عطشت اليك نفسى

walaa farouk · رقم المشاركة : ( 1 ) 13 - 02 - 2018, 07:47 PM

وبرغم الزحمة اللي حواليك، والاصوات الكتير في ذهنك..

هايفضل جواك فراغ محدش ملاه.. ومكان محدش وصله.

يمكن في ناس كتير جنبك، بس حتي دول ليهم آخر.. ليهم حدود في طريقهم لقلبك.

. ليهم طاقة بتخلص، وقلب بيتعب.

ويمكن كتير عرفوك.. بس هايفضل جواك شخص محدش شافه.. شخص مايفهموش الناس، واحتياج مايترجمش لكلام، هايفضل جواك جوع محدش يعرف يسده.. حتي أنت.

جواك فراغ ضخم.. مش علي حجم الناس.
فراغ بالظبط علي مقاس "الله".. هو بس اللي يعرف يملاه.. وجوع رهيب في القلب

.. محدش يشبعه غير اللي خلقه.

جوع لعلاقة أبدية..
جوع لحُب مُطلق مايخلصش.
جوع لحضن غير محدود.
جوع لمصدر حياتك، ولأكتر شخص عارفك.
جوع للي خلقك، واللي فاهم تفاصيلك.

والجوع ده مابيشبعش بالناس.. ومابيهداش بالتجاهل.. ومابيسكتش في الزحمة..

بالعكس ده كل مدي بيزيد، وصراخه بيبقي أعلي.

وعلاج الجوع ده مش موجود عند الناس، ولا في وسط الدوشة..
موجود بس في الهدوء.. في السكوت.. في الدخول للقلب اللي اتحط فيه الأبدية..
موجود بس في حُضن الله.

***

Mary Naeem · 14 - 02 - 2018, 11:39 AM

موجود بس في الهدوء.. في السكوت.. في الدخول للقلب اللي اتحط فيه الأبدية..
موجود بس في حُضن الله.
ربنا يفرح قلبك

walaa farouk · 14 - 02 - 2018, 08:19 PM

ميرسى على مرورك الغالى مرمر عطشت اليك نفسى