| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
29 - 06 - 2017, 09:44 AM
|
||||
|
||||
 وبعد ١٥ سنة من الجواز اخيراً ربنا كرمهم ببنوتة زى القمر . جات فى وقتها اصل الصبر كان نفذ لكن كانوا محتاجين يشحنوا رصيد اكبر من كل الصبر اللى فات اصل مع الأسف الحلو مابيكلمش . البنت مابتسمعش وبكدة يبقى كمان مش هاتتكلم . سنتين بالتمام والكمال لفوا على كل الدكاترة برة البلد وجواها .. لكن مفيش امل . الاب استسلم للامر الواقع الام كان وجعها اكبر منها ويا دوب عدت سنة ربنا اراد ان الام تموت . الحمل بقى حمول على الأب سلامه وهدوءه العجيب كان سلاحة راح اتعلم لغة اشارة وصمم من جواه انه يخلى بنته انجح انسانة . كان مقسم يومه الربع لادارة شركته .. والباقى لبنته تقريبا مكانش بينام . . تمر الايام وبنته تدخل كلية الطب اتخصصت .. انف واذن وحنجرة ماجستير ودكتوراة .. ومن تفوق لتفوق . اخترعت وتوصلت لحاجات كتير فى تخصصها كانت بتعالج الأطفال اللى بيتولدوا زى حالتها . العالم كله بقى بيكرمها وبيتكلم عنها كانت بتلف تدى محاضرات فى اكبر مستشفيات العالم وكان اللى بيساعدها .. باباها كانت هى تشاور وهو يقول الكلام بصوته . حاولت تشوف مساعد لكن باباها رفض وقالها ماحدش هايكون جنبك غيرى . رفضت تتجوز وقالتله ماحدش هاياخدنى منك ومش عاوزة حاجة تعطلنى لسة مشوارى طويل فى العلم . الأب كان كل يوم يصلى بحرقة وباعلى صوته فى البيت اللى بيضمه هو وبنته مابيملش عن شكره لربنا لكن مع نجاح بنته وحكايات العالم عنها كان بيقوله يعنى يرضيك اللى بترجع سمع الاطفال تكون مابتسمعش انا عارف انك عوضتنا وبقت احسن من ملايين بيسمعوا لكن انا واثق فى عجايبك . دخلت عليه بنته وكلمته بالاشارة وكان معنى اشارتها انها بقالها سنين بتشوفه بالشكل دا بتقول ايه لربنا قالها باقوله يفرحك ويزيد نجاحك شاورتله دا اللى بتقولهولى كل مرة لكن احساسى انك بتقوله حاجة تانى قالها اخاف اقولك اجرحك شاورتله وحلفته بقلبه وبقلبها يقولها قالها عاللى جواه وهو حابس دموعه بالعافية شاورتله وقالتله اقولك على حاجة بس توعدنى انها ماتغيرش حاجة من ملازمتك ليا ف محاضراتى وفكل الشغل اللى بتعملوا معايا قالها اوعدك شاروتله يحلفلها بقلبه حلفلها بقلبه . فتحت بقها وقالت بصوتها وقالت انا بقالى خمس سنين باسمع وباتكلم . باباها اتلغبط فى مشاعره دموعه غرقت ابتسامته حضنها جامد .. وقالها صح ايوة صح .. زى ما عالجتى الالوف بعلمك كان لازم تعالجى نفسك ضحكت وقالتله ماينفعش الموضوع كان لازم يتحل وانا طفلة انا اللى عالجنى صلاتك .. قوة ايمانك اصرارك وخناقك مع ربنا والحاحك عاللى انت عاوزه . قالها وليه مافرحتنيش من ساعتها قالتله علشان لو قولتلك هاتسيبنى ادى محاضرات لوحدى وانا اتعودت ان انت تكون صوتى هاتبطل تطلب من ربنا بقوة وانا اول حاجة سمعتها وكل يوم باسمعها نغمة صلاتك .. وقوة طلبك . حضنته جامد وقالتله هانكمل زى ما احنا قالها .. لأ طبعا .. الناس كلها لازم تعرف المعجزة دى قالتله انت حلفتلى بقلبك وبعدين اللى انا محققاه بيك هو اكبر معجزة وانا مش عاوزة حد يسمع صوتى غيرك انا بس قولتلك علشان اعرفك ان زى ما تعب السنين لقيته فيا برضه صلوات سنين ماراحتش عالفاضى . . استجاب الاب لرغبة بنته وكملوا مشوارهم . . ربنا مد فى عمره لحد ما كمل سن التسعين . وهو على سرير الموت اخر كلمة قالهالها انا هاسيبك انتى عارفة ان انا عمرى ما سبتك بس المرادى غصب عنى وصيتى ليكى .. لازم تقولى للعالم كله قصة معجزتك باس ايديها وكان اخر نفس قالتله .. حاضر اوعدك انى هاقول للناس ان انت اعظم اب 
|
|
#2
29 - 06 - 2017, 09:47 AM
|
||||
|
||||
|
اوعدك انى هاقول للناس ان انت اعظم اب
ربنا يفرح قلبك يا رينا
|
|
#3
29 - 06 - 2017, 11:37 AM
|
||||
|
||||
|
وصيتى ليكى .. لازم تقولى للعالم كله قصة معجزتك
باس ايديها وكان اخر نفس قالتله .. حاضر اوعدك انى هاقول للناس ان انت اعظم اب رووووووووووعة حببتي ربنا يفرح قلبك
|
|
#4
29 - 06 - 2017, 11:54 AM
|
||||
|
||||
|
اوعدك انى هاقول للناس ان انت اعظم اب
ميرسي على القصة الجميلة
|
|
#5
29 - 06 - 2017, 07:25 PM
|
||||
|
||||
|
ميرسى لمروركم الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| الصلاه سحر | walaa farouk | كلمة الله تتعامل مع مشاعرك | 0 | 15 - 10 - 2021 08:58 PM |
| قوة الصلاه | walaa farouk | أقوال الأباء وكلمة منفعة | 2 | 13 - 01 - 2019 06:20 PM |
| الصلاه | Rena Jesus | أقوال الأباء وكلمة منفعة | 5 | 17 - 06 - 2016 06:40 PM |
| قوة الصلاه | sama smsma | قسم المواضيع المسيحية المتنوعة | 0 | 03 - 11 - 2015 04:39 PM |
| ما هي الصلاه | Mary Naeem | كلمة الله تتعامل مع مشاعرك | 2 | 06 - 06 - 2012 08:57 PM |
العرض العادي
