ﺭﺍﺣﺖ ﻟﺼﺎﺣﺐ ﻧﺼﻴﺒﻬﺎ "!

[Rena Jesus]

ﻓﻲ ﻳﻮﻡ ﻣﻦ ﺍﻻﻳﺎﻡ ﻓﻲ راكب ﺍﺩﺍﻧﻲ ٥ ﺟﻨﻴﻪ ﻣﻘﻄﻌﺔ ﻭﻗﺪﻳﻤﺔ اوووي ،
ﺍﻟﻠﻪ ﻳﺴﺎﻣﺤﻪ ﺍﻟﻠﻲ ﻟﺒّﺴﻬﺎﻟﻲ ﺑﻘﻰ، ﺣﺎﻭﻟﺖ ﺃﺧﻠﺺ ﻣﻨﻬﺎ ﻛﺘﻴﺮ ﻭﻣﻌﺮﻓﺘﺶ، ﻛُﻞ ﻣﺎ ﺃﻗﻒ ﻋﻨﺪ ﻛُﺸﻚ ﺃﺟﻴﺐ
ﺣﺎﺟﺔ ﺍﻟﻠﻲ ﻭﺍﻗﻒ ﻳﻘﻮﻟﻲ " ﺷﻮﻓﻠﻲ ٥ ﺟﻨﻴﻪ ﻏﻴﺮ ﺩﻱ " ، ﻛُﻞ ﻣﺎ ﺃﺭ، بقيت ازنقها بين الفلوس بردو بتتقفش ﺣﺘﻰ ﻣﺤﻄﺎﺕ
ﺍﻟﺒﻨﺰﻳﻦ ﺍﻟﻠﻲ ﺑﻴﺎﺧﺪﻭﺍ ﺃﻱ ﻓﻠﻮﺱ ﻣﺮﺿﻴﻮﺵ ﻳﺎﺧﺪﻭﻫﺎ، ﻟﺪﺭﺟﺔ ﺇﻧﻲ ﻑ ﻣﺮﺓ ﺣﺎﻭﻟﺖ ﺃﺩﻳﻬﺎ ل بنت اختي ﻓﺒﺼت ﻠﻲ ﺑﺼﺔ. رخمه ﺃﻭﻱ ﻑ ﺍﺩﻳﺘﻪا ﻏﻴﺮﻫﺎ ﻭﻓﻀﻠﺖ ﺃﻧﺎ ﻻﺑﺲ ﻓﻴﻬﺎ..
ﺍﻗﺘﻨﻌﺖ ﺇﻧﻲ ﺧﻼﺹ ﻣﺶ ﻫﻌﺮﻑ ﺃﺧﻠﺺ ﻣﻨﻬﺎ، ﻭﺑﻄﻠﺖ ﺃﺣﺎﻭﻝ ﺃﺻﺮﻓﻬﺎ، ﻓﻀﻠﺖ ﺷﺎﻳﻠﻬﺎ ﻑ ﺍﻟﻤﺤﻔﻈﺔ ﻭﺃﻧﺎ ﻣﺶ ﻣﻌﺘﺒﺮﻫﺎ ﻓﻠﻮﺱ، ﻣُﺠﺮﺩ ﻭﺭﻗﺔ ﻑ ﺍﻟﻤﺤﻔﻈﺔ ﻭﺧﻼﺹ، ﻓﻠﻮﺱ ﺗﺮﻭﺡ ﻭﻓﻠﻮﺱ ﺗﻴﺠﻲ، ﻓﻠﻮﺱ ﻋﻴﺪﻳﺔ ﻭﺃﻭﻝ ﻣﺮﺗﺐ ﻭﺃﻭﻝ ﺗﻴﺒﺲ، ﻓﻠﻮﺱ ﺣﻮّﺷﺘﻬﺎ ﻭﺟﺒﺖ ﺑﻴﻬﺎ ﻣﻮﺑﺎﻳﻞ ﻭﻓﻠﻮﺱ ﻭﻗﻌﺖ ﻣﻨﻲ ﻭﺍﺗﺤﺴﺮﺕ ﻋﻠﻴﻬﺎ، ﻛُﻞ ﺩﻩ ﻭﻫﻲّ ﺯﻱ ﻣﺎ ﻫﻲّ، ﻣﻜﺎﻧﻬﺎ ﺛﺎﺑﺖ ﻣﺒﻴﺘﻐﻴﺮﺵ، ﻋُﻤﺮﻫﺎ ﻣﺎ ﺣﺴﺴﺘﻨﻲ ﺇﻥ ﻣﺤﻔﻈﺘﻲ ﻓﺎﺿﻴﺔ، ﺣﺘﻰ ﻟﻮ ﻓﻠﻮﺳﻲ ﻛُﻠﻬﺎ ﺧﻠﺼﺖ ﻛُﻨﺖ ﺩﺍﻳﻤًﺎ ﻫﻼﻗﻲ ﺍﻝ ٥ ﺟﻨﻴﻪ ﺍﻟﻘﺪﻳﻤﺔ ﺑﺘﺎﻋﺘﻲ ﻗﺎﻋﺪﺓ ﺟﻮﻩ ﻭﻣﺮﺑﻌﺔ، ﺩﺍﻳﻤًﺎ ﻣﻮﺟﻮﺩﺓ ..
ﻟﺤﺪ ﻣﺎ ﻣﻦ ﻓﺘﺮﺓ ﻛُﻨﺖ ﻣﻌﺪّﻱ ﻋﻠﻰ ﻛُﺸﻚ، ﺻﺎﺣﺒﻪ ﻭﺍﺣﺪ ﻣﻌﺮﻓﺔ، ﻭﻛﺎﻥ ﻧﻔﺴﻲ ﻑ ﻛﻴﺲ ﺍﻟﺸﻴﺘﻮﺱ ﺃﺑﻮ ٥ ﺟﻨﻴﻪ، ﺧﺪﺕ ﻭﺍﺣﺪ ﻭﺭُﺣﺖ ﺃﺣﺎﺳﺒﻪ، ﻭﻣﻜﻨﺶ ﻣﻌﺎﻳﺎ ﻏﻴﺮ ٢٠٠ ﺟﻨﻴﻪ، ﻭﻫﻮ ﻣﻜﺎﻧﺶ ﻣﻌﺎﻩ ﻓﻜﺔ، ﻭﺑﻌﺪ ﻛﺜﻴﺮ ﻣﻦ ﺍﻝ " ﺧﻠﻴﻬﺎ ﻋﻠﻴﻨﺎ ﺍﻟﻤﺮﺍﺩﻱ " ﻭ " ﺍﻟﻤﻜﺎﻥ ﻣﻜﺎﻧﻚ " ﻭﺑﺘﺎﻉ، ﺿﺮﺏ ﻋﻴﻨﻪ ﻑ ﺍﻟﻤﺤﻔﻈﺔ ﺷﺎﻑ ﺍﻝ ٥ ﺟﻨﻴﻪ ﺑﺘﺎﻋﺘﻲ، ﻗﺎﻟﻲ " ﻣﺎ ﺍﻧﺖ ﻣﻌﺎﻙ ٥ ﺟﻨﻴﻪ ﺃﻫﻲ ﻣﺎ ﺗﺠﻴﺒﻬﺎ " ، ﻃﻠﻌﺘﻬﺎ ﻭﺭﻳﺘﻬﺎﻟﻪ ﻭﻗﻠﺘﻠﻪ ﺑﺴﺨﺮﻳﺔ " ﻣﺶ ﻫﺘﻨﻔﻌﻚ ﺩﻱ ﺧﺎﻟﺺ ﺻﺪﻗﻨﻲ، ﻣﺶ ﻫﺘﻌﺮﻑ ﺗﺼﺮﻓﻬﺎ،
ﻟﻘﻴﺘﻪ ﺭﺍﺡ ﺿﺎﺣﻚ ﻭﻗﺎﻡ ﻗﺎﻟﻲ "ﻫﺎﺗﻬﺎ ﻭﻣﻠﻜﺶ ﺩﻋﻮﺓ .." ﻭﻫﻮ ﺑﻴﻤﺪ ﺇﻳﺪﻩ ﻋﺸﺎﻥ ﻳﺎﺧﺪﻫﺎ ﻟﻘﻴﺘﻨﻲ ﻑ ﺭﺩ ﻓﻌﻞ ﻏﺮﻳﺐ ﻣﻨﻲ ﺑﺮﺟﻊ ﺇﻳﺪﻱ ﻟﻮﺭﺍ ﻭﺑﺘﺒّﺖ ﻉ ﺍﻝ ٥ ﺟﻨﻴﻪ ﻑ ﺇﻳﺪﻱ ﺃﻛﺘﺮ !! ﺍﺳﺘﻐﺮﺑﺖ ﺭﺩﺓ ﻓﻌﻠﻲ ﺩﻱ ﺃﻭﻱ، ﻫﻮ ﺃﻧﺎ ﻣﺶ ﻋﺎﻳﺰ ﺃﺩﻳﻬﺎﻟﻪ ﻭﻻ ﺇﻳﻪ؟ ! ﻣﺶ ﺩﻱ ﺍﻝ ٥ ﺟﻨﻴﻪ ﺍﻟﻠﻲ ﻛُﻨﺖ ﻫﻤﻮﺕ ﻭﺃﺧﻠﺺ ﻣﻨﻬﺎ ؟ ! ﻣﺶ ﺩﻱ ﺍﻝ ٥ ﺟﻨﻴﻪ ﺍﻟﻤﻘﻄﻌﺔ ﺍﻟﻤﻠﺰﻗﺔ ﺍﻟﻠﻲ ﺣﺎﻟﺘﻬﺎ ﺑﺎﻟﺒﻼ ؟ ! ﻟﻴﻪ ﻫﺎﻳﻦ ﻋﻠﻴّﺎ ﺇﻧﻲ ﺃﺩﻳﻬﺎﻟﻪ ﺃﻭﻱ ﻛﺪﻩ ؟ !
ﻟﻴﻪ ﺣﺎﺳﺲ ﺇﻧﻲ ﻣﺶ ﻋﺎﻳﺰ ﺃﺩﻳﻬﺎﻟﻪ !! ﺍﺳﺘﻌﺒﻄﺖ ﻧﻔﺴﻲ ﺃﻭﻱ ﻑ ﻟﺤﻈﺘﻬﺎ، ﻭﺍﺑﺘﺴﻤﺖ ﻭﺍﺩﻳﺘﻬﺎﻟﻪ ﻭﺧﺪﺕ ﻛﻴﺲ ﺍﻟﺸﻴﺘﻮﺱ ﻭﻣﺸﻴﺖ، ﺗﺎﻧﻲ ﻳﻮﻡ ﻭﺃﻧﺎ ﻧﺎﺯﻝ ﺑﻔﺘﺢ ﺍﻟﻤﺤﻔﻈﺔ ﻋﺸﺎﻥ ﺃﺣﻂ ﻓﻴﻬﺎ رخصتي ﻣﻠﻘﺘﺶ ﺍﻝ ٥ ﺟﻨﻴﻪ، ﺍﺗﺨﻀﻴﺖ ﻭﻗﻠﺒﻲ ﺍﺗﻘﺒﺾ، ﺍﻓﺘﻜﺮﺗﻬﺎ ﻭﻗﻌﺖ ﻣﻨﻲ، ﻭﺑﻌﺪﻳﻦ ﺍﻓﺘﻜﺮﺕ ﺇﻧﻲ ﺻﺮﻓﺘﻬﺎ ﺍﻣﺒﺎﺭﺡ ﻭﻛُﻨﺖ ﻧﺎﺳﻲ، ﻭﺇﻧﻲ ﻣﺶ ﻫﺸﻮﻓﻬﺎ ﻑ ﻣﺤﻔﻈﺘﻲ ﺗﺎﻧﻲ، ﻭﺣﺴﻴﺖ ﺳﺎﻋﺘﻬﺎ ﺇﻧﻲ ﺯﻋﻼﻥ ..

ﺻﺪﻗﻴﻨﻲ ﺃﻧﺎ ﻋﺎﺭﻑ ﺇﻥ ﺇﺣﻨﺎ ﻣﺶ ﻣُﻨﺎﺳﺒﻴﻦ ﻟﺒﻌﺾ، ﻋﻴﻮﺑﻚ ﻛﺘﻴﺮ ﻭﻋﻴﻮﺑﻲ ﺃﻛﺘﺮ، ﻭﻣﻜﻨﺎﺵ ﻣﺴﺘﺤﻤﻠﻴﻦ ﺑﻌﺾ ﺃﺳﺎﺳًﺎ،
ﺑﺲ ﺩﻩ ﻣﻴﻤﻨﻌﺶ ﺇﻧﻲ ﻛُﻞ ﻓﺘﺮﺓ ﺑﻔﺘﺢ ﻗﻠﺒﻲ .. ﺃﻗﺼﺪ " ﻣﺤﻔﻈﺘﻲ " ﻭﺃﺩﻭّﺭ ﻋﻠﻴﻜﻲ ﺟﻮﺍﻫﺎ، ﺩﻩ ﻣﻴﻤﻨﻌﺶ ﺇﻧﻲ ﻛُﻞ ﻣﺎ ﺑﺸﻮﻑ ﻭﺍﺣﺪﺓ ﺷﺒﻬﻚ ﺑﺒﺘﺴﻢ ﻭﺃﻓﺘﻜﺮﻙ ﻭﺍﻧﺘﻲ ﺑﺘﻄﻠّﻌﻲ ﻋﻴﻨﻲ ﻛُﻞ ﻳﻮﻡ، ﻣُﻤﻜﻦ ﺃﻛﻮﻥ ﺍﺗﺨﻠﻴﺖ ﻋﻨّﻚ،
ﺣﻘﻴﻘﻲ ﻣُﻤﻜﻦ ﺃﺑﻘﻰ ﻣﺶ ﻋﺎﻳﺰﻙ ﺗﺮﺟﻌﻴﻠﻲ، ﺑﺲ ﺩﻩ ﻣﻴﻤﻨﻌﺶ ﺇﻧﻚ ﺑﺘﻮﺣﺸﻴﻨﻲ، ﻭﺇﻧﻲ ﻣﻦ ﺣﻘﻲ ﺃﺣﻦ ﻛُﻞ ﻓﺘﺮﺓ ﻭﺃﻓﺘﻜﺮﻙ، ﻭﺇﻧﻲ ﺣﻘﻴﻘﻲ ﻧﻔﺴﻲ ﺃﻃﻤّﻦ ﻋﻠﻴﻜﻲ، ﻷ ﺃﻧﺎ ﻓﻌﻠًﺎ ﻫﻄﻤّﻦ ﻋﻠﻴﻜﻲ ..
ﻋﺪﻳﺖ ﻣﻦ ﻳﻮﻣﻴﻦ ﻋﻠﻰ ﺻﺎﺣﺐ ﺍﻟﻜﺸﻚ ﺇﻳﺎﻩ ﻭﺍﺷﺘﺮﻳﺖ ﻣﻨﻪ ﺣﺎﺟﺔ ﻭﺍﻟﻜﻼﻡ ﺟﺎﺏ ﻛﻼﻡ، ﻭﺑﻌﺪﻳﻦ ﻗﻠﺘﻠﻪ " ﻓﺎﻛﺮ ﺍﻝ ٥ ﺟﻨﻴﻪ ﺍﻟﻤﻘﻄﻌﺔ ﺍﻟﻠﻲ ﺍﺩﻳﺘﻬﺎﻟﻚ ﻣﻦ ﻛﺎﻡ ﺷﻬﺮ؟ ! ﻗﻮﻟﻲ ﻫﻲّ ..ﻫﻲّ ﻟﺴﺔ ﻣﻌﺎﻙ ؟ !
ﺭﺩ ﻭﻗﺎﻟﻲ " ﻳﺎﺍﺍﻩ ، ﻣﻌﻘﻮﻝ ﻟﺴﺔ ﻓﺎﻛﺮﻫﺎ؟ ! ﻳﺎ ﺭﻳّﺲ ﺍﻧﺴﺎﻫﺎ ﺧﻼﺹ، ﺩﻱ ﺭﺍﺣﺖ ﻟﺼﺎﺣﺐ ﻧﺼﻴﺒﻬﺎ "!
ﺍﺑﺘﺴﻤﺖ ﻏﺼﺐ ﻋﻨﻲ، ﻭﺑﻌﺪﻳﻦ ﻗﻠﺘﻠﻪ " العشرة بقي والذكريات

ناس كتير بنبقي فاكرينهم من كتر التعود اننا ممكن نستغني عنهم .. وفعلا بنقدر نستغني ونبعد . فجأه ايه ده هما فين حياتنا ناقصة من غيرهم ليه. . بس لا احنا اتعودنا عليهم وبعدهم هيفرق احنا الي عبط وكتر قرب الحاجة مننا بيخلينا نفكر ان ممكن نستغني عنها عادي
ومع اولا اختيار ل الفراق بنجيب ورا ونفهم انها ليها دور ف حياتنا ودور جامـد كمان احنا ضعاف بزيادة

[walaa farouk]

ومع اولا اختيار ل الفراق بنجيب ورا ونفهم انها ليها دور ف حياتنا ودور جامـد كمان احنا ضعاف بزيادة

ميرسي على مشاركتك الجميلة رينا

[shery jesus]

جمييييييلة اووووى اووووى ..كلمات حقيقية جدااا

[Mary Naeem]

ومع اولا اختيار ل الفراق بنجيب ورا ونفهم انها ليها دور ف حياتنا ودور جامـد كمان احنا ضعاف بزيادة
ربنا يباركك

[Rena Jesus]

ميرسى لمروركم الغالى