بنت مؤدبه
نشرت أحدهن مشكلتها قائلة ...
انا عارفه اني مش جميله ، وعمري ماطلبت من حد يشوفني جميله ،
بس هو حاول كتير اوي معايا ، هو كان امور ،
وكل بنت كانت تحلم بيه ، لكن ماعرفش ليه اختارني انا ،
ليه حاول كتير اوي كده لحد ما حبيته ،
انا عارفه اني غبيه بس ضعفت غصب عني وقدمت تنازلات باسم الحب والصدق اللي كان باين في كل تصرفاته ومطارداته ليا ،
بس دلوقتي هو اختفي بعد ماقالي انه مش عايز يظلمني معاه ومابقاش يرد، انا باموت بجد .
وبسال نفسي هو ليه اختارني وليه اختفي . ياتري عندك اجابه .....
الرد من أحد المتخصصين :
عقلي بيحملك جزء من المسئوليه علشان التنازلات اللي قدمتيها ايا كان نوعها ،
بس في نفس الوقت ضميري مش عايز يدينك ،
يمكن لأني كمتخصص فاهم أدوات الراجل المحترف ومدي تأثيرها علي بنت بسيطه زيك ،
لكن في كل الاحوال انتي ضحيه لإنسان قذر بمعني الكلمه ،
انسان أتحول بحكم شهواته لحيوان وقرر يستغل بنت مالهاش اي تجارب رغم ان اكيد حياته مليانه بالبنات اللي من نوعه ،
أنتى ارجعي استردي ثقتك بنفسك وأملي حياتك بالاهتمامات والناس اللي بتحبك بدون هدف ،
اعمليلو بلوك من كل حاجه واوعديني ماتضعفيش تاني ولا تقبلي رجوعه لاني واثق انه هيقارن وهايرجعلك مهما طال الزمن .
أنتوا اية رأيكم؟؟؟؟؟؟؟؟؟
