واقع أليم كنائسنا بتمر بيه....😱😱😱
أول مرة سمعت فيها كلمة #الشلة كانت في أفلام التمانينات اللي بتتعرض في التليفزيون وأنا صغير... كانت بترسم صورة لمجموعات الأصدقاء في الجامعة و كانت بتهدف إلى أن كل مجموعة تكون من نفس الفكر أو من نفس الطبقة الإجتماعية... وكانت أغلب الشلل بتكون من الطبقة #الأرستقراطية... شباب صغير معاه فلوس وعربيات و بياكل في مطاعم التيكاواي او يروحوا ينبسطوا في اي مكان ترفيهي غالي 🍝🍝🍝🍟🍟🍕🍕....في الوقت ده بدأت تظهر مجموعات من الشباب #الكادح اللي أهاليهم شحتوا عشان يعلموهم... كانت نظرة الطبقة الأرستقراطية للفئة الكادحة من الشباب مقسومة لأتنين.... البعض بينظر ليهم بنوع من #الأحتقار والتهميش وأن الجامعة لمت ولاد الناس الأكابر مع ولاد الفلاحين و المرتزقة.... والنوع التاني كان بينظرلهم بنظرة#العطف والشفقة وأنهم ممكن يصاحبوهم عشان يكسبوا حب أقرانهم الأرستقراطيين و يكونوا داخل اطار المتواضعين او مرهفي الأحساس... أو ياخدوا شكل الأباطرة اللي كانوا بياكلوا مع الشعب كنوع من سياسة الأستقطاب الطبقي... والنظرتين خلقولنا الفكر #المتطرف وأصبح البعض من الشباب الكادح بينظر للمجتمع نظرة السيد اللي ظلم العبد وعلى العبد الأنتقام من السيد....👮👮👮😬😬😬
حالياً #مفهوم_الشلة موجود و واضح في كتير جداً من إجتماعات الكنائس بنفس شكل الشلل في الجامعة أيام التمانينات... مجموعة من الشباب الشيك... متعلمين كويس... مستواهم الأجتماعي كويس... يقرروا أنهم ينشئوا إجتماع خاص بيهم.... محاولة إختراق أي حد جديد بأي فكر أو بأي مستوى للأجتماع ده شبه مستحيلة.... طيب الكنيسة تعمل ايه.... تقول للشباب الغلبان هانعملكوا أجتماع لوحدكوا.... يبدأ دول يشوف دول انهم ظلموهم لأسباب إجتماعية مالهومش دخل فيها... ودول ينظروا لدول على انهم قرويين و نعاملهم بأسلوب خدام القرية... أو الأجانب اللي بيزوروا البلاد النامية.... 🌹🌹🌹
وتبدأ قصة الطبقية تخرج من أطار إجتماعات الكنيسة لنطاق أوسع... الأجتماع في الكنيسة الفلانية اللي في الحي الراقي الناس فيه أنضف من الناس اللي في إجتماع كنيستنا.... وتوسع الحكاية أكتر من كدة... انا ماتجوزش من كنيستي... طيب ليه... أصل الناس عندنا #بيئة_أوي... طيب يابني ما أنت من الكنيسة دي.... يقولك وهو انا هافضل على الوضع ده طول عمري...؟؟؟ وتتحول الحكاية من الشللية للطبقية👭👭👬👬👬
مع أن سفر #أعمال_الرسل قال غير كدة خالص.... قال أن الجميع كانوا بيحطوا فلوسهم تحت أقدام الرسل.... قال ان كل شئ بينهم كان #مشترك
ومن جمال التقاليد القبطية... ان فيه مناسبات طقسية جميع المؤمنين ياكلوا فيها نفس الأكلة.... عشان الغني و الفقير... العالم و الجاهل يتساوا....🍔🍔🍔 أعتقد أن الشلل في الكنيسة هاتوصلنا للمتمردين على الكنيسة ومتطرفين في الفكر... الكنيسة شعب واحد... إيمان واحد... معمودية واحدة... جسد واحد....
#إنتبهوا_يا_سادة
#ناقوس_الخطر
31 - 12 - 2016, 09:40 PM
رد: #بين_الشلة_والطبقية_في_الكنيسة.
العرض العادي
