|
 |
 |
 |
|
رقم المشاركة : ( 1 )
05 - 06 - 2017, 07:52 AM
|
|||||||||||
|
|||||||||||
 جواز الصالونات .. فى بدايته اختيار " عشوائى " معتمد على الصدفة او معتمد على الشكل او معتمد على السمعة او معتمد على " الحاجة " بحسب السن او بحسب الغريزة ... معتمد على التناسق فى خطوط عريضة واضحة من خلال " وسيط " فى الاغلب على المستويات المادية والاجتماعية ما بين الاسرتين ... ولو حصل قبول فالاهالى بيراهنوا على ظهور العاطفة من خلال " العشرة " و " التفاهم " المتوقع من تناسق الخطوط العريضة .. بغض النظر عن العدد " المناسب " للمقابلات عشان نحكم على القبول فى وجهة النظر القابلة للارتباط عن طريق الصالونات فبعد حدوث القبول بيتم الاتفاق على " العقد التجارى " للارتباط ما بين الاسرتين .... ولازم مهما كان القبول يحصل الاتفاق على بنود العقد ما بين الاسرتين والا ....  جواز الحب ... فى بدايته قلبك بيفرض عليك " شخص " .. بتلاقى قلبك بيدور عليه .. من غير سبب مفهوم ومن غير سبب محدد الجاذبية بتزيد بشكل طردى مهما ظهرت عيوب او اختلافات بتلاقى قلبك بيقبل وبيستوعب لحد ما عقلك يقتنع بقرار فرض الحب من القلب ... الوسيط الوحيد اللى بيحتاجه هو " الطرف التانى بيحبك ولا لا " ... التناسق فى حالة جواز الحب معتمد على صدق المشاعر وحقيقة نضج الطرفين فى المسئولية عن المشاعر دى .. لكن مهما كانت درجة الحب وصدقها وقوتها برضة بيحصل التدخل " التجارى " فى توقيع العقد على قصة الحب ولازم يحصل اتفاق على بنود العقد ما بين الاسرتين والا ..... يبقى المعضلة مش فى مسميات جواز صالونات وجواز حب ... المعضلة فى وجود لسه فئة من المجتمع بتشوه حاجات كتيرة حلوة فى حياتنا ... بتشوه الحب وبتعتبره جريمة فى حق المجتمع او دعوة صريحة للرذيلة فى مجتمعنا المتدين بطبعه .. كأن البنت تحديدا او الولد لما يحبوا يبقوا ارتكبوا " الحرام " علنا وتستحق مشاعرهم الرجم ... المعضلة فى وجود ناس مش بتقدر المشاعر وبتعتبر المشاعر حواديت بدون جدية وبدون مسئولية وبدون نضج وبدون تقدير لقيمة الحب كاقدس واجمل شعور على الكوكب ربنا وهبه لقلوبنا عشان نمارسه بصدق وبمسئولية ناحية الاخر عشان نكمل بعض ... المعضلة فى اللى بيتسلوا بمشاعرهم وبمشاعر غيرهم ومكونش قد المسئولية وقد الامانة على مشاعر غيرهم فساهموا فى الترويج للخوف من الحب او لاعتبار ان الحب " عيب " .... المعضلة فى الحواجز المادية والنفسية والاجتماعية اللى بيحطها البعض من الاهالى للارتباط وكأن الارتباط مبنى على " الجيوب " قبل " القلوب ... وكأن الارتباط مبنى على " جاهزية الشقة " اكتر من " جاهزية القلب " ... المعضلة فى اصحاب التجارب الفاشلة فى حياتهم الشخصية اللى بيروجوا لفشلهم فى اعتباره قاعدة عامة للكل والكل هيمشى فى نفس طريق فشلهم .... المعضلة فى الراجل اللى بيدخل بيت عشان " يتفرج " ويشوف هيشترى ولا لا ... المعضلة فى الراجل اللى بيوهم بنت بصدق مشاعره او ميبقاش " راجل " فى مشاعره ناحية بنت ويقرر بعد قصة حب ما بينهم يسيب البنت لاى مبررات مهما كانت فى نظره " حقيقية " فهى فى نظر الحب وقداسة المشاعر " تافهة " ... المعضلة فى اللى بيشوف عامل " فروق السن " له دور فى تحديد الحب والحب اصلا بيتقاس بعمر القلب فى معرفة الحب مش بعمر الشخص ... و عامل " السفر " مبرر للارتباط عن طريق الصالونات عشان مافيش وقت وكأنه نازل يشترى " عربية " باحسن امكانيات ممكنة بناء على الفلوس اللى معاه ... لو سمحت متشوهوش انسانيتكم اكتر من كدة .. متفسدوش مشاعركم اكتر من كدة .. متعرضوش قلوبكم ووزنة الحب اللى اوجدها ربنا فى قلوبكم للتشويه اكتر من كدة ... متخاطروش بسنين عمركم فى مراهنات اكتر من كدة ... ولبعض الاهالى ياريت متتحكموش فى مشاعر ولادكم ... قدموا ليهم جمال حبكم ليهم لكن متفروض عليهم افكاركم ... متحولوش مشاعرهم لارقام تافهة ومدوروش على الجاهز او على اللى يدفع اكتر ... متحكموش على حواديتهم اللى بتعكس مشاعرهم وافكارهم الخاصة وتفروضوا على حواديتهم انها تبقى شبهكم .... ببساطة ... ارتباط من غير الاتنين ما يشوفوا بعض من جواهم ... تمثيلة ... ارتباط من غير ما كل واحد يكون اتمشى كفاية فى قلب التانى وقبل اللى شافه ... تهريج .. ارتباط مبنى على غريزة او احتياج للجواز ... جنس ... ارتباط مبنى على " العين مش على " القلب " ... شهوة ... ارتباط مبنى على اساس الماديات والمستوى الاجتماعى ... تجارة ... ارتباط مبنى على فكرة " الحب بيجى بعد الجواز " ... مقامرة ... ارتباط من غير مشاعر حب صادقة من الطرفين ... .. فشل ... مشاعركم اعظم بكتير من انها تتوصف بالعك دة ... مشاعركم متستاهلش تتشوه ولا تتداس ولا تتمنع ولا تتقنن ولا يتخاطر بيها ... مشاعركم تستاهل الاحترام ... مشاعركم تستاهل النقاوة ... مشاعركم تستاهل الحب 
|
|
05 - 06 - 2017, 12:32 PM
|
رقم المشاركة : ( 2 ) | ||||
|
† Admin Woman †
|
رد: مشاعركم تستاهل الحب
مشاعركم تستاهل الاحترام ... مشاعركم تستاهل النقاوة ... مشاعركم تستاهل الحب صح يا قمر ربنا يباركك حببتي |
||||
|
|
|
08 - 06 - 2017, 08:40 AM
|
رقم المشاركة : ( 3 ) | ||||
|
..::| الاشراف العام |::..
|
رد: مشاعركم تستاهل الحب
ميرسى لمرورك الغالى
 |
||||
|
|
|
08 - 06 - 2017, 12:00 PM
|
رقم المشاركة : ( 4 ) | ||||
|
..::| الإدارة العامة |::..
|
رد: مشاعركم تستاهل الحب
مشاعركم اعظم بكتير من انها تتوصف بالعك دة ... مشاعركم متستاهلش تتشوه ولا تتداس ولا تتمنع ولا تتقنن ولا يتخاطر بيها ... مشاعركم تستاهل الاحترام ... مشاعركم تستاهل النقاوة ... مشاعركم تستاهل الحب صح يا رينا |
||||
|
|
|
11 - 06 - 2017, 08:46 AM
|
رقم المشاركة : ( 5 ) | ||||
|
..::| الاشراف العام |::..
|
رد: مشاعركم تستاهل الحب
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| أنت تستاهل تحس الحب |
| ويدفئ برد مشاعركم |
| شكرا للناس اللي فعلاً تستاهل كل الحب |
| أنت تستاهل كل الحب والتقدير |
| لا تكذبوا في مشاعركم |
العرض العادي
