ازاى نعمل اساس الميكب صح بالخطوات وبالصور (الجزء الاول)

[ابن الباباا]

اول حاجة ياحبايبى ان انا مقسم المواضيع ع اجزاء

يعنى دة الجزء الاول لان المواضيع كبيرة وانا عايز اسهل عليكوا فقسمت ع اجزاء

الجزء الاول هنتكلم ع اساس الميكب ودة اهم حاجة

اول حاجة يا حبايبى هيا كريم النهار

لو حضرتك خارجة الصبح قبل ما تحطى اى ميكب بتحطى كريم نهار مرطب وياسلام لو يكون فية عامل حماية من الشمس

علشان دة يا قمر بيحمى بشرتك من اى حاجة ضارة

تانى حاجة هيا كريم الليل

ودة بتحطية برضوا قبل الميكب لو حضرتك خارجة بليل

والكريمات دى انتوا ممكن تجيبوها من الصيدلية واسعارها ممكن تكون كويسة او من ايفون او اوريفليم

تالت حاجة هيا كريم العين

ودة بيتحط برضوا قبل الميكب يكون كريم عين مرطب بس معلومة لما تحطوا كريم النهار او الليل وكريم العين تستنوا خالص لحد ما البشرة تمتصة اوعوا تحطوا ميكب ع طول

وكمان لما تحطوا الكريم تحطوا ومتدهنوش لا تستخدموا حركة طبطبة عشان لو دهنتوة مش هيتوزع كويس

رابع حاجة معانا النهاردة هيا كريم الاساس

صحصحوا معايا بقا عشان جينا ف الجد

بتحطى كريم الاساس ع وشك الجميل المنور دة ازاى

يا اما باسفنجة يا اما بفرشة

بتحطى كريم الاساس الاول ع وشك وبعد كدة تستخدمى الاسفنجة

مفيش حاجة خالص اسمها بايدك

وجربوا بجد كل اللى انا بقول علية وتحسوا بفرق كبير

الاسفنجة هتديكى توزيع رائع ولا مجير ولا اى حاجة

ازاى تجيبى كريم اساس متناسق مع بشرتك؟

اول حاجة: ودة اهم حاجة كريم الاساس احنا مش بنحطة عشان يفتح بشرتنا لالالالالالا اوعوا تعملوا كدة اكبر غلط بنعملة

احنا عايزين نخلى لون بشرتنا يكون هو دة الطبيعى وعشان كدة احنا بنجيب درجة كريم اساس قريبة لدرجة لون بشرتنا

بنوحد لون البشرة بتاعتنا بلون كريم الاساس

تانى حاجة:مش اى كريم اساس تجيبية لو حضرتك بشرتك دهنية

بيبقا فية زيوت فهتحطية هتلاقى ان بشرتك مجرد حاجة بتلمع مش هيعمل تغطية كويسة

كريم الاساس الاستيك موجود ف اى سنتر منتجات تجميل هتلاقة بسهولة جربوة بجد كل اللى بشرتهم دهنية هيديكى تغطية كويسة جدا

ودى صورة كريم الاساس الاستيك عشان تبقوا عارفين شكلوا

تالت حاجة:البشرة الجافة والعادية بتحطى كريم اساس سائل عادى

يكون لونة زى ما قولنا مقارب للون بشرتك والزيوت اللى فية هتدى بشرتك الترطيب اللى محتاجاة

خامس حاجة معانا النهاردة يا احلى فتوكات هى الكونسيلر

والكونسيلر عندنا نوعين سائل واستيك

ودى صورتهم

طيب الاستيك لاية والسائل لاية؟

الاستيك:للناس اللى عندهم هالات تقيلة بيدى تغطية جميلة ليهم بس برضوا الغلطة الى بنعملها بنجيب كونسيلر فااااااااتح ع اساس انة يفتح الهالات غللللططط بنجيب كونسيلر مقارب او اغمق من الهالات وف الاخر بنظبط بالكونسيلر السائل وبكريم الاساس

السائل:للناس اللى معندهمش هالات وبيدهم زى لمعة او بينور العين

اخر حاجة معانا النهاردة هيا الباودر

عندنا نوعين من الباودر هما البودرة السايبةloose powderوالبودرة المضغوضةcompact powder

ودى صورتهم

لكل حاجة من دول استعمالها اية هما

البودرة السايبة:دى تعتبر من اساس المكياج بعد ما تحطى كريم الاساس تحطى البودرة السايبة ولو ف اماكن مش متظللة كويس بتبتدى انك تمليها

اما البودرة المضغوضة:دى بتيقا معاكى ف الشنطة بتاعتك لما تخرجة تظبطى بيها الميكب بتاعك لو حسيتى انة ابتدا وشك يكون ف لمعة تحطيها

انا كدة خلصت الحاجات دى هتلاقوها ف اى سنتر منتجات تجميل

بس بجد اعملوا الخطوات دى هتشوفة فرق كبير
و اى حد حابب يستفسر ع حاجة انا معاكوا

انا عارفة انى صدعتكوا برغى خلاص كفاية كدة النهاردة

ونتقابل ف الجزء التانى

[Mary Naeem]

شكرا على المشاركة
ربنا يفرح قلبك

[فرونكا]

ميرسى كتير ربنا يباركك