مش مجرد صوت

[walaa farouk]

في مرة ركبت حنطور واتفاجئت ان الراجل بيضرب الحصان بقسوة علشان يمشي
قولتله انت كده هتموته
قالي لا يا استاذ انا بضرب علي الخشب علشان يخاف من الصوت
ركزت معاه فعلا لقيت الكرباج نازل علي الخشب
وكتير زي حلاتي كان مفكر انه معندوش قلب وبيضرب كائن حي بالقسوة دي
تفوت الأيام والاقي حنطور معدي وصاحبه نازل فيه ضرب
مهتمتش خالص بالموضوع لأني فهمت اللعبة
لكن المفاجأة لما لقيت الحصان اترمى علي الأرض ومات وجسمه عليه اثار عنف
ساعتها فهمت ان فيه حاجه غلط .. وعرفت ان طرق العقاب ممكن تبان واحده
لكن فيه خفايا ميحسش بيها غير اللي عايشها
لما تلاقي حد قدامك موجوع من حاجه تبان انها تافهه وعاديه
متقللش من وجعه .. لأن ساعتها بيكون فعلاً فيه حاجه غلط
حس بوجع غيرك اياً كانت تفاهته ..
لانه لو كان مجرد صوت في ودانك .. فهو سياط بيقطع في جلده

[sama smsma]

ربنا يفرح قلبك

[walaa farouk]

ميرسي على مرورك الغالى سمسمة

[Rena Jesus]

ميرسى ربنا يبارك تعب محبتك

مش مجرد صوت