انا الكافر

[walaa farouk]

انا الكافر نقلت مقطم ..
وليا ف التاريخ صفحات
انا الكافر ايماني كبير
وثابت رغم اي ضيقات
انا الكافر وامي العدرا
بتظهر ساعة الازمات
انا الكافر الهي يسوع
الهي قام من الاموات
وكله مات ..
وهو الحي طول الدهر
يقولوا عليا ماليش ضهر
يقولوا يتيم
يقولوا زي ما يقولوا
الهي عظيم
هاتولي يا ناس اله غيره
قبل علشان ولاده ألام
بقول وانا راسي مرفوعه
مسيحي قام ..
بقول وجبيني مش محني
انا الكافر ف عين الناس
بتكفيرهم قبلت خلاص
يضايقوني .. يعايروني
صحيح لكن ..
لا يمكن ابقي يوم متداس
انا الكافر وايه يعني ..
يسوع برضه زمان صلبوه
هتظلمني وايه يعني ..
يسوع برضه زمان ظلموه
براحتك عادي .. يكفيني
يقولوا الواد طلع لابوه
وابوه جامد اوي وشديد
وبيه ابنه يفوت ف حديد
ولا يهزه ف يوم تهديد
ولا يركع لغير الله
ويلقاه ف الاتون وياه
يشق البحر يمشي معاه
وبيطلع عين اللي أذاه
معاه فرحه و امان وسلام ..
انا الكافر مسيحي قام
وقاللي يا واد متتهزش
ومتخافشي لو الايام
حزينه زي صوت الناي
مسيرها تنتهي حتمآ ..
وهانت ع السحاب انا جاي

شوفتوا الكفار حلوين ازاي ؟!

[shery jesus]

انا الكافر وامي العدرا
بتظهر ساعة الازمات..

كلمات جميييييلة اوى لولو ..اة لو يدركون ما هو ايمانى وقوته !!!

[walaa farouk]

ميرسى كتير على مرورك الغالى