هو انت يارب سامعنى ولا مابتسمعنيش

walaa farouk · رقم المشاركة : ( 1 ) 31 - 03 - 2018, 09:20 PM

هو انت يارب سامعنى
ولا مابتسمعنيش؟
هو انت فعلا شايفنى
ولا شايفنى ومابتشوفنيش !!
كلامى صعب ؟؟
ايوه صعب اصل اللى انا فيه مايتحكيش ؛؛
دى سنين كتيره وطويله احلى مافيها مر كلها راحت مفيش .
هو انت يارب سامعنى وشايفنى
ايوه طبعا ومابتسبنيش
امال لو سايبنى كان ايه العمل كنت هابقى ازاى
دانا كده والتعب مابينتهيش .
هو مش انا خليقتك امال مالهم خاليقك القسوه بس فى قلوبهم ويقولوا ارحمنا وهما عندهم الرحمه مابتمشيش ..
هو انت يارب سامعنى ؟
طيب مانا بصلى بشكى بطلب بستنى !
والرد بيتأخر وان جه مابيريحنيش
العيب فيا طب مانت عارف كل عيوبى ومابترفضنيش
طب ايه الحل ؟
أيه الحل لحاجات ملهاش حل ولازم تتحل
وانت وحدك اللى عندك الراحه للمحتاج راحه وبيستناها ومابتجيش ..
يارب اللى جوايا فاق الوصف وعينك على يومى وازاى بعيش
يارب خلاص انا عندك وحدك وبقولك تعبت ومش قادر ماحكيش .. هاحكى معاك من غير ما اتجمل مانتى قابلنى بكل مافيا ومابتكسفنيش ..
انا عايز حاجه واحده وهى انك ترحمنى .حتى لو الكل مرحمنيش ..
رحمتك اللى باقيه اللى بتمناها وباقى العالم بظلمه وشره بحمله وتعبه مش عايز منه اى حاجه ده عالم رايح ومايهمنيش ..
ده عالم جافى طبعه الظلم وانا فالظلم مفيش حد ماظلمنيش

Mary Naeem · 03 - 04 - 2018, 01:36 PM

ده عالم جافى طبعه الظلم وانا فالظلم مفيش حد ماظلمنيش
ربنا يباركك

walaa farouk · 03 - 04 - 2018, 03:22 PM

ميرسى على مرورك الغالى مرمر هو انت يارب سامعنى ولا مابتسمعنيش