اخى .. صائم رمضان
.
.
اخوك المسيحى بيبذل فوق طاقته طاقتين تلاتة
علشان يراعى مشاعرك وانت صايم
.
مابياكلش قدامك ولا بيشرب
ولو عطش او جاع وهو معاك فى الشغل
لو ماعرفش ياكل او يشرب فى حتة متدارية
بيدوس على نفسه لحد ما يروح
مع انه مش مطالب بدا
.
دى علاقتك بربك هو مش طرف فيها
.
بيصوم حوالى تلتين السنة وانت مش واخد بالك
.
وعلى فكرة برضه صيام المسيحى ((( بدون اكل ولا شرب )))
بس الاغلبية منكم مش فاهمين هو بيصوم ازاى
ايوة صدقنى بيصوم من غير اكل ولا شرب
ولما بيفطر اخر النهار بيفطر على اكل صيامى
.
هو بيعمل كدة مش علشان خايف منك
ولا علشان هو اقليه فى دولة تحكمها ديانة تانية
ولا علشان اى حاجة فى الدنيا غير علشان ((( يراعى مشاعرك )))
.
مع ان ((( المعتدلين ))) تلاقيهم دايما يقولولهم
كلوا واشربوا براحتكم انتوا مالكمش دعوة
.
علشان كدة الحل فيكم انتوا يا ((( معتدلين ))) يا صناع الرحمة
.
لما تشوف واحد بيتأفف لما يشوف صليب على ايد واحد قوله عيب
.
لما تشوف واحد بيقول استغفر الله العظيم
بسبب شعر واحدة مكشوف
قوله حلو الاستغفار فى كل وقت
بس دى اختك فى الانسانية
انت ماشفتش شيطان
.
لما تلاقى واحد قال اللهم انى صايم لمجرد انه شاف دراع بنت لابسة بادى صيفى قوله مايصحش كدة
.
مفيش عقل يقول ان بنى ادم طبيعى يثيره شعر او دراع بنت
.
.
الحل فيك انت صدقنى يا ((( معتدل )))
لأنه مش هايقبل كلمه ولا اعتراض من اللى اتهان
لكن ممكن يقبل منك انت
او يقبل منكم انتوا يا ((( معتدلين ))) لما يلاقى ((( اجماع ))) على غلطه
.
.
وعلى رأى عمنا الجفرى #الانسانية_قبل_التدين
.
.
اخى .. صائم رمضان
.
كل سنة وانت طيب
ورمضان كريم
