البنت لما تتطبط عليك فا هى بتظهر لك انوثتها لما بتقولك حاضر . هى بتظهر انوثتها المرتبطة بالنضوج و الخضوع كشخص بالغ ناضج لما بتقولك : لما توصل بالسلامة ابقى طمني عليك. فا هى بتظهر انوثتها المرتبطة بالامومة لما بتقولك يا بيبى او يا حبيبى او كلمات الهزار و الدلع . فا هى بتظهر لك طفولتها و لما الولد يعمل نفس الحاجات دى فا هو بيظهر نموذج الشخص الناضج و كمان الطفل و الاب الى جواه نيجى بقى للولد الى بيقول للبنت : طمنينى لما توصلى؟ تقوم هى قايلة: وانا ياعنى هياكلنى قطر؟ ما تجمد امال متبقاش خفيف هههههههه ياختااااااااي . هو انتى بنت وله ولد؟ شيلى شنبك ده و اعرفى انتى بتردى على الولد ازاي؟ الولد بيكلمك من شخص الاب الى جواه لشخصية الطفل الى جواكي و بيطمن عليكى فا الرد من لازم يكون مناسب و محترم و يكون محل تقدير منك والا هو هيفهم الكلام ده لى انه عناد منك( العناد بيظهر فى شخصية الطفل ) علشان كدة فيه ولاد كتير بتحبط من رد البنات فى مواقف زي دي طيب مثال على بنت: حبيبى تحب نخرج فين بكرة؟ و نفسك تتغدي فين؟ هى هنا بتخاطب الشخص الناضج الى جواه و الطفل فى نفس الوقت يقوم صاحبنا ضارب الكرسي فى الكلوب و يقوم قايل : اى حتة متفرقش كتير اهى كلها ايام زى بعضها !! ههههه طبعا البنت بتكون في قمة الرومانسية تقوم انت واخدها و نازل بيها ترب الغفير وش كدة ���� المشكلة مش انهم مختلفين عن بعض. لااا خالص الفكرة انهم مش قادرين يتعاملوا مع ذكورتهم وانوثتهم و الطبيعة المركبة الى جواهم لما تستقبلى جوزك و هو راجع من الشغل و انتى لابسة لابس مثير. فا انتى هنا بتخاطبى الطفل الى جواه المسئول عن الهزار و المرح و ما شابة. ( الجنس موجود فى شخصية الطفل ) فا لو هو جاي من بره مخنوق فا الطفل الى جواه مش هيكون عايز كدة فا ده مش معناه انه بيكرهك . لكن معناه انه مهموم و مش فى مود العلاقة الجنسية لما مراتك ترجع من بره و لمحتها تعبانة او مرهقة و سألتها مالك و قالتلك على مشكلة عندها. فا هى هنا كلمت الاب و الشخص الناضج الى جواك. لو حضرتك فجأة قربت منها و بتحاول تهزر معاها هزار جنسى او تنسيها المشكلة بتاعتها بالجنس فا انت هتخبط فى حيط و ممكت ترفضك علشان هى مش محتاجة الطفل الى جواك دلوقتى . هى محتاجة الاب و الشخص الناضج الى فيك فا انت تتضايق لانها رفضتك لكن انت مش فاهم هى رفضت ايه وليه فى حين انك لو اخدتها فى حضنك ( شخصية الاب ) فا جزء كبير اووى من المشكلة هتتحل التعامل مع الانوثة الموجودة فى الراجل و الذكورة الموجودة فى البنت و التوازن ما بين الشخصيات الى جوانا هو ده الفيصل الاساسى فى الحياة السعيدة على المستوى النفسى بين اى اتنين الخلاصة ربنا يدينا فكر نتعلم نتعامل مع بعض و نكون اذكياء فى فهمنا للطرف الاخر و ده الى بيخلى بنت خطوبتها تتفك و تروح لولد تانى قد يكون اقل فى مستويات كتير من خطيبها الاول و تعيش معاه فى سعادة غامرة بسبب ان الطرف التاني عرف يتعمل مع البنت و المرأة و الام الى جواها فا هى طايرة بيه لكن انت مفهمتش فا معرفتش تتصرف فا الموضوع باظ 
|
|
20 - 04 - 2018, 11:33 AM
|
رقم المشاركة : ( 2 ) | ||||
|
† Admin Woman †
|
رد: ذكورة البنت و انوثة الرجل!!
هى طايرة بيه لكن انت مفهمتش فا معرفتش تتصرف فا الموضوع باظ
ربنا يبارك حياتك |
||||
|
|
|
20 - 04 - 2018, 08:21 PM
|
رقم المشاركة : ( 3 ) | ||||
|
..::| الإدارة العامة |::..
|
رد: ذكورة البنت و انوثة الرجل!!
ميرسى على مرورك الغالى مرمر  |
||||
|
|
 |
|
العرض العادي
