|
 |
 |
 |
|
رقم المشاركة : ( 1 )
01 - 05 - 2017, 06:24 AM
|
|||||||||||
|
|||||||||||
|
فاكرين فيلم " #الباشا_تلميذ " " بسيوني بسيوني " شوفتوا لما انجي عرفت إن بسيوني ضابط ؟ قالتله إيه ؟ انهارت وقالتله ليييه كده ؟ ليه ادتني كل حاجة وف ثانية خدت كل حاجة ! ده أنا اتغيرت علشانك ! واتصدمت صدمة عمرها !!! هو أنا عايزة أقول إيه ؟ - عايزة اقولك إن سنة ١٩٥٠ كان في دكتور علم نفس اسمه " Curt Richte " الدكتور ده عمل تجربة غريبة شوية .. جاب شوية فيران .. وحط كل فار منهم في جردل مصنوع من الازاز وملي نص الجرادل ماية وولع سيجارته ومسك ساعته ف ايده وفضل يحسب الوقت ويراقب الفيران وهي عمالة تعوم في الجرادل .. كل فار جوه جردل .. طيب و ليه إزاز بالذات ؟ قالك علشان الفار مايعرفش يتسلق ويخرج .. في فار قعد ٥ دقايق واستسلم للغرق ، التاني ٤ دقايق .. أكتر فار فضل يقاوم الغرق ١٥ دقيقة وبعدين استسلم .. الدكتور " curt " قرر يكرر نفس التجربة دي تاني بس بشوية تغيرات بسيطة .. حط الفيران جوه الجرادل الإزاز تاني بس كان بيراقبهم والفار اللي يحس انه خلاص هايغرق كان يطلعه وينقذه وينشفه ويسيبه يرتاح .. كل الفيران عمل معاهم كده اللي يحس انه همد وهايغرق يطلعه وينقذه قبل لما يغرق بشوية .. وبعد لما طلعهم ونشفهم وارتاحوا ، قام شايلهم وراميهم مرة تانية ف الماية ! طبعا احنا قولنا ان اكتر فار قاوم الغرق قعد ١٥ دقيقة واستسلم ! تخيلوا الفيران لما اترموا تاني قعدوا قد ايه ؟ أقل فار فيهم قعد يقاوم ٦٠ ساعة ! تخيلوا ٦٠ ساعة مش دقيقة ! وفي فار منهم قعد يقاوم الغرق ٨١ ساعة !! يعني قعد حوالي ٤ أيام يقاوم الغرق من غير إستسلام .. اشمعني يعني طولوا المرة دي في المقاومة أضعاف أضعاف المرة اللي قبلها ؟ قالك لأنه ف المرة الأولي كانوا فقدوا الأمل واستسلموا .. لكن ف المرة التانية لما طلعهم وانقذهم قبل الغرق ونشفهم ورماهم تاني كان عندهم أمل إن في طوق نجاة هاينقذهم .. بعد دقيقة بعد اتنين انشالله بعد ٨١ ساعة !! عايزة أقول إن الأمل هو الخيط اللي ممكن يتعلق بيه أي إنسان .. القشاية اللي بيتعلق بيها الغريق .. اوعي تعشم حد وتديله الأمل وتخلي بيه .. ممكن يقاوم الدنيا ويتحدي العالم علشان عنده أمل وثقة فيك .. متفائل إنك يستحيل تخذله أو تخلي بيه .. الفيران قعدت تقاوم علشان عندها يقين إن في حد هاينقذهم .. الإنسان ممكن يتغير ١٨٠ درجة لو إنسان علقه بحلم " سواء جوازة .. شغلانة .. يساعده يحقق حاجه معينة " والله ممكن ينام ويقوم يحلم باليوم ده ! .. ماتقولش لإبنك لما تنجح هاجيبلك كذا وابنك ياكل الكتب وترجع تخلف وعدك ! في ناس ممكن تعلق أحلامها وطموحاتها علي كلمة ووعد منك ! وكمان حاجة تانية : ممكن الإنسان قدراته تتغير وتبقي تهد جبال لو نفسيته حلوة .. الزوجة ممكن تشيل البيت وتقلبه فوقه لتحته تنضيف لو جوزها باس دماغها وقالها الله يقويكي ! بيديها زقة ودفعة تقويها .. وبيشحن بطارية السعادة جواها ! .. العيل الصغير بيصحي بصعوبة للمدرسة وبطلوع الروح .. بس يوم العيد بيصحي الفجر وممكن يطبق من فرحته .. صدقة علشان بتدفع لقدام .. تخيل المدرس لو طبطب علي كتف الطالب وقاله أنا متاكد إنك قدها .. تخيل واحد قال لمراته انا مقدرش أستغني عنك وجابلها ورداية .. دي ممكن تولع ف البيت من فرحتها .. اوعي تدي الأمل لحد وتقطعه .. جايز تكون أنت الحبل الوحيد اللي غيرك شادد فيه .. واوعي تكون بإيدك تفرح حد وتحزنه وتكسر بخاطره كده أنت بتهده وأنت مش داري .. اوفي بوعدك وفرح اللي منك ، لأن ربنا هايحاسبك علي كده الحزن بيهد : " الحزن يضعف القلب ، و يوهن العزم ، و يضر الإرادة ،.. !" وصالح سليم قال عن الوفاء بالوعد : " لا أعتقد أن هناك سبب حقيقي يجعل رجل حقيقي لا يوفي بوعده الا شيء واحد .. قالوله هو إيه ؟ قالهم الموت ! " 
|
|
01 - 05 - 2017, 10:14 AM
|
رقم المشاركة : ( 2 ) | ||||
|
† Admin Woman †
|
رد: أوفى بوعدك وأعطى الأمل
" لا أعتقد أن هناك سبب حقيقي يجعل رجل حقيقي لا يوفي بوعده الا شيء واحد .. قالوله هو إيه ؟ قالهم الموت ! " ربنا يباركك |
||||
|
|
|
04 - 05 - 2017, 05:23 PM
|
رقم المشاركة : ( 4 ) | ||||
|
..::| الإدارة العامة |::..
|
رد: أوفى بوعدك وأعطى الأمل
ميرسى كتير على مروركم الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| انا بطالبك بوعدك |
| بوعدك فلا تقلق على حياتك |
| تشددت بوعدك |
| اوفي بوعدك وفرح اللي منك .. |
| كن صادقا بوعدك |
العرض العادي
