كونك تقوم ببعض الممارسات الروحية زي الترنيم وحتى الإفتقاد والإشتراك في مدارس التلمذة ده مش معناه إنك شخص روحي
شاول الملك قام ببعض الممارسات ذات الصبغة الروحية الرائعة لكنها كانت روحانية مزيفة
الراجل أمر بصوم عام لكل الشعب ومنع حتى أكل الخبز في وقت حربه مع الفلسطينيين..
الصوم حاجة كويسة لكن توقيته كان غير مناسب لأنه سبب كدر وتعب لكل الجنود اللي بيحاربوا.. لدرجة ان يوناثان ابنه قال "قد كدَر أبي الأرض.."
موقف تاني لما كان في الجلجال لمدة اسبوع واتأخر عليه صموئيل فقام وقدم الذبائح مكان صموئيل ..تقديم الذبائح عمل عظيم لكن مش من اختصاصه..
الموقف الشهير في وقت حربه مع عماليق لما انتصر عليهم بعديها احتفظ لنفسه ببعض الخرفان الجيدة وعفى عن أجاج ملك عماليق.. بحجة إنه هيقدمها ذبائح للرب ..وقال لصموئيل: "قد أقمت كلام الرب.." وفي الحقيقة هو عصى كلام الرب تمامًا..
الروحانية الحقيقية هي إنك تسمع صوت الرب وتمشي بحسب كلامه ..الإنسان الروحي هو اللي عنده قلب متضع بيخاف الرب وبيهمه مصلحة الرب مش مصلحته ..
الروحي مش اللي بيرنم وبيوعظ الناس ..لكن اللي بيعيش لأجل المسيح ولأجل الناس.
