| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
28 - 12 - 2017, 09:05 AM
|
||||
|
||||
|
القواعد العشرون للأم أيام الامتحانات ١/ اشربي ينسون و كراوية كتير علشان تهدي أعصابك. ٢/ قللي فترة الموبايل لابنك و بنتك للحد الأدنى لأنه فعلا بيخليهم ينسوا بشكل كبير . ٣/ الزعيق هيوترهم و يعصبك أكتر ف لا هم فهموا و لا انتِ هديتي. ٤\ متراجعيش آخر اليوم. لأنك أصلا مش هيكون عندك طاقة تفتكري اسمك. ٥/ اشربي ينسون. ٦/ امنعي حلويات بعد ستة مساء . ٧/ متراجعيش معاهم بعد خناقة بينك و بين جوزك، علشان اللي مقدرتيش تقوليه لجوزك هتطلعيه ع العيال.. ملهمش ذنب يا ست الكل. ٨/ لو ابنك مقدرش يجاوب على كم سؤال و انتِ بتراجعيله، فده مش معناه أبدا إنه هيطلع فاشل و عتيد الإجرام و مطلوب أمنيا. ٩/ تقبلي فكرة إن فجأة و بلا أي مبرر منطقي طفلك ممكن يفاجئك قبل الامتحان مباشرة ان ٢×٥= ٣٠.. إوعي يغمى عليكِ، إوعي. ابتسمي بهدوء، و تمالكي أعصابك، و ياريت لو تحطي إيدك ورا ضهرك تجنبا للكمة مفاجأة على وشه.. و قوليله إن دار الإفتاء أعلنت الصبح إن ٥×٢=١٠. ١٠/ اشربي ينسون كتير. ١١/ لو انتبهتي فجأة إن خط طفلك نقش فراخ. انقذي ما يمكن إنقاذه بإنك توصيه يعمل مسافة مناسبة بين الكلمات و يكتب على السطر قدرالمستطاع علشان نحاول نحول الخط من هيروغليفي لحاجة شبه اللغة العربية. ١٢ اعملي بلوك لمصدر الكآبة و الضغط و الطاقة السلبية اللي في حياتك حتى لو كانت بنت خالتك أو جارتك طول فترة الامتحانات لأن الموضوع مش ناقص. ١٣/ جمعي كل أحذية البيت في مكان بعيد عن قعدتك مع طفلك و انتِ بتذاكريله. ١٤/ متفضليش باصة لابنك بتحفز و هو بيسمع لك لإن طبيعي في الحالة دي إنه ميفتكرش المنهج و أقصى حاجة ممكن يفتكرها ملامح أمنا الغولة. ١٥/ اشربي ينسون. ١٦/ مينفعش تصحيه تمنية الصبح و يفضل يذاكر و يروح دروس و يعمل واجبات بشكل متصل و بعدين يجيلك ذهول إنه ع الساعة عشرة بليل بيتعامل بتناحة !! هو طبيعي و انتِ أوفر. ١٧/ مفيش أي وجه علاقة أو ارتباط بين أيام الامتحانات و الكآبة.. اضحكي و ضحكيهم . هونيها تهون. ١٨/ و طفلك نازل الامتحان متفضليش تقوليله عايزة الدرجة النهائية، قوليله اعمل أقصى ما عندك . ١٩/ احضنيه و ادعيله قبل ما ينزل، مفيش داعي يبقى آخر ما يسمع تهديد ووعيد في حالة الفشل أو نقص الدرجات. ٢٠\ لو الينسون خلص، هاتي تاني و اشربي ينسون. 
|
|
#2
28 - 12 - 2017, 10:14 AM
|
||||
|
||||
|
موضوع جميل اوى يا سمسمة
|
|
#3
28 - 12 - 2017, 01:32 PM
|
||||
|
||||
|
١٩/ احضنيه و ادعيله قبل ما ينزل، مفيش داعي يبقى آخر ما يسمع تهديد ووعيد في حالة الفشل أو نقص الدرجات. ٢٠\ لو الينسون خلص، هاتي تاني و اشربي ينسون. نشكر ربنا خلصنا المرحلة دي
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| نصائح للأمهات والطلاب قبل أداء الامتحانات | Mary Naeem | الأسرة والطفل | 0 | 18 - 12 - 2019 04:12 PM |
| فى أيام الامتحانات لا تتوتر ولا ينزعج قلبك | Ramez5 | صورة وأية من الكتاب المقدس | 2 | 06 - 06 - 2019 02:37 PM |
| القواعد العشرون للمذاكرة | walaa farouk | الأسرة والطفل | 4 | 09 - 09 - 2017 10:11 PM |
| القواعد العشرون للرجل | walaa farouk | شبابيات الفرح المسيحى | 2 | 01 - 07 - 2017 08:45 PM |
| أحدث الطرق للتركيز أيام الامتحانات ! | Mary Naeem | قسم المواضيع العامة المتنوعة | 2 | 06 - 04 - 2016 01:00 PM |
العرض العادي
