|
 |
 |
 |
|
رقم المشاركة : ( 1 )
12 - 11 - 2017, 06:30 PM
|
|||||||||||
|
|||||||||||
|
المعنى الحرفي ل ( يخرج من الجافي حلاوه) قصه واقعيه انسانيه بحته انا اتعرضت للاغتصاب من 10 سنين من 3 رجال بشعين، ملامحمهم عمرى ما هنساها .. كنت 16 سنة. ولما روحت البيت منهارة ومعيطة، تم استقبالى بعلقة ضرب لأنى اتأخرت. ويومها بقى المكان اللى اقدر انحشر فيه بين السرير والدولاب هو ملجأى وامانى. .. اتعودت على شكل العلاقة دى... بقيت بعور نفسى...بتلذذ بالالم .... عرفت طرق العلاقات الجنسية السادية ..وبقيت اقابل ناس يأذونى بإرادتي... لدرجة انه حد اعتبرنى شىء حرفيا وطفى على جسمى سيجارته.... وانكسرت وقتها علاقتى بالبيت... بعد 4 سنين كنت تعبت واستهلكت ويأست وقرفت..... رحت لدكاترة... لكهنة... ل رتب كهنوتية... لخدام كبار... وفى كل مرة كنت بتعرض للإستغلال منهم بس من وجهة نظرى. مكنتش هبلة زى ما هما فاكرينى. كنت باستسلم لنظرتهم ولمساتهم الشهوانية علشان كنت بشوف نفسى مش هستحق غيرر اللمسة المقرفة دى. بس فعلا ممتنة لكل شخص ربنا استخدمه اني اطلع من حاجة. .طلعت من العلاقات السادية بعدها طلعت من العلاقات الجماعية.. طلعت بعدها من حاجة ورا حاجة.. لحد ما بقيت طبيعية... اما مع ربنا.. درست لاهوت لمدة ٧ سنين... وفى كل سنة كنت بحاول اكتشف فين الاله اللى خلانى نايمة عالارض وكل حتة فيا بتتقطع وبتتنهش ومش بقيت شايفة غير السما فوقي .. حسيت بخيانة ربنا ليا انه انا اتعرضت للاغتصاب وانا تحت حمايته ! .. فى خلال ال ٧ سنين اللى درست عنه، عرفت عن ربنا كتير لكن مش حسيت انه ابويا... عرفت انه اله عظيم قادر..عرفت مسئولية الله والانسان والمشيئة والصلاح و....و.. لكن شخصيا متخبطش معاه.. وفى احدى المرات كنت بتكلم مع حد غريب عالنت وبقوله انا بكلمك عشان انت دماغك منفتحة ومش فارق معايا تفضحني. اصلى كدة كدة هنتحر ... وصلنى يومها بدكتور امين ... اعتبرنى بنته فعليا ... ويومها فضل معايا خطوة بخطوة لحد ما تخلصت من السادية وبعدها من العلاقات وبعدها أكدت حقوقى المهدورة وبعدها عرفت واجباتي ثم في النهاية اتعالجت من الاندفاعية والتهور .. .. ابتديت يومها مسيرة جديدة مع نفسي. بتعرف من جديد على نفسى وعلى ربنا .. الصفحة الجديدة دى خلتنى اشوف انى بريئة فى قلبى برغم كل العلاقات... ان ربنا مش اله سادى بيحكم عليا ولا بيكرهنى لانى خطيت. .انا ٢٧ تقريبا دلوقتى وبقالى بس ٤ سنين بتعلم وبعافر علشان اعيش.. انا دلوقتى ناجحة ..مسئولة..سوية...بحب ربنا... قائدة فى بيتى برغم انى مش الكبيرة. لكن وفاة بابا خليتنى اكون الكبيرة ... بقيت راجلة... بعد ما كنت بكره البيت اللى مخلانيش اخد حقى من اللى اغتصبونى.. بقيت انا اللي بحبه وبصرف عليه وبكبر فيه ومعاه... اكتشفت البراءة..المسئولية... الحب .. الامان .. .. .اسفة انى مش مركزة اوى وجايز يكون كلامى مش مترابط... بس عاوزة اقول ان اللى عمله الناس فيا مكسرنيش.. اللى عمله اهلى ليا مكسرنيش.. اللى عمله الخدام والمسئولين ليا مكسرنيش.. اللى عملته لنفسى مكسرنيش.. بقول لكل بنت اتعرضت للاغتصاب أو للإستغلال: مش غشاء بكارة اللي هيحدد قيمتك...انتى تقدرى ! تقدرى تنفدى بنفسك من كل القذارة دى... معندكيش غشاء..بس عندك براءة واحساس بذنب يفوق قيمته قيمه الغشاء ... انا معاكى حساكى وجنبك ..انا بحبك..مقدرة معاناتك..عارفة انه مش سهل... بس عافرى...الحياة دى تستحقى تعيشيها بكفاح.... . ..... ملحوظة .. انا عملت عملية ترقيع ... لكن عموما عملتها علشان احس نفسى قيمتى عالية ... والعملية معملتش ده .... لكن اللى عمل دة واجبات وحب وقبول وسلام وإيجابية ... شكرا ل دكاترتي. شكرا لكل حد كان فى طريقي، قدملى حب وقبول . أما مع ربنا: فا انا كبرت كتير وبقيت ممتنة له على المرحلة اللى ساعدنى اوصلها. . ربنا صالح وللأبد رحمته .. 
|
|
13 - 11 - 2017, 08:04 AM
|
رقم المشاركة : ( 2 ) | ||||
|
† Admin Woman †
|
رد: يخرج من الجافي حلاوه
أما مع ربنا: فا انا كبرت كتير وبقيت ممتنة له على المرحلة اللى ساعدنى اوصلها.
. ربنا صالح وللأبد رحمته .. ربنا يباركك |
||||
|
|
|
13 - 11 - 2017, 09:44 AM
|
رقم المشاركة : ( 3 ) | ||||
|
..::| الإدارة العامة |::..
|
رد: يخرج من الجافي حلاوه
ميرسي كتير على مرورك الغالى.  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| انت السبب في حلاوه كل شئ |
| حلاوه الايام |
| ومن الجافي يخرج حلاوة♥️ |
| يخرج من الجافى حلاوة |
| حلاوه الله |
العرض العادي
