زمان وانا صغير كنت بافكر زى معظم الاطفال انى لما اكبر واتجوز واخلف هاعامل ولادى بشكل مختلف خالص عن طريقة ابويا وامى.....يعنى عمرى ماهازعقلهم وهاديهم كل اللى يطلبوه ولو مش عاوزين يذاكروا مفيش داعى انى اضغط عليهم ولما يغلطوا مش ممكن هاعاقبهم.....لانى طبعا انا كان نفسي يكون الطريقة(الغلط) دى هى اللى يعاملونى بيها.....ونفس الكلام حصل لما كنت بابص للدكاترة قبل طبعا ما اتخرج من كلية الطب ان طريقتهم غلط ولما اتخرج هابقي حاجة تانى .....المهم انى بقيت اب وبقيت دكتور واكتشفت المثل اللى بيقول(اللى على البر عوام) يعنى اللى فى الموضوع نفسه غير اللى بيتفرج من برا ....بس اتعلمت انى لا ادعى انى لو كنت مكان حد كنت عملت احسن منه ......ليه؟ .....لانه هو جوة الموضوع وهناك مواقف تستلزم تصرف معين وفى خلفيات هو يعرفها انا لأ وانه كل واحد عنده خبرات فى مجاله بتخلي تصرفاته غير ما انت متوقع....واكتشفت ان الشد احيانا على بناتى تربية ...وبعض قرارات الخدمة اللى ممكن ماتعجبش الناس ضرورية لاستقامة الخدمة وهكذا......انها النظرة الموضوعية للامور ولعل هذا ما قصده الروح القدس على فم القديس يعقوب
لا تَكُونُوا مُعَلِّمِينَ كَثِيرِينَ يَا إِخْوَتِي، عَالِمِينَ أَنَّنَا نَأْخُذُ دَيْنُونَةً أَعْظَمَ!
٢لأَنَّنَا فِي أَشْيَاءَ كَثِيرَةٍ نَعْثُرُ جَمِيعُنَا
08 - 06 - 2017, 10:39 PM
رد: اللى على البر عوام
العرض العادي
