|
 |
 |
 |
|
رقم المشاركة : ( 1 )
13 - 12 - 2017, 04:22 PM
|
|||||||||||
|
|||||||||||
 مع بداية الوقت ده من كل سنه تبتدي المُعايدات والصور والفيديوهات المُفرِحة، لكن مع الحاجات دي يبتدي حوار من طَرَف واحد مع السنه اللي خلاص بتِخلَص! كلام زي مثلًا "إقفلي الباب وراكي" "يا تَري هتعملي أيه تاني فينا" "ماكانش فيكي يوم حلو" "المَركِب اللي توَدي" .. يعني، كلام من النوع ده وانا واحده من الناس دي اللي دايمًا شايفة إن السنه اللي بتخلَص دي كانت مش أحسن حاجة ويا ريت تخلَص وتخَلَصنا، علي أمل إن السنه الجديدة تكون أحلي، مع اني مش عارفة بالظَبط أيه هو مقياس الأحلي! بنكَلِم السنه علي إنها شخص هيسمعنا وهيسمع كلام اللوم والعتاب وإحتمال يحَسِن مُعاملته معانا في السنة الجديدة! الحقيقة إنه مافيش كائن إسمه السنة .. حَصيلة اللي بيحصل في سينين عُمري هو مُعاملات الله معايا في كل ظروف حياتي.. الظروف إللي منها ليَّ حُكم عليها بواقع إرادتي، أو ماليش يَد فيها لأنها خارج دائرة إمكانياتي.. زي الظروف الإقتصادية او السياسية او ألَم فقدان الأحباء أو مشاكل الشُغل.. بمعني الحاجات اللي مش بالضرورة تكون نتيجة تَصَرُفاتي او إختياراتي الشخصية. إنهاردة قررت أعمل تَجرُبة جديدة وكتبت علي ورقة كل حاجة حلوة ربنا باركني بيها السنه دي وكمان البركات اللي مُستمرة معايا من سينين فاتت، واللي يِمكِن بَطَلت أشوفها بركات لأني إعتادت وجودها. بَعد ما خَلَصت كتابة، قَريت الورق (ما طلعتش ورقة واحده) وتَخَيَلت حياتي من غير البركات دي! الحقيقة ما عرفتش حتي أتخَيَل كان الموقِف هيبقي شَكله أيه لو ربنا مش في مَشهَد ظروف حياتي. السنة اللي بتِخلَص، بحلوها ومُرها، مَليانة من تعاملات الله ومشاوير مشيها معايا وهو ماسِك إيدي وحتي الظروف الصعبة هو كان موجود فيها. السنة دي زي ما مَليانة بركات، كمان مَليانة دروس إتعلمتها (أو ما إتعلمتهاش) .. دروس بتغَيَر شخصيتي علشان أواجِه السينين الجاية. لما كتبت بركات ربنا في السنة دي، عينيَّ إتفَتَحِت علي حُبه وحنانه وحكمته وتوقيتاته المظبوطة بالثانية. إللي مِشي معايا إمبارح هيمشي معايا بُكرة .. واللي ضَمَن حياتي السينين اللي فاتت، هو ضامِن عُمري اللي هييجي مهما كان فيه. مافيش كائن إسمة السنه اللي فاتت ولا السنة الجاية، لكن في انا وإختياراتي وإرادتي وظروفي وفوق الكل الله اللي ماسك زمام اموري و عامِل حِساب كُل صغيرة وكبيرة في خطته لحياتي.. حَتي غَلَطاتي مَعمول حسابها. كَلَّلْتَ ٱلسَّنَةَ بِجُودِكَ، وَآثَارُكَ تَقْطُرُ دَسَمًا. اَلْمَزَامِيرُ 65:11 
|
|
13 - 12 - 2017, 04:28 PM
|
رقم المشاركة : ( 2 ) | ||||
|
† Admin Woman †
|
رد: شوية كلام عن السنة الجديدة
كَلَّلْتَ ٱلسَّنَةَ بِجُودِكَ، وَآثَارُكَ تَقْطُرُ دَسَمًا. اَلْمَزَامِيرُ 65:11 ربنا يبارك حياتك |
||||
|
|
|
13 - 12 - 2017, 08:27 PM
|
رقم المشاركة : ( 3 ) | ||||
|
..::| الإدارة العامة |::..
|
رد: شوية كلام عن السنة الجديدة
ميرسى على مرورك الغالى  |
||||
|
|
|
14 - 12 - 2017, 10:25 PM
|
رقم المشاركة : ( 5 ) | ||||
|
..::| الإدارة العامة |::..
|
رد: شوية كلام عن السنة الجديدة
ميرسى على مرورك الغالى رامز  |
||||
|
|
 |
|
العرض العادي
