فى مواقف بنمر بيها فى حياتنا بتبين محبه اللى حوالينا .. الحب الحقيقى بيبان فى المواقف الصعبه.. وقت ضيقك.. تعبك.. حيرتك.. غضبك.. بعدك.. فى ناس عاوزاك دايما مثالى والوقت اللى ماتبقاش فيه حد مثالى زى ماهما عاوزين يشوفوك فتلاقى المحبه تقل .. او تسمع منهم بعد ماترجع الحد المثالى وتقولهم انتوا ليه بطلتوا تكلمونى هاتسمع الرد اللى يقول ( المحبه فى قلبى ليك وبطمن عليك من بعيد) فتبداء تحس هو انا اد كده فى وسط تعبى الحب يبقى من بعيد ولو انا مثالى يبقى الحب من قريب. عارفين افتكرت مين وقتها افتكرت ( بطرس الرسول) لما السيد المسيح خدوه علشان يتحاكم قال الكتاب( اما بطرس فتبعه من بعيد) ايوه بحبك بس من بعيد . ايوه بحبك بس مقدرش اقربلك فى عز المك وحيرتك وغضبك.. اه لسه بيحبه من قلبه لكن من بعيد.. الحب الحقيقى مش انك تتبع المتألم من بعيد . الحب الحقيقى انك تكون يوحنا الحبيب اللى جنبه وسط ألمه هاتلاقى ساعتها المتألم بيأمنك على اغلى حاجه عنده زى ما المسيح قال ليوحنا خالى بالك من امى. ايوه كله بيحب لكن اللى أأتمنه على اعظم حاجه جوايا هو الشخص اللى ماحبنيش من بعيد وقت ألمى.
17 - 11 - 2017, 08:55 AM
رد: بحبك بس من بعيد
العرض العادي
