انا جايب لكم حلقات دمها خفيف خالص
شفتها فى منتدى تانى وقلت لازم اجيبهالكم
وكل ما احس ان الردود تشجع هانزل حلقه جديده لبقية القصه
كفايه رغى كده ونبتدي.
الحلقة الاولى
سعيد: لو سمحتي حضرتك...ممكن براية
انجى: ههههههههههههههههههههههههههه
سعيد: حضرتك بتضحكي على ايه ممكن اعرف يعني لو سمحتي
انجى: مش عيب شاب في سنك يطلب براية ..ده احنا في جامعة
سعيد: طيب معاكي شفرة...عشان المحاضرة هتبدأ خلاص
انجى: ايييييه..ايه شفرة دي..ممكن تسكت لو سمحت
سعيد"بصوت عالى" : حد معاااااااه براااااااااية....او قلم زيااااااادة..ردوا
انجى: انت اكيد مجنون وطي صوتك الطلبة كلها بتضحك عليك
سعيد: ويضحكوا ليه ولاد الدزمة دووووووووول
انجى: خلاص خلاص انا هنقل المحاضرة وبعدين اديلك تصورها
سعيد: شكرا بس انقلي كويس ..وياريت تنظمي الكراسة
(اثناء ما المحاضرة شغالة وانجيمشغالة كتابة وسعيد هيموت عشان مش معاه قلم)
سعيد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
انجى: انت مالك ومال خطي مش كفاية هديلك تنقل مني وهتعطلنى انا
سعيد: ليه وانتي عربية اصلك علشان تتعطلي..هما البنات متعطلين خلجة
انجى: انت انسان قليل الادب...بجد مش بتعرف تكلم البنات ازاي
سعيد: لأ يا شيخة والنبي المرة الجاية تبقي تجيبيلي الكتالوج بتاعك
( انجى عشان رقيقة سكتت ومش عرفت ترد على سعيد بحاجه وانتهت المحاضرة )
اثناء خروج الطلبة من المدرج...سعيدا حب يستظرف بس بطريقة غبية شوية
سعيدوسط حشد من الطلبة بنات وولاد وكأنهم قطيع من المواشي
هررررررررررررررررررر...وضحكته سمعت كل اللي ماشي
(انجى بتحكي مع زميلتها من كلية تانية على سعيد )
انجى: بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
انجى: بس تعرفي شكله وسيم اووووي...حاسة انه طيب وعلى طبيعته
هالة : اوووو...ده وسيم...ده مش حاطط نقطة جيل على شعره حتى..شعره منعكش جدا
انجى: يا ستي سيبك
هالة : على رأيك
خلص اول يوم في الجامعة وقبل النهاية بدقايق
سعيد: يا استاذة يا انسة فين المحاضرة عايز انقلها هاتيها يلا يلا بسرعة
انجى: تنقل ايه يابني دي عشر ورقات غير في رسومات وجداول
سعيد: ومالهم يعني عشر ورجات انتي هتخلفي وعدك ولا ايه
انجى: انا مقلتش كده بس في حاجة اسمها تصوير..اسرع يعني
سعيد: هههههههههههههههههه اصور ايه بخطك الزفت ده..شوفي ...زفت
انجى: حقيقي انا غلطانة وكلام هالة باين عليه صح...بعد اذنك..اوف
سابته ومشيت .....
سعيد : عليكي يا شيخة وعلى هالة وعلى الجامعة كلتها....وبرضه خطك زي الزفت
.
.
.
.
هاا ايه رايكم يا شباب
لو عجباكم اجيبلكم باقى الحلقات وممكن انتو تكملوا بقيت الحلقات معايا واحنا الاعضاء نالف ولو معرفتوش كل اسبوع هنزل حلقه جديده لو مش عجباكم عرفونى
المهم عندى رضاكم
