ليك ضهر

[walaa farouk]

حاجات كتير بتحصل في عالم الروح مش بنشوفها
حاجات كتير وأحداث اكتر بتخلص واحنا مش داريين بيها
حفر كتير انقذنا منها وﻷننا اتحمينا من الوقوع فيها
مشوفناش أيده اللي شالتنا وحاميتنا
ياما أخطار وحروب عليك بتخلص وانت مش شايف
ﻷنه هو قام بيها عنك وانتصر وسلمك اﻷنتصار فيها جاهز
كل يوم بكتشف إني عديت من أمور مستحيلة
وساعتها برفع عيني للسما وأقوله شكراً
ﻷن اكيد انت اللي عملت كدة
حفر كتير ومشاكل واخطار وعقبات اكتشفتها واكتشفت اني عديتها
وانا متأكدة اني مكنتش هقدر اعدي منها
وعرفت أن هو اللي عملها .. عرفت ان هو اللي خاض كل أمر مكنتش هقدر اخوضه وسلمني انتصاري جاهز
وياما حاجات كتير معرفش عنها حاجة ﻷن هو قام بيها عني
أرفع عينك للسما شايف أو مش شايف
حاسس أو مش حاسس
مريت بأخطار ومشاكل ومصاعب بسهولة
أو اصلا مشوفتهاش
ﻷن العالم شن الحرب عليك ويسوع قام عداها مكانك
ارفع عينك للسما وأقول عن كل أمر مستحيل عدى
شكراً ﻷنك انت اللي عملت كدة
إبتسم في حد مسدد دينك ﻵخره قصاد العالم بحاله
في حد متكفل بأمورك من اصغرها ﻷكبرها
ومن أسهلها ﻷصعبها ..
#ليك_ضهر 😇

[Mary Naeem]

إبتسم في حد مسدد دينك ﻵخره قصاد العالم بحاله
في حد متكفل بأمورك من اصغرها ﻷكبرها
ومن أسهلها ﻷصعبها ..

رووووووووووعة حببتي
ربنا يفرح قلبك