| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
20 - 01 - 2018, 11:38 PM
|
||||
|
||||
|
🔛 آية كنت بعدي عليها مرور الكرام كل ما بقرأ سفر ميخا .. "فِي ذلِكَ الْيَوْمِ، يَقُولُ الرَّبُّ، أَجْمَعُ *الظَّالِعَةَ،* وَأَضُمُّ *الْمَطْرُودَةَ،* وَالَّتِي أَضْرَرْتُ بِهَا *وَأَجْعَلُ الظَّالِعَة*َ بَقِيَّةً، *وَالْمُقْصَاةَ أُمَّةً قَوِيَّةً،* وَيَمْلِكُ الرَّبُّ عَلَيْهِمْ فِي جَبَلِ صِهْيَوْنَ مِنَ الآنَ إِلَى الأَبَدِ. (مي٤: ٦-٧) ⬅ *الظالعة* ≈ (العرجة ؛ المعيوبة) ⬅ *المقصاة* ≈ ( المُستَبعدة ؛ المرفوضة) لما كنت بقراها كنت بفهمها ان ربنا طيب وحنين وبيسند الضعيف ... كنت بفهمها كده من غير ما احس بقوة معناها لغاية ما روحت ابيع عصافير 🐧🐦 لبتاع العصافير .. كنت رايحة معايا حوالي ٤ عصافير ... لقيت الراجل خد تلاتة ؛ وادني سعر فيهم معقول وجه عند الرابعة وقال: - *لاااااااا ؛ مش هاخدها…!!!* قلت له : - ليه ؟؟؟!!! ⁉ قال : - انا لو اخدتها محدش هيشتريها مني خالص لان عندها *عيب خلقى في ظهرها* ... علي فكرة كان العيب ده مش ملحوظ خالص .. انا كنت اول مرة اخد بالي منه ... قاللي : - لو عايزة تبعيها انا هخدها ب ١٠جنيه ... طبعاً ده مايحصلش ربع تمن العصفور ...!!! هنا رنت في وداني الاية دي "اجمع الظالعة (العرجة والمعيوبة) واضم المطرودة" ؛ رحت اخدت العصفورة من الراجل وقلت له : - *خلاص مش عايزة ابيعها وانا اللي هربيها …!!!* رجعت بالعصفورة البيت وانا ببص لها طول السكة ومتأثرة جدًا .. كنت بقولها انت *ملكيش ذنب تتخلقي كده* ويكون فيكي الضعف ده ... *ملكيش ذنب* الناس يعاملوكي انك رخيصة وبلا تمن ... *ملكيش ذنب* انك تعيشي منبوذة من الكل والناس تشوفك انك ولا حاجة ... ‼ حطيت العصفورة في قفصها وسمتها وقتها *(الظالعة)* ؛ وقلت بقى انا هاخدها تحدي واديني اهو نفذت اول الاية (اني ضميتك للعصافير اللي عندي) ؛ وهاشوف بقى هل هيتنفذ فعلاً كمالة الوعد .... *"اجعل للظالعة بقية (نسل) والمقصاة (المستبعدة والمرفوضة من الناس) أمة قوية"* 🙏 كبرت العصفورة قدامي وزوجتها لعصفور وفعلاً لقيتها كل شوية تبيض وتطلع عصافير جمال جداً جداً جداً طبعاً فرحت بيهم جداً جداً جداً ... وقلت : - *يااااااااااااه يارب ؛ فعلاً نظرة الانسان غير نظرتك ... انت بتشوفنا اننا حلويين وجمال بالرغم من ضعفنا .. والناس بتشوف الضعف بس وتقعد تركز فيه…!!!* مفيش مشكلة يارب اكون *ظالعة* قدام الناس ... علشان تتحنن انت علي وتضمني لحضنك ولرعايتك ... *ويظهر جمالي من خلالك* ... ومعنديش برضه مشكلة اني اكون *مقصاة* من الجميع ؛ ولكني مقبولة فيك ومنك... *فتفوح مني رائحتك الزكية* … 🙏 *أشكرك … أشكرك … أشكرك* 
|
|
#2
23 - 01 - 2018, 12:20 PM
|
||||
|
||||
|
معنديش برضه مشكلة اني اكون *مقصاة* من الجميع ولكني مقبولة فيك ومنك... *فتفوح مني رائحتك الزكية* … ربنا يباركك
|
|
#3
23 - 01 - 2018, 07:41 PM
|
||||
|
||||
|
ميرسى على مرورك الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ملهاش سبب | walaa farouk | شبابيات الفرح المسيحى | 2 | 06 - 09 - 2019 08:27 PM |
| التوبة ملهاش وقت | walaa farouk | قسم المواضيع المسيحية المتنوعة | 2 | 06 - 04 - 2017 05:13 PM |
| ملهاش حل غير كده | walaa farouk | ركن أرشيف المواضيع | 3 | 02 - 07 - 2016 01:53 PM |
| ملهاش فيمة | Mary Naeem | الصور العامة والمتنوعة | 0 | 29 - 08 - 2013 04:41 PM |
| ملهاش نهاية | Mary Naeem | صور كاريكاتير | 0 | 19 - 07 - 2013 12:48 PM |
العرض العادي
