|
 |
 |
 |
|
رقم المشاركة : ( 1 )
18 - 03 - 2018, 07:54 AM
|
|||||||||||
|
|||||||||||
 بعد ١٠٠ سنة من العمر اداله سؤال قلبه " اسحق " وبعد كده قاله ابراهيم .. خد ابنك وحيدك الذي تحبه اسحق وقدمة ذبيحه لي ابراهيم ساعتها مقالش يارب سيبهولي لإنك عارف اهو انه وحيدي وكمان عارف انه حبيبي وعارف كمان ان جه بعد فترة جفاف ابوي كبيره .. بكل طاعه قال " حاضر يارب ، اللي تشوفه " وراح مسك في ايده طفله الصغير اسحق .. وخد حبل ونار وسكين وحطب وطلع على الجبل هتوقف هنا لحظة وهاحكي موقف شخصي لما بنتي بتكون عيانه والدكتور يكتبلها حقن بكون زعلان وبحاول اخليه يشوف بديل علشان وجعها على الرغم ان شفاها بتكون في الحقن الا اني مابحبش اكون مكتفهاله وهي بتفرك وتعيط مابين ايدي هنا بقى موقف ابراهيم مختلف تماما ده ربنا بيقوله قدملي ابنك ذبيحه .. يعني اربط ابنك وادبحه مش كتفهولي عشان هديله حقنه اسحق سأل ابونا ابراهيم وهم ماشيين سوا وقاله يا بابا احنا رايحين فين جاوبه ابونا ابراهيم وقاله رايحين نقدم ذبيحه لربنا على الجبل فكمل اسحق اسألته وسأل ابوه سؤال منطقي جدا طيب احنا معانا السكين ومعانا الحطب .. امال فين الخروف اللي هايتقدم ذبيحه سكت ابونا ابراهيم شوية وفكر في اجابه منطقيه تكون صريحه ومطمئنه مكنش ينفع يقوله انت ياحبيبي الذبيحه اللي هاتدبح لان اكيد اسحق كان هايخاف ويعيط ويخرب الدنيا .. لانه طفل فجاوبه وقال .. اللي ادانا السكين والحطب .. يرى لنفسه الذبيحه المناسبه اسحق كطفل واثق في ابوه ابراهيم جداً .. وكان فرحان اصلا انه لابس ومتشيك وخارج معاه .. ولما اسألته خلصت سكت وكمل مشي بكل هدوء وفرح وهذا كان يكفيه جدا اما ابراهيم كأب كان اكيد تعبان جدا وبيتألم .. لكنه بسبب حبه في الهه مقدرش يقوله لأ قرر انه يسكت رغم مليون سؤال كانوا بيدوروا في باله واكتفى انه ينفذ اوامر سيده بالحرف ابراهيم كان بيتألم جدا من جواه ومدرك تماما يعني ايه يدبح ابنه بإيده مدرك تماما ان سواء الرب اعطي وسواء الرب أخذ فممجد اسم الله العلى القدوس مقالش في سرة ده الله ظالم ومعندوش رحمة .. ازاي يجرأ ويطلب مني طلب زي ده وهو عارف اني استنيت الطفل ده سنين كتيرة مقالش طيب هقول ايه لسارة أمه !! واوريلها وشي تاني ازاي مقالش طيب انا هرفض طلب ربنا وبعد كده هطلب منه يسامحني ويغفرلي سكت وقال زي ما اعطي زي ما اخذ .. فمبارك هو الله المهم وصلوا للمكان المراد وهنا بقى جه وقت المصارحه بتخيل لحظتها وانا بتكلم مع بنتي وبقولها حبيبتي انا بحبك اوي .. بس اسمحيلي اربط كفوفك النونو الحلوين دول علشان هدبحك بالسكينه لان ربنا اختارك ذبيحه ليه لمجرد اني تخيلت الفكرة دلوقتي رفضتها جدا لا طبعا يارب .. اختبر حبي وطاعتي ليك بمليون طريقة تانيه بلاش بنتي يارب ارجوك لكن ابراهيم ماسمحش لنفسه يدخل في جدال وحوار وفصال مع ربنا نفذ بكل طاعه وربط ابنه ورفع السكينه فوق رقبته بكل ثبات دون تردد ولسه هاينزل فوق رقبته فجه ملاك الرب ومسك ايده وقال جمله غاية في القوة قال ايه بقى قاله ابراهيم لا تمس ابنك وحيدك بسوء .. فالله علم مقدار طاعتك ومخافتك وحبك ليه قال الله اقسم بذاته .. عارفين يعني ايه الله يقسم بذاته !! الله اقسم بذاته بسبب انك اطاعته ومابخلتش بإبنك الوحيد عنه انه هيباركك .. وهايكثر نسلك كنجوم السماء ورمل البحر وهاينصر نسلك على اعدائهم علشان انت سمعت كلامي الطاعه العمياء لله وقضاءه والثقه المطلقه في الله ومشيئته والشكر تملي على اي شئ امر يكافئ الله اولاده عليه بمقدار طاعتك لله والرضا بكل المقسوم ليك ربنا قادر يقسم بذاته مرة تانيه بإنه هيباركك ويفرحك ويعوضك اضعاف اضعاف اسمع صوت الله دايما وقدمله كل الحاجات اللي انت متمسك بيها وماتنفعلكش ماتعندش معاه مهما كانت رغباته في الحياة مهمه عمرها ماهتكون اهم من اسحق عند ابراهيم ومع ذلك لم يبخل به على الله انت كمان يا صديقي لا تبخل .. قدم بكل حب .. طيع بكل حب واحصد خيرات الله اللي هتكون اكتر من رمل البحر ونجوم السماء ❤❤ 
|
|
18 - 03 - 2018, 10:01 AM
|
رقم المشاركة : ( 2 ) | ||||
|
† Admin Woman †
|
رد: قدم بكل حب طيع بكل حب
لا تبخل .. قدم بكل حب .. طيع بكل حب واحصد خيرات الله اللي هتكون اكتر من رمل البحر ونجوم السماء موضوع مميز ربنا يباركك |
||||
|
|
|
18 - 03 - 2018, 10:04 AM
|
رقم المشاركة : ( 3 ) | ||||
|
† Admin Woman †
|
رد: قدم بكل حب طيع بكل حب
بمقدار طاعتك لله والرضا بكل المقسوم ليك
ربنا قادر يقسم بذاته مرة تانيه بإنه هيباركك ويفرحك ويعوضك اضعاف اضعاف امييييييييين ربنا يفرح قلبك |
||||
|
|
|
18 - 03 - 2018, 03:18 PM
|
رقم المشاركة : ( 4 ) | ||||
|
..::| الإدارة العامة |::..
|
رد: قدم بكل حب طيع بكل حب
ميرسى على مروركم الغالى  |
||||
|
|
العرض العادي
