عايز تعيشها صح

[walaa farouk]

#عزيزي الزوج #!

عايز تعيشها صح ..

*ماتخليش بيتك لوكانده تأكل وتشرب وتستريح فيه وبس ..

& ادي وقت مخصوص لمراتك. ..ووقت مخصوص لولادك. .ووقت تاني لكل ابن من ابناءك لوحده ..احكي معاهم...صلي معاهم ..اضحك معاهم ..شجعهم. .اسال علي يومهم ....دلعهم. .متعهم بيك خليهم يفتخروا بيك ويفرحوا بوجودك ..وتفرح بلمتهم حواليك. ..

& أتعامل مع مراتك معامله الملكات ..هي ملكه البيت ..اديها النصيب الأكبر من الاهتمام والحب ..الاحتواء..الرعاية ..الولاء. .الإخلاص ...
اتكلم معاها كل يوم ..مش لازم يكون فيه موضوع بعينه عشان تتكلموا. .اطمن عليها وعلي يومها. وعلي صحتها ..أسأل عليها وانت بره البيت بمكالمة تليفون .دقيقه. بس قيمتها عندها تساوي كتير ...وانت راجع كلمها تاني لو محتاجه حاجه من بره تجيبها. ..مش ها تتعطل كتير ومش ها تخسر ..بالعكس ها تكسب كتير ..وهاتحبك اكتر واكتر وتزيد في نظرها ...ويزيد احترامها ووفاءها ليك كزوج. ..

&وانت جوة البيت .مفيش داعي تشخط وتعلي صوتك وتعاقب عمال علي بطال ..وهمومك ومشاكلك بره هما مالهمش زنب فيها ..اركنها بره الباب وانت داخل. ..

& حط نظام انت ومراتك والبيت كله يلتزم بيه وانت أولهم ..
نظام روحي كامل ..قواعد ...مباديء. ...عادات ايجابيه. ..

&ما تنساش انك آب ..والأبوة دي مسؤليه كبيره.. وماتنساش برضو انك مصدر الأمان الرسمى للبيت ..!!

& ولما تكون مضغوط اوي وعايز تحكى ..احكي معاهم. .هما سندك. .وأهل بيتك. .علمهم انهم يحكوا. .مفيهاش حاجه ..

& ما تقارنش مراتك باي حد تاني ..أيا كانت هي مين ..هي وبس ...مالهاش مثيل عندك ..دي اللي انت اخترتها من بين البنات. ..فاكر !!!!!
ولو فيه حاجه مش عاجباك فيها ..قولهالها بمحبه ورقه وذوق وإنسانيه. ..مش بتهكم وسخريه وتريقه. ..ها تسمعك لو عملت كده ...

جرب كده ..وشوف النتيجه! !!

[sama smsma]

نصائح مفيدة ربنا يفرح قلبك

[walaa farouk]

ميرسى لمروك الغالى سمسمة

[Mary Naeem]

ولو فيه حاجه مش عاجباك فيها ..قولهالها بمحبه ورقه وذوق وإنسانيه. ..مش بتهكم وسخريه وتريقه. ..ها تسمعك لو عملت كده ...

[walaa farouk]

ميرسى على مرورك الغالى