|
 |
 |
 |
|
رقم المشاركة : ( 1 )
06 - 07 - 2017, 10:24 PM
|
|||||||||||
|
|||||||||||
|
*خلص أكلك علشان أحبك *ماتعملش كده تاني علشان أحبك * لو ضربت أخوك مش ححبك * لو ماسمعتش الكلام.. مش ححبك *انا ححبك اكتر لما تروق غرفتك *لو ساعدتني في ترتيب الأكل ححبك لو ... ححبك... او مش ححبك ياترى ... ايه رأيكم في الجملة دي؟؟ وايه تأثيرها على ولادنا بالسلب او الايجاب؟؟ . الحب من الاحتياجات الاساسية لنمو الابناء ..علشان الطفل ينمو بشكل صحيح من غير المشاكل اللي حنتكلم عنها دلوت ... لازم اشبعه بالحب في كل وقت حتى لو غلط .. ازاي يعني يادكتورة احبه حتى لو غلط .. ايوا حتقوله انك بتحبه لكنك مش بتحب التصرف ده او مش بتحب تشوفه يعمل كده .. فانت كده وصلت له رسالة انك بتحبه حتى لو كان غلطان اما الحب المشروط .. ححبك .. لو فانا هنا بوصل للطفل رسالة اني اصلا مش بحبه... وبحبه بس في الحالات دي ... وده بيخلي ايه يحصل؟؟ اول حاجة بيوصل للطفل رسالة ان بابا وماما مش بيحبوني ... فحتلاقيه بيعمل سلوكيات مش صح وغلط هلشان يجذب اهتمامهم ويلاقي شوية حب ... زي انه يضرب اخوه ، يشتم ، يدلق الحاحة على الارض ، يسرق، يكذب وهكذا .. اي سلوك يخلي بابا وماما يهتموا بيه وبالتالي يحس بشوية اهامام منهم يفسره انه حب..وكمان حيف شعوره بذاته وحيحس انه مش محبوب وحيعمل برضو السلوكيات الغلط اللي يحاول بيها يحس بنفسه شوية .. كمان الطفل حيلزق في اي حد يحسسه بالحب اللي هو محتاجة ، زميل ، مدرس .. متحرش... اي حد يحسسه انه بيحبه بدون شروط.... حنخلي الطفل يعمل الحاجة مش لانها صح... انما بس علشان يتحب ويلاقي احتياجة من الحب .. لكن في الاخر لو فضل كل شوية تتقاله كلمة ححبك لو .. حيحس اني مهما عملت مش بتحبوني اصلا فمش حعمل بقى اللي بتهددوني بيه ... حيبادل ماما وبابا الحب بنفس الطريقة .. ححبكم لو جبتولي كذا وعملتولي كذا وسمعتوا كلامي وهكذا... حيفقد الطفل شعور الامان اللي هو محتاجه.. فكل شوية تلاقيه بيسال.. انتم بتحبوني ... وكمان حيبقى عايش قلقان مش عارف التصرف ده حيخليه يفوز بحبهم والا كده مش حيحبوه فمش عارف يكمل في اللي هو بيعمله والا لا .. حبوا ولادكم في كل وقت ... وبكل شكل ... ومهما غلطوا.. قولولهم بنحبكم .. 
|
|
07 - 07 - 2017, 12:57 PM
|
رقم المشاركة : ( 2 ) | ||||
|
† Admin Woman †
|
رد: ححبك .. لو
حبوا ولادكم في كل وقت ... وبكل شكل ...
ومهما غلطوا.. قولولهم بنحبكم .. |
||||
|
|
|
07 - 07 - 2017, 08:51 PM
|
رقم المشاركة : ( 3 ) | ||||
|
..::| الإدارة العامة |::..
|
رد: ححبك .. لو
ميرسى على مرورك الغالى  |
||||
|
|
 |
|
العرض العادي
