|
 |
 |
 |
|
رقم المشاركة : ( 1 )
11 - 11 - 2017, 09:16 PM
|
|||||||||||
|
|||||||||||
 الحاجات قلب الحياه والوجود فينا جميعا.. أصل الحياه فينا إحتياج.. هى دى جدور الحياه جوا البشر.. يعنى اللى حى فيك و فيا هى الحاجات.. بس الله يجازيهم علمونا أن الإحتياج كلمة وحشه.. يعنى معناها إنت ناقص حاجه.. أو محووج لحد.. يعنى أنا لو محتاج لحاجه.. يبقا أنا معيوب.. مسكين.. ضعيف.. دول حتى خلوها مرادف لشيئ.. يعنى الحاجه شيئ !!! بس الحقيقة: إن الحاجات.. كل الحاجات حق أصيل لينا جميعا. لينا جميعا الحق نشبع أى حاجه. كل البشر.. والكائنات ليها حاجات.. نفس الحاجات. مفيش حد مش محتاج هوا ولا مايه.. أكل ونوم.. كلنا فى إحتياج لحب.. إهتمام.. راحة وحرية.. محتاجه أمل تعاطف والقبول.. آه م القبول.. كل الحاجات ليها نفس الإعتبار.. الإحترام إحتياجاتى وإحتياجات الآخرين كلهم ليهم نفس المكانه والإعتبار. إحتياجى مش أهم من إحتياجتك .. وإحتياجك مش أهم من إحتياجتى.. أصله عدل.. اللى خلقنا.. العدل.. _____________________________________________ لما رب الكون خلق الحياه والكائنات.. خلق فيهم شويه حاجات.. يمكن عشان نلبيها .. نشبعها .. نوفيها .. أو ع الأقل نسعى لكده. و لأنها خلقه ربنا و بحكمته .. ملهاش سبيل تانى أبدا غير إنها تتملى ..ترتوى.. تشبع .. لحد الحمد.. و خلق لينا مصادر تكفى إشباع كل حاجه.. لكل كائن.. فى أى وقت.. لأنه رب.. بس نظم الطريقه .. و إحنا بنسعى نلبى حاجاتنا .. لا تجور عليا و لاأجور عليك. يعنى حقى أتنفس و ده حقك كمان .. و أنا مش هلوث هواك وإنت مش هتلوث هوايا حقنا نعيش على أرضنا.. لا أنت تجور على أرضى .. ولا أنا كمان.. الحرية حق و إحتياج .. لا تستعبدنى و لا تكتفنى .. و لا أنا كمان.. و هكذا ف كل إحتياج .. ____________________________________________ و الحاجات يا إما تشبع فى العلن فى النور .. بوضوح شديد .. يا إما الحاجات هتشوف لها سكه تانيه .. فى الخفاء و بتحايل.. سكه ملويه .. خلفيه .. من ورا ضهورنا .. الحاجات يا إما تتلبى بصحه يا إما تتلبى بمرض.. الحاجات يا إما تتلبى بوعى .. يا إما تتلبى فى الخباثه .. من ورا وعيك يا سيدى.. الحاجات تتلبى و نعمر الكون .. يا إما تتلبى بعنف يدمر شكل الحياه.. لما حد يتحرم من الأمان و هو صغير.. يمكن لما يكبر يكتنز مال مناصب و شهادات و بيت محصن .. و يبقا عبد للى جمعه... إجمع كمان .. إبقا جشع .. إبقا نهم .. نهم فى أكلك .. و فى فلوسك .. إنت فاكر كل ده هيعوضك معنى الأمان!! لما حد يتحرم حقه فى إنه يتشاف .. ممكن يجرّح نفسه عشان تشوفه .. أو يتشعبط فى اللى يديله الفتات .. اللى يديله بقايا الإهتمام .. هى عباده الموضه ايه غير محاولات تميز يمكن نبان .. نتشاف و نظهر للعينين .. نملى الخواء اللى فينا م الطفوله. إجمع كمان .. كمان .. كمان.. و إبقا قول لى البير إتملا .. و لا بيرك طلع إنه بيرمن غير قرار .. إشرب كمان .. كمان ..كمان .. و إبقا قول لى إرتويت و لا كانت مايه مالحه .. مايه البحر ما بترويش يا سيدى من العطش.. مايه الشرب ليها قانونها .. تبقا عذبه.. و فى أوانها.. 
|
|
12 - 11 - 2017, 10:02 AM
|
رقم المشاركة : ( 2 ) | ||||
|
† Admin Woman †
|
رد: عن الإحتياجات أتحدث
و إبقا قول لى إرتويت و لا كانت مايه مالحه .. مايه البحر ما بترويش يا سيدى من العطش..
مايه الشرب ليها قانونها .. تبقا عذبه.. و فى أوانها.. |
||||
|
|
|
12 - 11 - 2017, 03:21 PM
|
رقم المشاركة : ( 3 ) | ||||
|
..::| الإدارة العامة |::..
|
رد: عن الإحتياجات أتحدث
ميرسى كتير على مرورك الغالى  |
||||
|
|
 |
|
العرض العادي
