. 10 افكار هتساعدك ع النجاح

[walaa farouk]

.1 _ علشان تذاكر صح نظم وقتك .. اعمل جدول للمواد اللي عندك
2 _ افضل وقت للمذاكره هو وقت الصبح بدري .. ذهنك بيكون صافي .. والدنيا هدوء ..
3 _ اكتب ف ورقه حلمك اللي عايز تحققه .. وحط الورقه جنبك ع المكتب .. كل ما هتتعب م المذاكره بمجرد ما عينك تلمح الورقه هتتشجع جدآ
4 _ كل ما تخلص اللي عليك كافئ نفسك .. ان شالله ب شيكولاته صغيره او اي حاجه تانيه بتحبها
5 _ علشان تفصل من جو المذاكره لازم تعمل لنفسك بريك .. وقت ترتاح فيه .. وكل ما كان وقت البريك ممتع بالنسبالك .. كل ما هتكون مبسوط وانت بتذاكر
6 _ حط جوه كتابك او ملزمتك صور الناس العظماء اللي نفسك تبقي زيهم .. الناس اللي نجاحها بيقويك وبيديلك دفعه معنويه .. وقول لنفسك : مش مهم اتعب دلوقتي .. المهم اني ف يوم م الايام هكون واحد منهم
7 _ ف وقت الامتحانات ابعد عن اي حاجه بتضايقك او بتديك طاقه سلبيه .. اماكن او اشياء او اشخاص .. ركز علي هدفك وبس
8 _ متجيش علي نفسك علشان تذاكر وقت اكبر .. لو ذاكرت ساعه واحده بتركيز احسن من 10 ساعات وانت مرهق و مش مركز
9 _ متهتمش بالمجموع ولا بالدرجات .. اعمل اللي عليك وبس .. المجموع مجرد رقم ف حياتك .. و حياتك اهم بكتير من درجه مكتوبه فوق شهادتك
10 _ قرب من ربنا هتطمن .. واتأكد انه شايف وعارف تعبك .. و راسم ليك خطه ومشوار .. كل حاجه هيعملهالك هتكون ف صالحك .. و طول ما انت معاه متشلش هم حاجه ..
ربنا يساعدك ويقويك .. و يعوض تعبك خير 💝

[Mary Naeem]

قرب من ربنا هتطمن .. واتأكد انه شايف وعارف تعبك .. و راسم ليك خطه ومشوار .. كل حاجه هيعملهالك هتكون ف صالحك .. و طول ما انت معاه متشلش هم حاجه
في منتهى الجمال يا قمر
ربنا يباركك

[walaa farouk]

ميرسى على مرورك الغالى مرمر

[فهد]

نصيحة اول 6 نصائح محدش يحكيها لسعودي امس بدات الاختبارات النهائية دوب الشعب يفك القراطيس عن كتبه xD

[walaa farouk]

ميرسى على مرورك الغالى