|
 |
 |
 |
|
رقم المشاركة : ( 1 )
14 - 06 - 2017, 09:49 AM
|
|||||||||||
|
|||||||||||
|
بص يا سيدي 👀 و انت رايح تتقدم لواحده عدت ال ٢٦ او ٢٧ سنه حط في دماغك الشوية الحاجات و المحتاجات البسيطه دي 😎 : ١- شيل من دماغك خااااااالص فكرة انها حصلت على لقب (عانس) فهتتنازل عشان خاطر تتجوز و تزول اللعنه عنها لا خالص يا فندم هي بتكون مدركة تماما ان لقب عانس النهارده أفضل من لقب مطلقه و معاه طفل او طفلين هديه على كم عقده نفسيه بكره 😊 ٢- فكرة الجواز بالنسبة ليها بتتحول من السفر و الفسح و فستان الفرح و الحب الابدي العظيم لفكرة البيت الي هيتنضف و قرف الحمل و الولاده و الولاد الي هيتربوا و مصروف البيت الي مش بيقضي و حريتها الي يتفقدها تماما ( ده لان فيه خمسه سته من صحابها اتجوزوا قبلها و عرفوها الحقيقيه المره ) 🙄 ٣- فكرة الخلفه و الاولاد و هنسمي ولادنا ايه و هيكون عندنا كام طفل و جو لما نعيش في تبات و نبات ده مش هتلاقيه عندها اصلااااااا 😂 لانها فعليا شافت صحابها في الحمل و الولاده و شافت كام خروجه باظت بسبب عيل زنان شبطان في بالونه زرقا طارت و ذهبت مع الريح و هو متنح و مش عايز غيرها و كام واحده منامتش بقالها سنتين بسبب ان ابنها بينام الصبح و يصحى بالليل 😔😴💤 ٤- كلمة بحبك ❤️ لما بتتقالها بتكون بالنسبة ليها كلمه مرعبه 😂 اه و حياة ربنا حتى لو جاملتك و قالتلك و انا كمان 😍 في الغالب الفكره الي بتيجي في دماغها في وقتها يعني ايه بتحبني 😳 ٥- كلامك معاها عن السفر و الفسح و الخروجات في الغالب بيكون يا اما مش مهم لانها في الغالب هتكون سافرت الأماكن الي حضرتك بتتكلم عنها او بتكون على يقين ان كل كلامك مقتبس من كتاب مسيلمه الكذاب و انك بتشتغلها اه و ربنا زي ما بقلك كده 😄 ٦- في الغالب بتكون نزلت و اشتغلت و اتعاملت مع ناس كتير و عندها خبره و فراسه و كمان مستقله ماديا و بتقدر توفر لنفسها كل الي هي عيزاه يعني من الاخر مش هتعرف تضحك عليها بهديه غاليه لانها في الغالب هتعرف تشتري الي هي عيزاه بنفسها 💵💵 مشكلة اغلب الناس في السن ده انهم بيكونوا عاملين زي الي بيلعب شطرنج من زمان و شاطر اوي في اللعبه 👌🏻 بيكونوا حاسبين عالاقل ٤ خطوات لقدام و حاطين اكتر من خطه للموضوع 🙂 عقلهم الي بيكون مسيطر عليهم مش قلبهم ... من الاخر كده لو واحده فوق ال ٢٥ سنه حبتك بجد ❤️ يبقى اكيد انت حد مش موجود في الوجود لأنك هتكون مريت باختبارات كتييييير و عقلها اختارك قبل قلبها 😊 
|
|
14 - 06 - 2017, 01:23 PM
|
رقم المشاركة : ( 2 ) | ||||
|
† Admin Woman †
|
رد: لو فكرت تتجوز
يبقى اكيد انت حد مش موجود في الوجود لأنك هتكون مريت باختبارات كتييييير و عقلها اختارك قبل قلبها ربنا يفرح قلبك |
||||
|
|
|
14 - 06 - 2017, 08:22 PM
|
رقم المشاركة : ( 3 ) | ||||
|
..::| الإدارة العامة |::..
|
رد: لو فكرت تتجوز
ميرسى كتير على مرورك الغالى مرمر   |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| لو جاي عشان تتجوز |
| عايز تتجوز بنت؟؟ |
| لما تتجوز |
| بالصورة فكرة جديدة لتخفي ذهبك وفلوسك جوه الشقة علشان متتسرقش فكرة غريبة |
| فكرة الساعة المنبهة _ فكرة مفيدة خالص لتعليم الطفل المسئولية |
العرض العادي
