هو في حد يقدر يستغنى عن الناس في حياته ويعيش لوحده؟
لما بفكر أصلا في اجابة للسؤال ده بحس اني استحاله هقدر اعمل كده، مش هعرف أبدا أعيش لوحدي، بس برضه بشوف ناس قادرة تعيش لوحدها!!
وبالصدفة كده قابلت واحد أعرفه من زمـــان اوي وكان عايش لوحده، انا كنت فاكر انه مبسوط يعني ومرّيح دماغه من الهم والمشاكل والرغي، لكن لما كان بيتكلم معايا قالي كام جملة لسه بيرنوا في وداني لحد النهاردة، قالي " انا عمري ما كنت مبسوط وانا عايش لوحدي حتى لو الناس كلها شايفه كده، انا كان بيجي عليا اوقات بحس اني اتجننت من كُتر ما انا بقيت بكلم نفسي، واوقات تاني كنت بخاف انام لأصحى في يوم ألاقي نفسي ناسي الكلام، من كُتر برضه ما انا بقيت ما بتكلمش، وبصلي وقالي " الناس اللي في حياتك اللي انت بتحبهم أو حتى ما بتحبهمش دي بركة كبيرة أنت مش هتقدرهم غير لما تعيش الحياة بتاعتي دي"! الكلام اللي قاله ده بصراحة خضني ومابقتش عارف ارد عليه اقوله ايه!!
واكتشفت انه الاحساس ده فعلا مش غريب دا موجود من زمان، الله لما خلق حواء لآدم، خلقها علشان تبقى مُعينة ونظيرة، تبقى سند، تونَّسه في وحدته، رغم انه كان الله موجود، والله يقدر يغنيه عن أي حاجة، بس اللي اتفاجأت بيه بقى أن الله نفسه هو اللي قال " ليس جيدا أن يكون أدم وحيدا"، يعني الله بيقدر اوي العلاقات دي وبيقدر اوي انه لازم يكون فيه ناس جمبنا تسندنا وتقوينا وتحبنا ونحبها..
07 - 05 - 2017, 08:04 PM
رد: " ليس جيدا أن يكون أدم وحيدا
العرض العادي
