المدرس الرائع رزق...

[Rena Jesus]

المدرس الرائع رزق

_ اول ما ابني دخل المدرسه كان كسوف جدا مش بيحب يتكلم ولا يشارك
ربنا رزقه بميس بتدرس الart لاحظت انه بيحب الرسم
وبقت ديما تطلعه يتكلم عن رسمه
وبسببها ابني دلوقتي بقي واثق في نفسه وبيتكلم قصاد كل الناس معرفش
لو كانت خدت قرار أنها تدخل تدي الحصه وتمشي من غير اي مجهود زياده انها تساعد في بناء شخصيه طفل كان حصل ايه

_ السنه اللي فاتت ابني كان بينسي كراساته وكتبه ويضيعهم علي طول وطول الوقت
المدرسين عماليين ينتقدوا فيه لحد ما وصل لقناعه انه مش هيقدر يحافظ علي حاجته ابدا
لحد ما جات ميس كتبت له اد ايه هو مميز واد ايه هو متفوق وأنها مستنيه شغله ♥️
اليوم ده رجع قلب البيت لحد ما لقي حاجاته ومن يومها مجاليش شكوي من اي مدرس انه بينسي حاجه
برضه معرفش لو مكنتش كلمته بالإيجابية والتشجيع ده وكانت لامته وعاقبته وانتقدته زي الباقيين كان ممكن احل المشكله دي ازاي

_ السنه اللي فاتت صحبتي الانتيم حكت لي ان ابنها في الفصل مع مدرسه رهيبه مؤمنه بيه
وبتطلع احسن ما فيه وبعد ما كان متمرد علي المذاكرة بقي مهتم جدا وشاطر جدا جدا بسبب تشجيعها ليه ويشاء القدر ان بنتي تروح عند نفس المدرسه السنه دي

_ السنه دي بنتي كان عندها ولد في الفصل شقي شويه ومعظم الولاد بتشتكي منه وكان فعلا شقاوه رهيبه وضرب في الولاد
ورحت كلمت مدرسه الفصل لان بنتي كانت بتشتكي منه لقيتها بتقولي
ممكن تصبروا عليه انا هعرف احتويه
وخلال اقل من شهر الولد أتحول حرفيا بطل يضرب كل الولاد وبقي فعلا ممتاز لدرجه ان بنتي مش مصدقه التغيير اللي حصله بعدما كان (case)
ده غير ان بنتي كان حصلها مشكله ووقوع جامد في reading وفضلت ورآها لحد ما خلتها ممتازه وواثقه جدا في نفسها ♥️

في مدرسين كتير بيغيروا حياتنا حرفيا
بسبب قرار صغير أخدوه انهم يحسنوا للاطفال ويدوهم اهتمام وفعلا
وما السير في الخير الا اختيار وما الخوض في الشر الا خيار
يعنى من الأخر ليك القرار ♥️

[مسلمة و افتخر]

Merci beaucoup

[walaa farouk]

ميرسى على مشاركتك الجميلة رينا

[Rena Jesus]

ميرسى لمروركم الغالى

[Mary Naeem]

ربنا يبارك حياتك

[Rena Jesus]

ميرسى لمرورك الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمرورك الغالى