|
 |
 |
 |
|
رقم المشاركة : ( 1 )
30 - 06 - 2017, 10:32 PM
|
|||||||||||
|
|||||||||||
 لو قدامك أكونت مفتوح هتعمل إيه؟ 99% هيرضوا فضولهم، ويقلبوا فيه :D ده اللي حصل مع واحد كان سايب أكونته مفتوح بالغلط، فخطيبته قالت لما تاخد فيه لفة لقت حاجات معجبتهاش، ورسايل معجبتهاش، وناس معجبوهاش.. وما إلى ذلك، والموضوع كبر وإنتهى بالإنفصال.. *في حين إنه لو كان صارحها بنفسه، بكل البلاوي اللي إنتهت دي.. مكنش هيبقى فيه مشكلة وقتها.. كان ناوي ولا لا.. الله أعلم! مرة كنت فتحت بالغلط على صاحبتي، ومعرفتش إني فتحت، ففضلت أقول ألو.. محدش رد بس سمعت إسمي، وإسم حد كمان.. للأسف مقفلتش.. وفضلت أسمع حاجات غريبة بتتقال عني، فإتصدمت إن إزاي حد يتكلم معايا عادي، ويتكلم عليا بالطريقة دي.. *في حين إني لو مكنتش سمعت، وكانت هي قالت الكلام ده في وشي، وتراكمات مواقف اتفهمت فيها غلط، كنا نتناقش، ونتعاتب قصاد بعض.. مكنتش زعلت! كان ممكن نيتها تصفى من ناحيتي؟ .. الله أعلم! شخص تاني البنت حطته Close friend.. فبتقولي إحنا بنبقى عارفين الناس بطريقة، ولما بنقرب أوي بنكتشف إننا مكناش مفروض نعرف أكتر من كده! طول عمري بتمنى أقرا الأفكار، أو على الأقل أبقى عارفة اللي بيضحك في وشي، ده حقيقي ولا بلاستيك!؟ الكلام اللي بيتقالي ده، بجد ولا نفاق! ليه ناس قدامي بيبقوا اصحابي، ولو حطيت لينك الـ Ask مثلاً بأتشتم، وبينتقدوني! بس لأ.. الجهل نعمة كبيرة أحياناً. مش إنك تكون مُغفل!! لأ إنك تتغافل، وفيه فرق كبير بينهم.. فيه قصة مشهورة عن أم مش بتعاقب إبنها اللي بيعمل حاجة غلط، بس هي عرفت انها لو عاقبته هيعاند، وهتخسره للأبد.. إختارت تعامله بالحًسنى، وتدعي الله إنه يصلح فساد قلبه، ويهديه. بنفس المبدأ.. تغافل.. وأحسن إليهم.. والله يتولى ما في قلوبهم! بحثنا دايماً، إننا نعرف كل كبيرة وصغيرة عن الأشخاص اللي في حياتنا مرض هيأذينا غالباً أكتر ما هيفيدنا. كل حد فينا عنده صندوق إسود، جواه كل حاجة مش عاوزين حد يعرفها عننا.. (ربنا مُطلع عليها وعارفها) .. ومش مفروض حد تاني يعرفها عننا أصلا.. لإن لو كلنا بقينا كتب مفتوحة قدام بعض، مش هنعرف بعض تاني. -في الغالب- بالتالي فيه حد فاصل في معرفتنا بالناس المفروض نقف عنده، ونرضى بيه. ما نحاولش نعرف أكتر منه، عشان ساعتها هنزهد فيهم.. ونخسرهم.. ولما نعرفهم ككتاب مفتوح، مش هنلاقي حاجة بعدها تعجبنا فيهم.. نفسنا البشرية مش مثالية.. ممكن نكون مرتاحين جداً مع حد، ويكون حد كويس فعلاً، بس عمل ذلة.. إحنا مش هننساها. ومش هنسامح.. بس الله اللي عارف كل ذلاتنا.. بيقبل التوبة، وبيسامح، وبيبدلها كمان حسنات! فبلاش موضوع الـ Stalking وإن أنا مش هرتاح غير لما أكشف الستر اللي على الشخص ده. لو ربنا بيّن لينا حاجة منهم، مش على هوانا.. يبقى كرم وفضل منه، وممكن تكون رسالة، ولُطف! ما بيّنش.. ما نحاولش نلاقيها إحنا.. وننبش عليها بإرادتنا.. الحاجة اللي ممكن تكون صغيرة، س بعدها مفيش حاجة هترجع زي الاول.. هنتعب والثقة هتضيع.. وتضيع معاها حاجات كتير. فلو بتحبوا حد، ما تحاولوش تعرفوا عنه (كل حاجة)، سيبوا ليه مساحة شخصية.. سيبوا صندوقه الاسود مقفول زي ما هوّ لا يعلم ما به إلا الله.. وتقبلوا فكرة إن فيه حاجات عن الشخص ده إنتوا متعرفوهاش. حاجات ممكن ما تكونش على هواكم! .. وحاولوا تتعايشوا مع ده بسلام. لإننا مش ملايكة ولا معصومين. فتوصلوا لدرجة إن الشخص ده لو كان زي الأكونت المفتوح قدامكم، خليكم إنتم من الـ 1% اللي هيغضوا بصرهم عنه، ومش هيحاولوا يقلبوا فيه! وده إعمالاً بمبدأ خلي الشمس تنورلك من بعيد، بس ما تقربش منها عشان ما تحرقكش. 
|
|
01 - 07 - 2017, 01:39 PM
|
رقم المشاركة : ( 3 ) | ||||
|
† Admin Woman †
|
رد: خلى الشمس تنورلك من بعيد
وده إعمالاً بمبدأ خلي الشمس تنورلك من بعيد، بس ما تقربش منها عشان ما تحرقكش.
ربنا يبارك حياتك |
||||
|
|
|
01 - 07 - 2017, 08:50 PM
|
رقم المشاركة : ( 4 ) | ||||
|
..::| الإدارة العامة |::..
|
رد: خلى الشمس تنورلك من بعيد
ميرسى على مروركم الغالى  |
||||
|
|
 |
|
العرض العادي
