لسه ماسك نفسى
لسه ماسك نفسى ..... تروح امنيتى !!!
هتيجى غيرها .
لسه ماسك نفسى ..... يجى الصعب !!! فى يهد !!!
الحل فى الطريق انا مستنيه .
لسه ماسك نفسى ..... تكسرنى الوحدة !!!
لسه الاحبة قريبين والدنيا لسه بخير .
لسه ماسك نفسى ..... مهزوزة فى الارادة !!!
نفسى اتغير , النعمة موجودة وربنا بيغير .
لسه ماسك نفسى ..... الدمعة بتجرى على الخد !!!
البسمة مستنية ارسمها وتبان على الوش .
لسه ماسك نفسى ..... الرجل تعبت من اللف والمشى !!!
راحة شوية وترجع زى الفهد .
لسه ماسك نفسى ..... حب انكسر وانتهى !!!
حب اعظم فى الطريق , متجه يسكن فى القلب .
لسه ماسك نفسى ..... فشل كسرلى الحلم !!!
بداية من جديد يرجع الحلم اقوى .
لسه ماسك نفسى ..... حقد سكن القلب !!!
لحظة صفا وصدق , يرجع الحب يسود .
لسه ماسك نفسى ولسه قوى
م / هانى صموئيل
