|
 |
 |
 |
|
رقم المشاركة : ( 1 )
07 - 02 - 2017, 08:23 PM
|
|||||||||||
|
|||||||||||
|
ساعات بتيجي عليك أيام... بتصحى من النوم ... بتبص حواليك ... حاسس أن مفيش حاجة تصحى عشانها .... هوة فيه ... بس مفيش ... مش مهم ... اللي هصحى عشانه ده مش مهم ...... هوة مهم ... بس فعليا... مش مهم ..... بتكمل نوم ... بنص عين و نص قلب ... حاسس ان لون روحك أزرق ... نفسك تعيط ... تفضل تسأل نفسك ... طيب و آخرة اللفة دي ايه ... أنا تعبت .... و زهقت ... الأيام بقت شبه بعضها... مش شبه بعضها حرفيا .... لا الأحداث مختلفة ... بس المشاعر واحدة .... نسيت احساس الانبهار ... حتى لما بعرف ان حد عزير طعني في ضهري ... أو خاني ... مبيبقاش فيه انبهار .... عادي ... بشخطب عليه ... و بيروح لحال سبيله .... و قيس على الحال ده كل حاجة ... الحياة كلها فقدت عنصر الانبهار ... حاسس أنك عايش حالة ركود .. أزرق ... لون روحك .... بقى أزرق ..... مش مكتئب .... أنا مش مكتئب ... أنا بس حاسس أنه (عادي) .... لا يا فندم ... كل اللي بتقوله ده ... مبيتقلش عليه غير كلمة واحدة .... (الإكتئاب) ... حالة الانبهار اللي أنت فقدتها دي سببها أنت... حياتك كلها بتدور حوالين أشخاص معينة....أماكن معينة .... مواضيع معينة .... نزاعات معينة .... طموحات معينة .... كلها معينة و محددة .... حتى عقلك أصبح ليه برواز.... ممنوع تفكر.... ممنوع تكسر البرواز ده..... خايف تعرف ناس جديدة .... عشان الناس اللي مروا عليك في حياتك علموك الأدب ... و دايما مقتنع ان الناس مبيجيش من وراها غير وجع القلب و الدماغ .... فتفضل محاوط نفسك بنفس الأشخاص القدامى اللي طلعت بيهم بعد صراعات نفسية مع الجنس البشري.... الناس القدامى اللي حافظ تفاصيل تفاصيل حياتهم .... و بتبقى عارف هيقولوا ايه من قبل ما يتكلموا .... مكتفي بيهم جدا .... بس دلوقتي ... أنت مش مبسوط.... أنت (عادي)... و أصبح العادي....أحسن من (غضبان) (و زعلان)و(ظني خاب) .... لا يا فندم .... حالة الغضب و الزعل و خيبات الأمل أفضل بكثير من حالة ال(عادي) اللي وصلتلها ... الحالات دي تفاعلات بشرية طبيعية بتحسسك أنك عايش .... و بتتفاعل ... حالة ال(عادي) ممكن تكون فاصل في مرحلة معينة .... بس مينفعش تكون أسلوب حياة .... دي أسلوب انتحار و موت بالبطيء .... طيب أعمل ايه!؟؟! جرب .... جرب كل حاجة .... ادخل في علاقات و صداقات جديدة ... اعرف ناس عندها اهتمامات مختلفة عنك .... روح أماكن جديدة فيها فرهدة و حركة ... سيبك من قعدة الكافيهات .... سافر على قد امكانياتك ... سافر مع ناس متعرفهاش .... ارجع معاهم و أنت عارفهم .... انزل مكان جديد و توه فيه .... اقرأ كتب غير نمطية بالمرة.... شوف العالم الآخر بيفكر ازاي....سافر بأفكارك ليهم .... امشي كتير في أماكن زي القلعة و الحسين و شارع المعز .... سافر بالقطر .... شوف الشروق من على البحر .... طبق باليومين و نام ميت تعب من غير متفكر في حاجة .... متقعدش مع ناس مبتحبهاش أو حتى مبتستظرفهاش .... خليك حر في كل تصرفاتك و اختياراتك ..... متجيش على نفسك .... أنت الأهم .... متفكرش مرتين لو في نفسك في حاجة جدا .... مفيش حاجة اسمها ندم .... الندم الحقيقي أنه يعدي عليك الوقت و أنت بتتمنى الوقت يرجع عشان تعملها ..... خليك جرئ ... حافظ على خصوصية علاقاتك الجديدة..... و علاقاتك القديمة هية الأساس .... هية الأمان.... حافظ على صحتك ... لأن دي راس مالك الحقيقي في الدنيا .... و ما تستسلمش لأي حالة (عادي) بتمر عليك.... لأن في ناس دخلت في ال(عادي) و مخرجتش منه غير على قبرها .... عيش يا صديقي .... و استمتع برحلة الحياة بكل هفواتها و أخطاءها و تجاربها ... و مشاعرها و مراحلها العمرية المختلفة ..... خليك قوي و شجاع .... فلا عزاء للجبناء و الضعفاء ..... cpd 
|
|
08 - 02 - 2017, 08:15 AM
|
رقم المشاركة : ( 2 ) | ||||
|
† Admin Woman †
|
رد: أسلوب انتحار و موت بالبطيء ....
مشاركة جميلة جدا ربنا يبارك حياتك |
||||
|
|
|
08 - 02 - 2017, 03:34 PM
|
رقم المشاركة : ( 3 ) | ||||
|
..::| الاشراف العام |::..
|
رد: أسلوب انتحار و موت بالبطيء ....
ميرسى لمرورك الغالى
 |
||||
|
|
|
09 - 02 - 2017, 02:30 PM
|
رقم المشاركة : ( 5 ) | ||||
|
..::| الإدارة العامة |::..
|
رد: أسلوب انتحار و موت بالبطيء ....
ميرسى على مشاركتك الجميلة
|
||||
|
|
|
09 - 02 - 2017, 03:07 PM
|
رقم المشاركة : ( 6 ) | ||||
|
..::| الاشراف العام |::..
|
رد: أسلوب انتحار و موت بالبطيء ....
ميرسى لمروركم الغالى
|
||||
|
|
|
09 - 02 - 2017, 03:12 PM
|
رقم المشاركة : ( 7 ) | |||
|
x Banned x
|
رد: أسلوب انتحار و موت بالبطيء ....
الله الله على الكلام العسل
شكرا |
|||
|
|
|
10 - 02 - 2017, 11:58 AM
|
رقم المشاركة : ( 8 ) | ||||
|
..::| الاشراف العام |::..
|
رد: أسلوب انتحار و موت بالبطيء ....
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ما بين "أسلوب يسوع" و"أسلوب التّلميذ والكنيسة" |
| انتحار شاب |
| يعترض البعض بأن أسلوب الرسالة (با6: 1- 72)، ليس أسلوب إرميا |
| انتحار |
| انتحار |
العرض العادي
