|
 |
 |
 |
|
رقم المشاركة : ( 1 )
04 - 07 - 2017, 08:32 PM
|
|||||||||||
|
|||||||||||
|
زي ما محتاجين نعلم ولادنا يقولوا نعم واه وحاضر لازم كمان نعلمهم يقولوا..... لا..... مش عايز...... مش هعمل..... مش موافق يا ماما.... عارفه انهم اصلا بيقولولنا لا كتيييير جدا 😂😂😂😂 بس كمان عارفه ان في ناس كتير مبتستحملش تسمع الكلمة دي من ولادها وبياخدوها بشخصنه جدا يعني ايه يقولي لا مش المفروض يسمع كلامي ازاي يعني انا ابوه ولازم يحرمني ويسمع كلامي على طول يعني انا امه واقوله هات الحاجة دي ويقولي لا قدام جدته بس احنا محتاجين نفهم حاجة هو مش قاصدك انت ب لا دي مش قاصده يعند فيك هو بس رافض الطلب اللي انت عاوزه ( وخلي بالك في فرق من الطلب والامر والولاد بيحسوا بالطريقة جدا وبالتالي الاستجابة بتاعتهم بتختلف) او ممكن يكون عاوز ينفذه بطريقة مختلفة.... اوعاوز يشاركك فيه من حقه برده صح 😂😂😂 طيب المفروض اعمل ايه وايه فايدة انه يقولي.... لا.... _اولا فايدة انه يقول ..... لا..... يعترض _ بساعده انه يكون شخصية مستقلة _ بساعده انه يحس انه كائن مستقل من حقه يعترض _بعلمه يتحمل مسؤولية اختياره لما اوفق على وجهه نظره _ بعلمه يقول لا وميوافقش الا لما يتقنع عشان يطبق ده في مواقف مختلفة بره البيت _ بعلمه ميبقاش طفل مطيع طول الوقت _ بشجعه يجرب حاجات مختلفة عشان هو لوحده يكتشف الصح والغلط.. كل ده وحاجات تانية كتير بس ده اهمهم طيب نعمل ايه بقى نخليه يقول لا على طول ويبقى طفل متمرد لا طبعا بصوا بقى _هخليه يقول لا واشجعه كمان عليها لما الموضوع ميكونش خطير وفيه خطر عليه _هخليه يقول لا في الوقت اللي هيبقى عندي وقت اناقشه فيه واستحمل جداله _يقول لا لو الموضوع بيتعلق بحاجات سهلة يعني مش حاجات مصيريه يعني لبس اكل لعب.... مثلا _نازلين رايحين لتيته وبتقولي لابنك البس الكوتشي........ وهو لا ياماما عاوز البس الصندل...... لا مينفعش لازم تلبس الكوتشي....... ونقعد بقى كده وممكن نتخانق وممكن ياحبيبي يضرب عشان عاوز يلبس الصندل بدل الكوتشي وبتحصل على فكرة صح 😯😯 _حبيبتي تعالى خدي عملتلك عصير الفراولة اللي بتحبيه اتفضلى..... لا يامامي عاوزاه في الكوباية الخضرا..... لا ياحبيبتي خلاص حطيته خديه وخلاص والمره الجايه بقى....... لا ياماما اعاااااااااا 😂😂😂....... خلاص انا غلطانه مفيش عصير خالص بس....... ليه ياماما اعااااااا..... احم احم طبعا كلنا بتعدي علينا المواقف دي اكتر من مره في اليوم الواحد صح 😉😉 طب تفتكروا لو على كل مره ابنك قال لا واتعصبتي عليه هيبقى ده الحل اظن مش هنحقق اي حاجة من المميزات اللي قولناها ل لا وبس بقينا نفرض كل شئ على الطفل ولو مقلش حاضر يتعاقب بجد حرام تعالوا نفوت لهم شوية نخلي على الاقل يومنا ويومهم لطيف ونقلل من مشاحنات طول النهار في الموقف الاول ماما كانت ببساطة ممكن تتنازل عن طلبها ومكنش هيحصل اي مشكلة على الاطلاق طب الموقف التاني كانت ممكن ماما تقولها........ خلاص تعالي فضيه في الكوباية التانية عشان انا بعمل حاجة بس اوعي تنسى تغسلي الكوبايتين بقى 😜😜 (بس تقولها من بطريقة فيها ضحك وهزار عشان البنت متعندش ) بس كده لوركزنا على فكرة هنلاقي ان احنا اللي بنعند مع ولادنا مش هما جربي الطريقة دي واسمحي لابنك يقول لا عشان يدرب ويتعلم يقولها ويتحمل عواقب اختياره ده 
|
|
05 - 07 - 2017, 12:35 PM
|
رقم المشاركة : ( 3 ) | ||||
|
† Admin Woman †
|
رد: اسمحيله يقول لا
جربي الطريقة دي واسمحي لابنك يقول لا عشان يدرب ويتعلم يقولها ويتحمل عواقب اختياره ده
في منتهى الجمال يا قمر ربنا يباركك |
||||
|
|
|
05 - 07 - 2017, 11:48 PM
|
رقم المشاركة : ( 4 ) | ||||
|
..::| الإدارة العامة |::..
|
رد: اسمحيله يقول لا
ميرسى على مروركم الغالى  |
||||
|
|
 |
|
العرض العادي
