للنكديين فقط!!

[walaa farouk]

شاب عندة 30 سنة و عايز يتجوز و هنعتبر انه اشتغل بقاله 8 سنين من ساعة ما اتخرج و مرتبة فى الشهر 3 الاف ج بيحوشهم كلهم


الولد ده اتقدم لبنت و هجيبلها شبكة اقل حاجة 15 الف ياادوب تجيب دبلتين ومحبس معقول دا ان مكانش 20 الف.. نقول متوسط 20 الف
الولد ده نزل يشوف شقة.. لقى شقى فى مدينة الاقزام السبعة او فى مدينة أليس فى بلاد العجائب و سعر الشقة دى 150 الف و جدعنة منى فا الشقة دى جاهزة على الجواز يعنى يدخل بالفرش علطول...
هيشتري كام جهاز على شوية حاجات كدة للبيت من بنك الحظ او من السلم و التعبان و الراجل عمال يكسب و راح جايب شوية فلوس كدة و جاب بيهم شوية فرش للبيت كدة بحوالى 50 الف حتة واحدة انشاله ما حد حوش..
كده معانا بقى 20 الف شبكة + 150 الف شقة + 50 الف فرش
طيب مصاريف الفرح بقى فستان العروسة هنجيبوا من اتيليه ام محروس و بدلة فرح ايجاب من عند ابو نسمة تحت الكوبري و ايجار كنيسة و كروت فرح و ايجار عرببية و كوافير وشوية كلام من ده قول 10 الاف
و الراجل عايز يروح اسبوع عسل.. ايوة اسبوع فى حتة على قدة مثلا... محدش يقولى اسكندرية.. العروسة تقتلة اصلا..
هنقول مثلا طلع الغردقة.... الراجل ده هيقعد اسبوع بمصاريفة و مواصلاتة و بابا غنوجة قول مثلا 7 الاف جنية علشان الراجل اتجوز بره الموسم و الفنادق كانت بهتش و بتنش
كدة حسابنا كلة هو 237 الف... قول يا سيدى 240 الف
240 الف و الراجل ده مرتبة 3 الاف جنية يعنى فى الشهر يعنى هشتغل 7 سنين علشان يجيب تمن الفيلم ده كلة
7 سنين بيشتغل علشان فى يجيب شقا عمرة و يعمل بية بيت و يجيبك انتى تقعدى فيه علشان تكملى فرحتة.
البنت بقى فى مصر تقريبا مش بتجيب حاجات بربع المبلغ ده
فا الراجل يشتغل 7 سنين مثلا و فى الاخر نلاقى خناقات.. !!
البنت مش عاجبها العيشة...بتقارن جوزها بناس تانية... نكد صبج وليل..
7 سنين تعب رماهم تحت رجليكى علشان تيجى تشاركية تعبة وبيته وحياتة و المحصلة هى نكد و وجع قلب وراس
انتو عارفين لو الجواز فى مصر بالنص فى التكلفة... يمكن كانت بعض البنات بقت احسن من كدة..
فكرة ان الراجل يجيب 75 % من تكلفة الجواز فا ده قمة الظلم..
البنت هتجيب اوضة نوم مثلا.. بكام 25 الف .؟؟
شوية حاجات ليها بكام يعنى كلة على بعضة 50 الف؟؟
و الراجل دافع 250 الف؟؟؟
طبعا الاسعار الى كتبتها فوق دى تشبيهية.. مفيش تقريبا شقة جاهزة و كاملة ب 150 الف و الا حضرتك هتسكن فى مكان اصلا مينفعش يتسكن فيه و مخالف و كلام كتير اوى كدة...
تفتكروا فى مصر فيه عدالة فى الجواز؟؟؟
انا اسف انى اقولكم لا
مفيش عدالة فى الجواز ولا التجهيز ولا الترتيب ... ونادرا لما تلاقى اسرة كويسة عايزة تشيل و تساعد انما الاغلب اصبحوا مصاصين دماء..
الجواز حاليا فى مصر مع العلم ان اغلب الاسر بتطلب شقة تمليك للجواز.. فا اغلب الجوازات فى مصر لا تقل عن 250 الف يعنى ربع مليون جنية علشان الشاب يتجوز.
اه بالمناسبة..محدش يقولى : المفروض اسرتة تساعدة... علشان الكلام ده هيدخلنا فى فيلم تانى اسمة بابى و مامى... يبقى هنظلم كل الشباب المكافح الى ربنا سمح انهم يتولدوا فى اسرة عادية او بسيطة...
بالراحة على الشباب يا بنات... قولوا لأسركم انهم يقدروا الراجل مش يبيعوا ويشتروا فيه..

[مورا مرمر]

موضوع جميل ومهم
ربنا يفرح قلبك

[Mary Naeem]

قولوا لأسركم انهم يقدروا الراجل مش يبيعوا ويشتروا فيه
للنكديين فقط!!