| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
18 - 05 - 2017, 08:02 AM
|
||||
|
||||
|
عارفين ان نسبه الطلاق العلنى فى مصر خلال ال سنتين اللى فاتوا هو ١٨٠٠٠٠ حاله طلاق فى السنه اما الطلاق الصامت اللى جوه البيوت أضعاف النسبه دى الطلاق الصامت هو انك تبقى كاره ...ورافض...الحياه مع الطرف الثانى بس مكمل علشان اسباب ثانيه خالص منها: 🌸١- وجود الأولاد والإحساس بتأنيب الضمير والذنب ان حياتهم هتتشتت 🌸٢- عدم وجود مورد مالى للزوجه غير الزوج 🌸٣- الخوف من الوحدة 🌸٤- نظره المجتمع للرجل المطلق وللست المطلقه. معنى كده اننا بنبقى عايشين فى بيت واحد ...بس كل واحد فينا فى دنيا ثانيه...يعنى عيشه والسلام...يعنى بنحكم على نفسنا بالموت واحنا على قيد الحياه...ودفنا قلبنا ومشاعرنا...يعنى عايشين بجسد من غير روح #الطلاق_الصامت اننا خلينا علاقتنا كلها محورها البيت والأولاد ...وانفصلنا عن بعض جسديا" وعاطفيا" #الطلاق_الصامت ده اصعب مليون مره من الطلاق العلنى....لانك بتعذب نفسك..وتعذب الطرف الثانى كل لحظه كل ثانيه بنقول لبعض ..سواء بالكلام او بالفعل او بالنظرات .... #انت ولا ليك اى اهميه فى حياتى #انت مجرد بنك بيصرف #انتى مجرد مربيه للأولاد #انا سايبك فى حياتى علشان الأولاد وبس طيب ايه اللى بيوصل العلاقه للنوع ده من الطلاق ؟ 🌸١-الاختيار الغلط لشريك الحياه من البدايه 🌸٢- عدم القدره من الاول على تفسير مشاعرنا صح ..يعنى اى احساس بنفسره على انه حب وبعد كده بنكتشف اننا مكناش بنحب من الاساس 🌸٣- الفتور والملل فى العلاقه لأننا مجتمع ميعرفش ثقافه التجديد واى علاقه بتستمر بنفس ألطريقه بتتخنق منها وبتزهق وبتمل ( هنزل بوست ازاى نجدد علاقتنا العاطفيه والزوجيه قريب ) 🌸٤- مافيش اى معلومات تعلمنا ازاى الست والراجل يفهموا بعض ويتفاهموا مع بعض...وازاى يتعاملوا مع بعض...وازاى يعرفوا يحلوا مشاكلهم 🌸٥- الكارثه الأكبر..هى التربيه....اتربينا على عادات وتقاليد وموروثات دمرت حياتنا وقضت عليها 🌸٦-كثير مننا عنده مشاكل نفسيه وعقد ... من الطفوله...من فكره الجواز نفسها ناتجه عن علاقه أمه وابوه .. اخته وجوزها...واغلب العلاقات اللى حوالينا 🌸٧- عدم اعتراف جزء كبير من الستات وجزء اكبر من الرجاله انه السبب الأساسى فى فشل العلاقه .. وطبعا طول ما احنا ما بنعترفش بغلطنا ورامين الحمل كله على الطرف الثانى ومستنينه يتغير .. هنعيش ونموت زى ما احنا ٧-مافيش صبر .. يعنى الكلمه الشهيرة " انا حاولت مليون مره وزهقت💖💖💖💖 
|
|
#2
18 - 05 - 2017, 11:16 AM
|
||||
|
||||
|
مافيش صبر .. يعنى الكلمه الشهيرة " انا حاولت مليون مره وزهقت�������� ربنا يباركك حببتي
|
|
#3
18 - 05 - 2017, 10:07 PM
|
||||
|
||||
|
ميرسى كتير على مرورك الغالى 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| تجنبي الطلاق الصامت في حياتك الزوجية | Mary Naeem | بيت على الصخر | 0 | 09 - 01 - 2014 02:56 PM |
| الطلاق | Mary Naeem | بيت على الصخر | 4 | 26 - 11 - 2013 11:50 AM |
| الطلاق | Ebn Barbara | العهد الجديد | 0 | 18 - 08 - 2012 11:13 AM |
| عظة عن الطلاق | concord | العظات المسموعة | 0 | 03 - 08 - 2012 09:03 PM |
| كيف نفرق بين الأفاعى السامة وغير السامة؟ | Magdy Monir | قسم المواضيع العامة المتنوعة | 4 | 15 - 06 - 2012 07:28 PM |
العرض العادي
