40 نصيحه لكل بنت بتفكر ف الارتباط

[walaa farouk]

40 نصيحه لكل بنت بتفكر ف الارتباط ..
1 _ متفكريش ترتبطي اصلآ .. اسمعي مني
2 _ لو مصممه يعني متدوريش ع الحب .. الحب بييجي لوحده
3 _ مترتبطيش علشان الناس عايزين يفرحوا بيكي ..
4 _ مترتبطيش علشان سنك بيكبر ..
5 _ ارتبطي علشان انتي عايزه تاخدي القرار ده .. علشان لقيتي اللي يستاهلك
6 _ متستعجليش وسيبي الموضوع ياخد وقته
7 _ لو عايزه ترتبطي عندآ ف صاحبتك اللي اتخطبت .. احسنلك بلاش .. كده كده صاحبتك هتفركش
8 _ اختاري بقلبك وبعقلك ..
9 _ صلي قبل ما تنوي .. واستأذني ربنا الأول
10 _ متبصيش ع المظاهر .. اللي بره مجرد قشره .. الرك ع اللي جوه
11 _ متتخدعيش ف البدايات الحلوه
12 _ متتخدعيش ف الكلام المعسول والوعود الوهميه
13 _ ف الأول هيقولك انا جنبك .. وانا معاكي .. وانا ف ضهرك .. و ممكن مع اول مشكله يسيبك ويخلع .. الحب الحقيقي هو اللي بيكمل
14 _ متقبليش بحد مش لاقيه نفسك معاه
15 _ متوافقيش علي حد قلبك مش عايزه
16 _ متصدقيش اللي يقولك الحب بييجي بعد الجواز .. لو محبتيش اللي هتتجوزيه متتجوزيش احسن
17 _ متصدقيش اللي يقولك البنت مالهاش الا بيت جوزها .. لأ ليها حياتها وشغلها واحلامها
18 _ متصدقيش اللي يقولك ضل راجل ولا ضل حيطه .. ساعات الحيطه بتبقي افيد بكتير
19 _ لو لسه خارجه من تجربه فاشله ادي لنفسك وقت علشان تحبي تاني .. ادي لقلبك بريك
20 _ اختاري اللي يكملك .. مش يكمل عليكي
21 _ اختاري اللي يقويكي .. مش يضعفك
22 _ اختاري اللي عيونك بتلمع لما بتشوفيه .. وقلبك بيرقص لما يكلمك
23 _ اختاري اللي عنده استعداد يحارب الدنيا علشانك
24 _ اختاري اللي روحك مرتحاله
25 _ اختاري اللي بيخاف عليكي .. مش بتخافي منه
26 _ اختاري اللي يشجعك ع النجاح والطموح .. مش اللي يقولك يا انا يا شغلك
27 _ اختاري اللي واثق فيكي وهو مغمض .. مش اللي بيشك ف ابوه لو كلمك
28 _ اختاري اللي ف حزنك فرحتك .. وف خوفك أمانك .. وف وجعك دوا
29 _ لو محتاره ما بين اتنين متختاريش حد منهم
30 _ متوافقيش علي واحد مبيعرفش يهتم بيكي
31 _ متوافقيش علي واحد عايز يحبسك ف البيت وكأنه اشتراكي بدبلته
32 _ متوافقيش علي واحد بيجيله قلب يسيبك تنامي معيطه
33 _ متوافيش علي حد ميعرفش حاجه عن الجواز غير انه شهر عسل و شقه وعيال
34 _ متقبليش بجواز صالونات .. ومتستنيش اللي يدفع أكتر .. انتي مش للبيع
35 _ اوعي تقبلي تعيشي مع انسان مش قادره تحبيه .. بلاش تظلمي نفسك وتظلميه
36 _ مفيش حاجه اسمها عانس .. في حاجه اسمها انك لسه ملقيتيش الشخص المناسب
37 _ لو اتخطبتي .. بلاش تمسحي صحابك الولاد .. خلي عندك شخصيه
38 _ لو اتخطبتي .. بلاش كل شويه تنزلي بوستات من نوعية : اشعر بالسعاده مع خطيبي .. اشعر بالمتعه مع خطيبي .. انا بحب خطيبي .. مفيش ف الدنيا زي خطيبي .. متحسسيناش انك اتخطبتي ل توم كروز
39 _ الخطوبه شئ عادي جدآ .. بلاش تتنكي علي صحابك السناجل بمجرد ما تلبسي الدبله .. انتي اتخطبتي مش عبرتي خط بارليف
40 _ الحياه مش جواز وارتباط وبس ..
في مليون حاجه تانيه تستاهل انك تعيشي علشانها

[sama smsma]

في مليون حاجه تانيه تستاهل انك تعيشي علشانها

[Mary Naeem]

اوعي تقبلي تعيشي مع انسان مش قادره تحبيه .. بلاش تظلمي نفسك وتظلميه

40 نصيحه لكل بنت بتفكر ف الارتباط