دي نعمتك مش قوتي

[walaa farouk]

بولس الرسول قال(حاشا لي ان افتخر الا بصليب ربنا يسوع المسيح)

وبعدين قال(حينما افتخر فافتخر بضعفاتي لتظهر عليا نعمه المسيح)..
ياريت تربطوا الايتين دول بالايه اللي بتقول( نتغير الي تلك الصوره عينها من مجد الي مجد).

.بولس الرسول قال افتخر بالصليب مع انه كان رمز الضعف..

ولما قال افتحر بنفسي قال افتخر بردو بضعفاتي فنعمه المسيح تظهر عليا...

انا فخور بصليب يسوع.. وفخور بضعفاتي اللي بسببها بتظهر عليا نعمه يسوع.اللي اظهر في الضعف ماهو اعظم من القوه... ومين فينا يقول ضعفاته وتلاقي النعمه هي اللي كسياه؟ هو الانسان اللي شاف ان ضعفاته سبب قوه. الانسان اللي شاف وقال (حينما اكون ضعيف حينئذ انا قوي).

اللي يقدر يفتخر بضعفه هو الانسان اللي داق القيامه بعد الضعف

.. احكي ضعفك بقوه لان افتخارك بضعفك هو اللي بيبين جمال يسوع اللي غيرك.

فنعمه المسيح تظهر عليك فجاءه وتكسيك..

عارفين ليه سر التوبه والاعتراف ناس كتير مش بتحب تمارسه؟ لانه مش قادر يفتخر بضعفاته.

. التوبه تديك مش بس تعترف بضعفك لا وكمان تفتخر بيه

فلما تقول ضعفك فابونا يشوف فيك نعمه وقوه مش يشوف فيك خطيه وذل..

علشان كده الايه اللي بتقول(نتغير الي تلك الصوره عينها من مجد الي مجد)

وانت بتفتخر بضعفاتك بتتشبه ساعتها بالمسيح المصلوب ففجاءه وانت بتقول ضعفك بقوه شكلك بيتغير بتبقي شبه المسيح المصلوب اللي مالوش منظر ولا جمال لكن قوي. فالنعمه تظهر عليك وتبقي من مجد القيامه الي مجد الصعود الاخير... التوبه تديك قوه انك تقول ضعفاتك بفخر. فاتلاقي ضعفاتك اتحولت لقوه ونعمه المسيح هي اللي باينه عليك مش ضعفك اللي باين... ورغم ضعفي هو هايفضل كاسيني وعمره مهايعريني ويرفع رأسي مش علشان انا حلو لكن علشان من كتر نعمته مش ببقي مكسوف اقول اني ضعيف..

وفجاءه رغم اني بقول اني ضعيف تلاقي في عيون اللي حواليك انك قوي.. فتقول اه يارب دي نعمتك مش قوتي

[Mary Naeem]

رغم ضعفي هو هايفضل كاسيني

وعمره مهايعريني ويرفع رأسي

مش علشان انا حلو لكن علشان من كتر نعمته

مش ببقي مكسوف اقول اني ضعيف..
رووووووووووعة حببتي
ربنا يفرح قلبك

[walaa farouk]

ميرسى على مرورك الغالى