‬لقاء مع البابا تواضروس الثانى

[walaa farouk]

الاب الحقيقى ..
بيحب كل ولاده سواء ..
ولما بيلاقى اللى مش قادر يروح له ..
يوفر عليه وينزل يروح هو لحد عنده ..
مش مهم مين كبير ومين صغير ..
مش مهم مين من الكنيسة ومين برة الكنيسة ..
المحبة ما بتتجزأش ..
واللى بيحب ما بيختارش ..
يوم مختلف ..
يوم .. كل خطوة فيه تستاهل كلمة ..
"أشكرك يا رب"
يوم فعلاً بيجسد المثل ..
الصحة تاج على رؤوس الأصحاء ..
يوم كان شعاره ..
الأبوة المحِبة ..
عن احساس الفرحة ..
لما تلمسك ايد وتطبطب عليك ..
البابا فى 57357
مش دعايا ولا اعلانات تبرعات ..
دى محبة ..
بيعلمهالنا بطريقة عملية ..
وكانت هديته ..
اللى عملها مخصوص للمستشفى ..
ماكيت قسم فيه محافظات الجمهورية ..
الى 7 , 5 , 3 , 7 , 5
وحط فى كل محافظه اهم معالمها
اهتمامه بالتفاصيل
اهتمامه بضحكة كل طفل وقف جنبه
اهتمامه باحتياج كل أم
كانت محتاجة كلمه ربنا معاكى
اهتمامه باللعب مع الأطفال وحكاويهم سوا ..
راح عشان يفرح الكل .

.