عمرك حسيت أنك في المكان الغلط أو الزمان الغلط ؟؟

[Rena Jesus]

( لا أستطيع تخليص نفسي من الشعور بأنني لست في المكان المناسب ) ..
كافكا

عمرك حسيت أنك في المكان الغلط أو الزمان الغلط ؟؟
حسيت فجأه أن لا مش هي ديه الحياة المناسبة ليا أو أن الطريق اللي انا ماشي فيه ده مش بتاعي ؟!! ..
يؤسفني أقولك أن شعورك بالموضوع ده مش شعور فردي او حاجة مميزة ليك انتا بس ..
أنما ده شعور عام بيمر بيه ملاين البشر علي مدار التاريخ ..
بيمروا بالـ nodus tollens

الـ nodus tollens
كلمة مستحدثة علي اللغة عشان توصف شعور الفرد بالغرابة تجاه خطة حياته الغير منطقية ،
اللي فجأة بقت بالنسبة له ملهاش اي معني ،
زي كتاب فجأة أحداثة مبقتش متركبة علي بعض ..
البداية أتحولت لنهاية و النهاية جت علطول بعد البداية .. و الموضوع اللي بينهم لا يمكن يبقي منطقي ! ..

فالـ nodus tollens ببساطة هي وقفة بيلجأ ليها الشخص عشان يحاول يستوعب مجري كتاب حياته....
بس الحقيقة إن المفاجأة عمرها ما كانت في سطور الحياة ..
فحياة بطبعها خليط لامنطقي من التفاعلات ..
إنما المفاجأه في الإنسان .. اللي مرة واحدة قرر أنه يقرا ...

كبشر بنعيش الحياة وسط المشاغل و الضغوطات .. زحمة المسؤوليات و عك المجتمع ..
مفيش اي وقت او مقدرة للتأمل في حياتنا او حتي التركيز في المعني الحقيقي لوجدنا ..
زي ما الأحداث بتودينا بنروح من غير تفكير أو تحليل ..
بس القصة بتبدأ مع أول رغبة للإنسان للفهم !! ..
او زي ما بيقول المفكر"زياد عوض " :
يظل الإنسان بحال طيبة، إلى أن تتملكه رغبة ملحّة في الفهم ..!

فلو عاوز تحمي نفسك من ألم الـnodus tollens أو إرهاق الشعور باللامعني أنزع نفسك من اي محيط يدفعك للفكر ..
عاوز متمرمش بأحساس ضياع الهدف أو التيه في الحطة توقف عن اي محاولة للتعمق في الوجود الإنساني ..
عاوز تعيش حياة منطقية مقبولة بالنسبة لعقلك و متناسقة لإستنجانات فكرك تجنب اي محاولة للفهم ...
.. ساعتها حتكشف دايما أنك في المكان و التوقيت و الوضع المناسب ..
ساعتها حتدرك أنك ماشي حسب الخطة

[walaa farouk]

عاوز تعيش حياة منطقية مقبولة بالنسبة لعقلك و متناسقة لإستنجانات فكرك تجنب اي محاولة للفهم ...

ميرسى على مشاركتك الجميلة رينا

[Mary Naeem]

.. ساعتها حتكشف دايما أنك في المكان و التوقيت و الوضع المناسب ..
ساعتها حتدرك أنك ماشي حسب الخطة

في منتهى الجمال يا قمر
ربنا يباركك

[Rena Jesus]

ميرسى لمروركم الغالى

[Haia]

أعتقد هنا عدم التفكير يقصد به التفكير السلبى فقط
لأنه من أهم مميزات الأنسان هو التفكير الذى يؤدى إلى التطور .

[shery jesus]

انا مش فاهمة اوى يعنى ايه يا رينا ..((عاوز تعيش حياة منطقية مقبولة بالنسبة لعقلك و متناسقة لإستنجانات فكرك تجنب اي محاولة للفهم .))..
اتجنب الفهم ازااى ؟؟؟ ...الموضوع رائع وايجابى بس فى حاجات مش فاهمة يا رينا .��

[Rena Jesus]

بالظبط كده يا هيا وده المقصود من المقال ياشيرى

ميرسى لمروركم الغالى