حبك ليا حياة

[walaa farouk]

هو انا مريض ولا موهوم ؟ بس اعراض المرض كلها عندى كسل.. فتور.. مش قادر اصلى.. بقرا كلمتين فى الكتاب لو قريت وبزهق.. ده غير بقى اللى بيطلع ويأكدلى كده. زى مثلا فجاءه الاقى الايه دى قصادى( ليتك حار ولا بارد لكنى مزمع اتقيئك من فمى.) وحاجات زى كده . كل الشواهد بتبين انى مريض بالفتور الروحى . لكن جيت فمره سالت نفسى هو انا فعلا مريض ولا انا موهوم انى مريض؟ ولكن فجاءه قولت اكشف على نفسى ورايح وانا بجر فى رجلى لانى مريض . ووشى اصفر لانى مريض.. وقاعد وسط العيانين لانى مريض.. وعمال وانا فى العياده اسمع ده بيقول على بشاعه المرض,, واسمع من دى بكاء لانها لفت على كل الناس ومافيش فايده المرض مش عاوز يسيبها.. لحد ماجه دورى فى الكشف وبداءت اقوله انا مريض وعندى فتور . لكن سمعت رد مختلف بيقولى ( وانت مين قالك انك عندك فتور هو انت كشفت على نفسك؟ فقولتله: لا بس كل حاجه فيا بتقول انى مريض وعندى فتور .. لقيته بيقولى طب ممكن نكشف الاول وبعدين نشخص المرض؟ قلتله اتفضل وانا جوايا عارف انى مريض . وفجاءه وهو بيكشف لقيت ان جوايا ( قولت كتير ارحمنى يارب انا خاطى.. اوقات برفع عينى وبقوله انا بحبك لكن انا مش عارف اعمل ايه... لقيت ان فى عز تعبى خدمت ده وده وده.. لقيت تنهيده طلعت من جوايا من غير كلام بس الجهاز ترجمها لكمات لا ينطق بيها... لقيت مره سرحت وقولت نفسى اخش السما يارب لكن انا ماستهلش.. ولقيت كميه كلمه بحبك يارب وسامحنى كتير) فلقيته ضحك . قولتله ايه يا دكتور فى ايه. قالى قوم يا راجل قوم بلاش وهم .. قلتله وهم ايه انا تعبان اوى . قالى ايوه تعبان بس مين قالك انك مريض وعنك فتور انت معندكش حاجه انت لسه بتحبه.. لسه نفسك تشوفه.. لسه رافض ضعفك.. لسه قلبك بيقوله غيرنى.. لسه جواك امنيات انك تعيش فى السما. لسه جواك فتيله مدخنه .. لسه جواك حب مارحش .. لسه جواك حياه. انت مش مريض فتور.. فقولتله يعنى ايه امال كل ده ايه اللى بحس بيه ده ايه . راح قالى ده وهم. وهم بيوهمك بيه ابليس بيقولك انك فاتر علشان ماتقدمش حتى القليل .. علشان تبطل تقوله ارحمنى يارب انا الخاطى.. علشان تبطل تقوله بحبك يارب وعاوز ابقى معاك.. فوهمك بالمرض علشان تعيش فيه.. انت كل اللى محتاجه شويه مقويات وفيتامينات تمشى عليها. مزمورين الصبح وصلوه كده ان ربنا يقف معاك فى يومك.. وطول اليوم افضل كده اتكلم معاه ولا حاجه وشاركه يومك عادى وبليل تاخد مزمورين كمان وكام ايه من الكتاب وتصلى بيهم وتنام وانت بتشكره على يوم.. وتتناول مره كده فى الاسبوع. وكل ده يبقى من قلبك مش من فمك هاتلاقى نفسك تمام وارجوك ماتخدش ادويه من بره ولا تصدق الوصفات اللى بيديهالك ابليس لان ممكن تبان انها مستقيمه لكن عقبتها الموت.. يعنى انا معنديش فتور يارب قصدى يا دكتور.. لا يا حبيبى معندكش مبروك.. طول مانت لسه بتحبنى هافضل اقولك ارعى غنمى. يوم ماتبطل تحبنى يبقى انت مش مريض لكن ميت.. حبك ليا حياه ,, ماتخافش.. مبروك

[Mary Naeem]

طول مانت لسه بتحبنى هافضل اقولك ارعى غنمى.

يوم ماتبطل تحبنى يبقى انت مش مريض لكن ميت..

حبك ليا حياه ,, ماتخافش

ربنا يبارك حياتك

[walaa farouk]

ميرسى كتير على مرورك الغالى