|
 |
 |
 |
|
رقم المشاركة : ( 1 )
19 - 09 - 2017, 07:22 PM
|
|||||||||||
|
|||||||||||
|
وبعد ما اتعصب عليهم .. رجع لنفسه .. وراح لهم .. معلش ياولاد .. اصل انا عندى مشاكل فى الشغل .. واعصابى مش مستحملة .. مايهمكش يا بابا .. كام يوم .. وهى نزلت فيهم زعيق وشخط وسب ولعن .. شوية وهديت .. وراحت لهم .. معلش ياولاد .. اصل انا مضغوطة فى شغل البيت .. ومشاكلى مع ابوكم .. واعصابى مش مستحملة .. مايهمكيش يا ماما .. اسمحوا لى بقى اتكلم بلسانهم .. واقول لكم اللى هم بيبقوا نفسهم يقولوه .. وماينفعش .. عشان الاحترام والتقاليد .. ماينفعش .. عشان السن الكبير والمسئوليات .. ماينفعش .. عشان المجتمع والعيب والحرام والضلال .. اقول لكم بقى لو الفرصة جات لهم .. هيقولوا لكم ايه .. ضغوط الحياة اللى بتتكلموا فيها .. احنا شايفينها وسامعين اخبارها فى كل حتة .. تليفزيون وانترنت .. مكالمات تليفوناتكم وحواراتكم مع اصحابكم .. كل ده بيزرع قلق .. واول ما القلق يبدأ يطلع ويكبر .. تبدأوا ترووه انتو بعصبيتكم .. نتيجة الظروف .. احنا المفروض نشارككم .. ونشيل سوا .. اللى بيحصل انكم بتشيلونا .. بردود افعالكم .. والحجة .. "معلش اصل ضغوط الحياة" مشاكلكم اللى بينكم وبين بعض .. احنا مالناش ذنب فيها .. مش احنا السبب .. خلافاتكم الشخصية نتيجة سوء اختياركم .. مش احنا اللى ندفع تمنها .. كفاية شكلكم وقت الخلاف .. كفاية كلامكم لبعض .. كفاية مواقف كتير ما بنعيشهاش .. بسبب اللى بينكم .. الجميل انكم بتتصالحوا .. وبتنسوا الطرف التالت .. اللى اتوجع واستحمل ردود افعالكم .. والحجة .. "معلش اصل ضغوط البيت والمسئولية" طب بما ان الميكروفون معانا .. اسمعوا بقى الكلمتين دول .. احنا عندنا 9 شهور فى السنة .. ضغوط المدرسة ولاواجبات والامتحانات .. والصحيان بدرى والدرجات .. ومدرسين عندهم ضغوط هم كمان .. بس مابيقولوش معلش .. ومقارنات .. مين الاول ومين الاخير .. وخناقات مدرسة .. دكك خشب بتوجع .. وجو حر شوية وسقعة شوية .. ونرجع البيت .. نلاقى ضغوط شغلكم .. ومشاكل البيت .. والى بعده واللى بعده .. وعندنا 3 شهور فى السنة .. تحت رحمة الظروف برضه .. هينفع نتفسح ولا لأ .. هينفع نخرج ولا لأ .. وطبعا مشاكل الشغل البيت مش موسمية .. دى عاملة زى نباتات الظل .. موجودة طول السنة .. عندنا بقى اسبوع .. تحضيرات المدارس .. مهما كان جمال الوان الفصول .. كأنها سجن مدهون حلو .. مهما كانوا صحاب المدرسة حلوين .. جو المدرسة بيعكر ده .. مهما كانت الشنطة شيك .. واللبس يجنن .. والجزمة اخر حلاوة .. والشراب ع الموضة .. بالنسبة لنا .. ده لبس بنلبسه يوميا .. لمدة 9 شهور .. وعلى كل ده .. ييجى اللى يقولك .. ضوافرك وشعرك .. الجزمة فيها خط اصفر .. والتوكة ماينفعش فيها لون لبنى .. اصل الناس دى برضه .. عندهم ضغوط .. ومشاكل فى البيت .. مش هاقدر اسيب لهم الميكروفون اكتر من كدة .. لازم انا اتكلم بقى .. حاجة تكسف فعلا .. احنا بنعمل كل ده .. وهم حتى ماعندهمش فرصة .. انهم يطلعوا فينا ضغوط الحياة بتاعتهم .. غير بالسكوت .. والدموع المحبوسة .. عشان عارفين انهم لو اتكلموا .. هيسمعوا احلى مبررات .. ياحبايبى المدرسة جميلة .. هتشوفوا اصحابكم اللذاذ .. وتشيلوا الشنط الخفيفة .. وتقابلوا المدرسين اللطاف .. وتشوفوا المشرفة البشوشة .. م الاخر كدة .. اللى ولاده لسة مادخلوش المدرسة .. خلوهم يعيشوا اسبوع مختلف عن كل اللى فات .. 
|
|
20 - 09 - 2017, 12:59 PM
|
رقم المشاركة : ( 2 ) | ||||
|
† Admin Woman †
|
رد: حاجة تكسف
م الاخر كدة .. اللى ولاده لسة مادخلوش المدرسة .. خلوهم يعيشوا اسبوع مختلف عن كل اللى فات .. ربنا يبارك حياتك |
||||
|
|
|
20 - 09 - 2017, 10:56 PM
|
رقم المشاركة : ( 3 ) | ||||
|
..::| الإدارة العامة |::..
|
رد: حاجة تكسف
ميرسى على مرورك الغالى  |
||||
|
|
 |
|
العرض العادي
