1 _ في صحاب بتسألوا علي بعض كل فين وفين .. وممكن تفضلوا كتير متتقابلوش .. لكن يوم ما تتقابلوا بتفضل علاقتكم زي ماهي .. واللي فيكم بيحتاج التاني بيلاقيه ف ضهره
2 _ في صحاب قعدتهم حلوه .. وقت ما تحس انك مخنوق او متضايق بتروح تقابلهم .. وانت عارف انك هترجع مبسوط ومودك متغير 180 درجه
3 _في صحاب اندال .. يفضلوا جنبك ومعاك وحبايبك ف الحلوه .. و أول ما ظروفك تتلغبط و تحصلك مشكله .. بيعلموا نفسهم من بنها .. وكل واحد فيهم بيغيب ويختفي وكأنه ميعرفكش اصلآ
4 _ في صحاب مصلحه .. لما بيحتاجوا منك حاجه بيقربولك بالحنيه وبالكلمه الحلوه .. و أول ما ياخدوا غرضهم منك بيسيبوك
5 _ في صحاب مناسبات .. بيحبوك وبيعزوك .. لكن مبتجيش علي بالهم غير ف المناسبات .. وخصوصآ ف الاعياد .. وتقريبآ علاقتهم بيك بتتلخص ف الرساله اللي بيبعتهولك كل عيد .. والبوست اللي بيبكتبهولك كل موسم
6 _ في صحاب ذكريات .. صحابك بتوع زمان وخصوصآ صحاب المدرسه .. اللي الايام فرقتكم عن بعض لكن لسه بينك وبينهم عشره ومحبه .. وكل ما تتقابلوا كلامكم كله بيدور ف ذكرياتكم والايام اللي عشتوها سوا
7 _ واجمل انواع الصحاب .. هما الصحاب الجدعان .. اللي بيفضلوا معاك ف كل وقت وكل لحظه .. وبيشاركوك كل ايام حياتك .. حتي ف لحظات تعبك و هروبك من كل الناس .. هما بيبقوا الحضن والوطن <3
26 - 08 - 2017, 10:41 AM
رد: الصحاب انواع
العرض العادي
